Unicode
"ဆဲဂီ ကိုယ်မင်းကို ခေါ်သွားစရာတစ်နေရာရှိတယ်။ တစ်ပတ်လောက်အချိန်ရလား"
ဂျပန်ရဲ့ နေပူပူ မေလတစ်ရက်မှာ ရစ်ချက်က ဆဲဂီကို ရုတ်တရက်ဆန်စွာပြောလာတယ်။ ဆဲဂီအတွက်ကတော့ မထူးဆန်းတော့ .... ဘာများအထူးအဆန်းလုပ်ပြီးလာပြောနေတာလဲလို့ကို တွေးမိတာ။ ခုနောက်ပိုင်း ရစ်ချက်က ဆဲဂီကို အလုပ်ကိစ္စတွေနဲ့ နိုင်ငံခြားကို ခေါ်ခေါ်သွားတဲ့ အကြိမ်ရေတွေစိပ်လာတယ်လေ။ အခုလည်း အလုပ်ကိစ္စလို့ပဲတွေးပြီး ဆဲဂီက အများကြီး မတွေးတော့ဘဲ ခေါင်းညိတ်လိုက်တယ်။
"ရတယ်လေ။ ဘယ်တော့သွားကြမှာလဲ"
ဆဲဂီက ဘယ်ကိုသွားမလဲဆိုတာတောင်မမေးတော့ဘူး။ ရစ်ချက် ဘယ်ခေါ်ခေါ်သူလိုက်မှာပဲ။ သွားရမယ့်အချိန်သိရင် သူ့ဘာသာ ဒီဘက်က စိစဥ်စရာရှိတာ စီစဥ်ပြီး အထုပ်သိမ်းကောက်လိုက်သွားတာပဲ။
"နောက်အပတ်လောက်"
ဆဲဂီက ဘာမှမပြောဘဲ ပတ်စပို့ထုတ်ပေးလိုက်တယ်။ ဗီဇာတွေ လေယာဥ်လက်မှတ်တွေက ရစ်ချက်စီစဥ်လေ့ရှိတာမို့ ဆဲဂီက အဲ့ဒါတွေ ဘာမှမတွေးဘဲ လုပ်လက်စပူတင်းကို ဆက်ဖုတ်တယ်။
သွားမယ့်နေ့လေယာဥ်ကွင်းရောက်တော့ လေယာဥ်လက်မှတ်ပေါ်က သွားမယ့်နေရာက ကိုလမ်ဘို.... သီရိလင်္ကာရဲ့ မြို့တော်.... ဆဲဂီ ရစ်ချက်နဲ့ အလုပ်တော်တော်လုပ်ခဲ့ပေမယ့် အဲ့ဒီ အိန္ဒိယပင်လယ်ရဲ့ မျက်ရည်စက်လေးရှိရာတော့ မရောက်ဖူးသေးဘူး။ ပြီးရင် ထိုနေရာလေးက ကျောက်မျက်တေွလည်း ပေါကြွယ်လွန်းတယ်။ ဥပမာ ဆဲဂီတို့ နှစ်ယောက်ကို ရေစက်ဆုံစေတဲ့ သူ့အဖွားရဲ့ ပတ်ပါရချရာလို့ ခေါ်တဲ့ ပန်းလိမ္မော်ရောင် နီလာလိုမျိုး ကျောက်ထူးထူးဆန်းဆန်းတွေလည်း ထွက်သေးတယ်။ အဲ့ဒီမှာ ဆဲဂီရုတ်တရက်နားလည်သွားတာက ရစ်ချက်က သူ့မွေးနေ့အတွက် ခရီးစီစဥ်ပေးလိုက်တယ်ဆိုတာပဲ။
ဆဲဂီမှာ ပျော်လွန်းလို့ ရစ်ချက်ကို ထတောင်ခုန်ဖက်မိတယ်။ လေယာဥ်ပေါ်မှာထိုင်နေတဲ့ ခရီးစဥ်တစ်လျှောက်မှာလည်း ဆဲဂီက စပ်ဖြီးဖြီးနဲ့ သွားစေ့မရခဲ့ဘူး။
ရစ်ချက်က လေယာဥ်ကနေဆင်းဆင်းချင်း မြို့တော်မှာနားမယ့်ပုံမပေါ်ဘူး။ လေဆိပ်အပြင်မှာရှိတဲ့ သုံးဘီးတစ်စီးစီသွားပြီး ရှင်းဟလိ ဘာသာစကားနဲ့ (သီရိလင်္ကာ ဘာသာစကား) တစ်နေရာသွားဖို့ စျေးမေးတယ်။ ဆဲဂီကတော့ အင်္ဂလိပ်စာတောင် ရစ်ချက်သင်ပေးမှ နည်းနည်းတိုးတက်လာတာမို့ ဒီနိုင်ငံရဲ့ ဘာသာစကားကို နားမလည်နေဘူး။ အဲ့တော့ ဆဲဂီအလုပ်က ရစ်ချက်သွားရာနောက်ကို အထုပ်ဆွဲပြီးလိုက်ယုံပဲ။
ESTÁS LEYENDO
One Shots Collections
Historia Cortaတို့ရဲ့ OTP တွေကိုရေးပါမယ် အခုက ရီချတို ဆမနဲ့ ဘေဘီဆဲဂီနဲ့ စကြတာပေါ့ 1. Richard x Seigi 2. Kruro x Kenma 3. Kageyama x Hinata x Atsumu 4. Kageyama x Hinata x Atsumu 5. Richard x Seigi 6. Bokuto x Akaashi 7.
