غزالتي النازحة

البارت الخامس

الكاتبة🦋زمرد🦋
.
.
.
.
.
.
.
.
.
.
‏"ما كنت أؤمن بالعيون وفعلها
حتى دهتني في الهوى عيناكِ."
.
.
غزالة:طلعوا احمد وعلي علمود يجيبون المستمسكات نكمل اجراءات الدفن بقينة اني ومصطفى رحنة كعدنة باب الثلاجة ومصطفى حاضني واثنينة نبجي شوية ودك موبايل مصطفى ضاج من شاف الرقم وعافني وكام يخابرر

مصطفى:دك موبايلي رقم كلت اكيد نفسة اليخابرني دائماً رديت الو نعم منو وياية

المجهول:ماعرفتني مو اي حقك المهم لترجع من المستشفى اخوانك جايين حته متعب نفسك ادفنهم كُلهم سوية ووراهم انت حظر نفسك ههه

مصطفى:يول اخوانيي شسويتلهم ولك كلبب احجيي شسويتلهم ياحقير ياجبان احجيييي

المجهول:اشش لتعيط صوتك ازعجني اخوانك روح لم جسمهم لان اطشر فجرت السيارة الصاعدين بيهة هههه

مصطفى:ياكلبببببب حقيررررر اقسم بالله اذا مسويلهم شي مااعوفك بحالك اكتلك ياحقيرر انت وجماعتك عبالك معرفتك انت منووو اصبرليييي ياكلببب وياجبان بيك خير تعال اطلع مو من ورة الموبايل تحجي قسماً بذات الله اذا مااكتلتكم انت وجماعتك يطلع اسمي مو مصطفى لو تكون روحي الثمن اكتلكم اكتلكم

المجهول:لتحرك دمك هواية هو انت هم اليوم تنكتل وياهم وانكطع الخط....

غزالة:من سمعت مصطفى يزكح(يعيط)ركضت شيكول عادي الي انكتل ابوهة وامهة ماتت بنفس اليوم شنو اكو اسوء من حالتهة بعد رحتلة كتلة مصطفى شكو

مصطفى:غزالة مكانج متعوفي تبقين هنا خوش اطلع هسة اجي لتخافين خوش

غزالة:كلي هذا الكلام وطلع ماعرفت شكو بقيت بمكاني ساعة كاملة شوية واجني سيارتين اسعاف طب مصطفى وذب نفسة عليه ووكع وكعت ويا مصطفى احجي حبيبي شبيك حباب كول جماعتك من الدوام مو الجابوهم

مصطفى:دكيت على علي ماكو مغلق احمد نفس الشي كلت بسبب الاشارة رجعت على طريق البيت وشفت ازدحام وطريق مسدود والدنيا مكلوبة لزمت كلبي مااتجرأت انزل من السيارة خاف صدك اخواني رفعت راسي الربي كتلي ربي بحق من انزل القران كون مااخواني ومصارلهم شي الهي طلب اطلبة منك والله كلبي بعد ميتحمل اذا جان هذا اختبارك اليه ف اني عرفت نفسي مو كد الاختبار وادري كلمن ويومية ياالهي بس اخذ من عمري العمرهم ونزلت واني لازم كلبي باوعت واشوفهة سيارتي الراحو بيهة حسيت الدنيا وكفت اذاناتي كامت اطن عليه السيارة محتركة ومكلوبة ردت اعبر الشرطة مخلوني طلعت الباج مالتي خلوني افوت باوعت اثنينهم محتركين بقيت على امل انو مو همة بس رفعت ايد علي لكيت الوشم مالتة كاتب غزالتي نص الاحرف محتركة رحت الاحمد الي طاب بركبتة كزاز ونص من جسمة متحرك بستة حيل وحضنتة هو طاير من هاي الجهة وعلي من ذيج الجهة جريتهم واحد بصف الثاني مددت رجلية وخليتهم واحد منا وواحد منا وبس دموعي تصب حسيت ماعندي كلب حسيت كلبي صار حجر ميحس وبس احس عيوني اطلع نار ودموعي تنزل جمر على خدي اجوي الاسعاف اخذوهم من حضني واني بقيت على كعدتي اجوي الشرطة كوموني صعدت بالاسعاف وية علي واحمد ورانة نزلت قبلهم اروح الغزالة اكللهة بقينة بلا اهل ولا اخوان راحوا بيوم منة جان يوم الاسود ذبيت نفسي عليهة لان احس رجلية ميساعدني حته اوكف