غزالتي النازحة

البارت السادس عشر

الكاتبة🦋زمرد🦋
.
.
.
.
.
.
.
اسمر عيونه شمس ضيع مواعيدي🤎
.
.
غزالة:دنمشي اني ومينا ونما وعمة صاح كرار

كرار:اخخخخ

ام قسور:يمة اسم الله شبيك

كرار:يمة هنا بهذا المحل مال الشالات شفتهة وخطفت كلبي

ام قسور:ووجع منية

حيدر:جدة بهذا المحل بدت قصة حب عمي

ام قسور:منو هاي اليحبهة عمك

حيدر:اخخ جدة زوجوهة اهلهة وكسروا كلب عمي

ام قسور:شكد حبيتهة ولك كرير وانت يومية حابلك وحدة

كرار:يمة حبيتهة ٣ ايام وزوجوهة

غزالة:ضحكنة ٣ ايام بس؟

كرار:اي عيني ست جولييت ماعاجبج لو تردين اصير مثل قسور صارلة شكد يالله حبلة بس وحدة

غزالة:لا عاجبني قسوري غير

كرار:اي عيني روميو الوفي اي نسيت شجنتوا تسون الصبح بالغرفة وحدكم

غزالة:ها احم ماكو شي عمة ام قسور كرصتة

كرار:اخخ يمة شبيج وياية ابن شريجتج انه

ام قسور:شعليك بيهم ادبسزز

حيدر:تعال كرار ماحجيتلي شبيهم الصبح

كرار:جا غير نسيت تعال احجيلك

غزالة:عافونة وبقوا يسولفون

حيدر:عاااااا لازم نراقب عمي قسور مبين مو هين

ام قسور:ولكم بسكم موعتوا اذاني شكد تلغون

كرار:سكتنة

غزالة:اشترينة ذهب واشترينة ملابس وفساتين طوال ماشترينة بدلات اني ومينا ونما هم فستان من ال٣ الظهر لل٧ احنة نفتر عجبتني ساعة اشتريتهة القسور

كرار:ولجن بسجن عاد مو نهد حيلي هد وانتي غزيلة عوفي روميو وكت الساعة مو متت

غزالة:ابتسمت كتلة مو خطية كُلشي مجبتلة

كرار:سودة عليه حنونة راح اعوفجن وارجع

حيدر:انة راح ارجع بعد مااكدر قسور وامير يتزوجون وانة حاير

كرار:ولكم راح اموت كافي السوك ٣٠ مرة فرينا مامليتن ولجن

نما:يوه شصار عليكم غير عرس ونريد نجهز

كرار:لا وبكل عين صلفة يعني هاي الفرة كلة وتردين بعد تفترون؟

نما:اي شبيك ترى هسة طبينة للسوك

حيدر:ولجن انه محل واحد اذا اريد اروح للسوك وانتن مية مرة افتريتن على المحلات ماخليتن شي مااشتريتنة كافي نرجع