ساعدني في انتقامى

البارت العاشر

الشخص:فعلا يا فندم استاذة مى قدمت فى المناقصة ولكن وانسحبت النهاردة الصبح
ويوسف بصدمة:دة ازاى يعنى
الشخص:هو دة يا فندم الحصل ويا ريت حضرتك تمشي
(يوسف مشي وبيتصل على مى وعمر ولكن محدش رد):ردو بقى استحاله مى تعمل معايا انا كدة انا رحت فى ستين داهيه
*************
عمر:زمانه بيموت يعنى
مى:وهيجى يتأكد هنا ولكن ساعتها هيكون البنك حجز على كل أملاكه
عمر:انا هبتدى اقلق منك
مى:لا عيب والهى انا حتى طيبه جدا اه صح تفتكر منال هتقبل تعيش مع يوسف وهو معندوش حاجة ولا شغل ولا بيت ولا اى حاجة دة هيبدا من تحت الصفر
عمر:لا استحاله زمانها دلوقتى بتطلب الطلاق
عمر: يوسف مبطلش رن
مى:يالا خلي يحس قد اي هو غبي تصدق يا عمر هو فاكر أنى مسامحها وانى مزعلتش ساعتها ميعرفش اى الحصلى بعدها
عمر:كل دة هيتنسي وهنبدا صفحة جديدة
مى:هنفتح صفحه جديده بس لما اقفل على القديم
*************
يوسف:منال انا اسف
منال: انت جاى تتاسف علشان انت بتحبنى ولا علشان البنك حجز على كل املاكك وجاى تاخدنى علشان تخلي بابا يساعدك
يوسف:انتى ظلمانى
منال:لا يا حبيبى انت اهبل اوى
يوسف بعصبية: احترامى نفسك
منال: علشان كنت فاكر أن مى هتسامحك
يوسف باستغراب هو انتى تعرفى انا عملت اى معاها
منال:طبعا انت مش كنت كاتب كل حاجة عن علاقتكم ومخبيها فى الاوضة المقفوله بس تصدق أن ربنا نجدها منك
يوسف:انا سبتها علشان بحبك انتى والدليل على دة انى اتجوزك بعد ما سبتها باسبوع
منال:دة اى الجحود دة لا يا حبيبى انت سبتها علشان مصلحتك مع بابا وفكرت انك لما تبقى جوز بنته يبقى يعملك انت عايزه
يوسف:لا انتى ظلمانى
منال:انا فعلا ظلمت بس مظلمتكش انت انا ظلمت واحد بيحبنى كان مستعد يعمل اى حاجة فى الدنيا دى علشانى
يوسف ضربها بالقلم :مين دة
منال:طلقنى
ابو منال :ايدك دى متجيش جنب بنتى تانى (وطلب الأمن) خدوا الكلب دة برة بس بعد ما يطلقها
يوسف:يا عمى انا يوسف حبيبك انت نسيتنى
ابو منال:انا غلط غلطة عمرى انى جوزتهالك يالا طلقها
يوسف:مش هطلق
ابو منال:انا كنت عايز الم الموضوع ولكن طالما انت مصمم تبقى متجيش تشتكى بعد كدة
***************
علي:مى انتى يا زفته يالى اسمك مى
مى:اى بتزعق لى
علي:مش دى التيشيرت البدور علي
مى:عجبنى ولبسته بس بزمتك مش التيشيرت عليا انا احلى
علي:لما انتى تلبسي لبسي انا البس اى لبسك
مى:تصدق فكرة انا عندى حته فستان أما اى مغرى بص هيجيلك عرسان
علي:بت اتلمى تاخدى لبسي لى ما عندك لبسك
مى:مش بحب شغل العيال دة بتاع حاجتى وحاجتك
وبعدين انت عندك دولاب كبير وفي لبس حلو اوى مجتش التيشيرت دة
علي:حسبى الله ونعمه الوكيل
مى:بس بردو لابس ومتشيك على فين يسطا
علي:اقابل اسراء
مى:صاحبتى طيب كويس خمس دقايق واكون جاهزة
علي: وانتى تيجى لى اصلا
مى:مشوفتهاش النهاردة وبعدين متبقاش انانى وخدنى معاك بقى بص مش هتكلم ولا تفتح بوقى حتى
علي:بصي انا نازل و لوحدى ومسمعش صوتك كفاية انك واخدة هدومى وانا ساكت
مى:انا اصلا مش فاضيه عندى عريس عايزة اطفشه قصدى أقابله
علي بضحك:طيب يا ستى سلام
***************
مى:اهلا وسهلا انت بقى استاذ امجد
امجد :اه اتفضلى
مى:انت بقى عندك كام سنه
امجد:قدك فى السن يعنى مش اكبر منك ولا اصغر منك
مى:عيل يعنى
امجد:نعم!!!
مى:وبعدين انا مش موافقة انت صوابعك اكبر من صوابعى
امجد:طيب ودى اعمل فيها اى
مى:متعملش طيب انت بتشتغل اى
امجد:طيار
مى بفرحة:بجد طيب انا موافقة بس بشرط
امجد:اتفضلى
مى:احنا نتجوز لمدة شهرين نلف فيهم العالم بس أمانة عليك يا شيخ طول ما احنا متجوزين تعاملنى زى اختك
امجد:اختى؟! طيب انا جاى اتجوز وحضرتك تقوليلى شهرين وتلفى العالم واعاملك زى اختى ودة قصاد اى
مى:قصاد انى هسليك انا عامله زى الراديو بوقى ٢٤ساعة مش بيقفل
امجد :طيب يا ستى انا مش بلف العالم انا طيار يعنى بطلع من مطار القاهرة بروح مطار البلد التانية وارجع تانى يعنى مش بتفسح
مى:اه طيب اقوم أقف كدة يا فندم
امجد:اى يا ربى الجنان دة اهو قومت
مى:لا انت طويل اوى انا عايزة واحد وبعدين انت برج اى
امجد :الأسد لى
مى:يا خسارة مش بيتوافق مع برجى نهائى فرصة سعيدة جدا يا فندم وعن ازنك
************
علي:ممكن اسالك سوال
اسراء:لا نأكل الاول وبعد كدة ابقى اتكلم
علي:هو احنا مش هينفع نتكلم وانتى بتاكلى
اسراء:هو فى العادى لا بس مسمحلك المرادى
علي:كلمينى عن نفسك شوية عن مميزاتك عيوبك
اسراء:انا كلى مميزات انا معنديش عيوب خالص ومش مغرور نهائى
علي بضحك:انتى متأكدة انك مش مغرورة
اسراء بضحك: انا مش مغرورة اينعم مفيش منى اتنين بس مش مغرورة
علي:لا واضح خفى اكل شوية مش خايفة تتخنى
اسراء بضحك: لا يباشا انا عندى ميزة مهمة جدا انى مهما باكل مش بتاخن تقريبا دى امنيه البنات كلهم
وبعدين هو فى احلى من الاكل ؟
علي: اه طبعا فى حاجات كتير احلى من الاكل
اسراء:لى عمرك طلبت بيتزا قالتلك مشغوله ولا حبيت محشي وخذلك ولا حبيت شاورما وجرحتك
علي بضحك:للدرجاتى بتحبى الاكل
اسراء:فوق ما انت متخيل انا اول ما بصحى باكل قبل ما بنام باكل طول اليوم فى التلاجة
علي: الله ومش بيبان عليك حاجة لى
اسراء:انت هتحسدنى ولا اى وبعدين اتصل باختك شوف نيلت اى
علي:هتلاقيها دلوقتى شيلت العريس
مى:الو اخيرا عبرتونى
علي:ها يا وكستى نيلتى اى طفشتى ولا لبستى
مى:انت تعرف عنى كدة طفش طبعا قومت قولتله فرصة سعيدة ورحت ماشية
اسراء:برافو عليكي
مى:شكرا شكرا سلام بقى علشان عايزة انام
****************
(منال راحت الشركة ودخلت عن عمر)
منال:ازيك يا عمر
عمر:منال انا كويس انتى اى جابك هنا
منال:جاى اتاسفلك
عمر:اطلعى برة
منال وهى بتقرب منه:تعالى نبدا صفحة جديدة
عمر: استحاله انا بحب واحدة تانية
منال:وهى بقى احلى منى
عمر:بمراحل هى يعنى الادب كله والأخلاق
منال حضنتها:ممكن منتكلمش فى حاجة دلوقتى
************
مى :استاذ عمر جوا
الشخص : اه يا فندم والأستاذة منال كمان
مى باستغراب:منال اى الجابها
(ودخلت مى اوضة عمر)
مى:اى دة هو اى البيحصل (وخرجت )
عمر وهو بيبعد عن منال :مى استنى
**************
★رايكم
★تواقعتكم