معاً لرضا الله 💙✨

💙كلام مهم ليك ولقلبك💙

السلام عليكم ورحمه الله وبركاته 🌺
كيف حالكم ايتها الصحبه الصالحه 💙💙🌺
يارب تكونوا بخير 💙💙
النهارده الكلام ال هيتكتب ده وانتم هتقرئوه مهم جدااا وعسى أن تقرئوه بعقلكم وقلوبكم قبل لسانكم
ياريت يكون قلب كل شخص بيقرأ حاضر عشان الكلام جميل جدااا ومأثر
أترككم مع هذا الكلام المليئ بالجمال والموعظة 💙💙
ملحوظه هقولها تانى :
اقرا بقلبك فقط ،لو قلبك وعقلك مش حاضرين ،ارجوك أجل الكلام ده لوقت تاني تكون افضل فيه💗

بعد ما اخر شخص هيموت على الكوكب وبعد ما كل العلامات تنتهي هيجيء ملك الموت يقبض روح كل الملائكه! كل الملائكه هتموت حمله العرش اسرافيل جبريل كل الملائكه مش هيبقى غير ربنا وملك الموت بس فربنا يقبض روح ملك الموت بيده..
بعديها الكون كله هيكون فاضي لمده 40 سنه 40 سنه ربنا بينادي بيقول اين الملوك اين الجبابره اين القاسيه قلوبهم اين المتكبرون ماحدش بيرد ما حدش موجود خلاص كلنا بقينا تراب كل اللي انت شايفهم حواليك دول ب قوتهم ونفوذهم وفلوسهم وصحتهم وعظمتهم هيموتوا ربنا هيقول: لمن الملك اليوم! لمن الملك اليوم!.. فربنا هيرد على نفسه: لله الواحد القهار.
وقتها مافيش فرعون هيقول انا ربكم الاعلى!.. ما فيش قارون اللي كان معه اموال لاحصر لها الانبياء نفسهم بكل عظمته مش موجودين الملائكه اللي ما اذنبوش ذنب واحد في الدنيا كلها فراغ حرفيا فين كل اللي قال مافيش حاجه تقدر علينا!! فين اللي فضلوا يظلموا في الناس وياخذو حقوق مش حقوقهم فين اللي معاهم فلوس ومفكرين اني مافيش منهم ف الدنيا فين!! فين الساده فين العظماء فين الجبابر فين الرؤساء فين الرؤساء للمفروض يطعموا شعبهن فين!
والاربعين سنه هيخلصوا والكلام دا فيه اختلاف عليه أن ربنا هيُحيي إسرافيل،عشان ينفخ فالصور!من قوه النفخه،من قوه الصعقه،الناس هتصحا بأمر الله مخضوضه "فإذا هم قيامٌ ينظرون"! ايه اللي حصل اي الصوت دا!وفجأه كده من غير علمهم هيتجمعوا في ارض المَحشَر،كل الأحاديث بتقول انها هتكون فلسطين!..كلنا هنتجمع الفقير والغني،الصحيح والمريض،العالم والجاهل،المسلم والكافر،كله هيقف قدام ربنا...

كلنا هنقف ،كلنا عرايا،وفوقنا الشمس !..الشمس فوقنا بدرجه غير طبيعيه !مش هيتمتع بالضل غير سبعه ..السبعه دول هما اللي مش هتزعلهم حراره الشمس ،لكن هل الموقف هيكون علي الكل حتي الانبياء..اول واحد منهم ،إمام عادلّ،يعني راجل تولي حكم الناس ورعايتهم،وعدل في حكمهم ،في رعايتهم ،وفي ايوائهم ،في تسهيل الدنيا عليهم ،ومراعاه احتياجاتهم..ولو عايز مثال ع ده عمر بن الخطاب خير المثال.
التاني،شاب زيّه زيّنا لكن قلبه بيحب المساجد ! بيحب يكون في المسجد دايماً ،يصلي حتا لو وراه محاضرات !مش شرط يكون فيه معاد صلاه!هو بيحب الصلاه وبس..بيحب ربنا ،قلبه معلق بالمساجد.. التالت ،اتنين حبو بعض حي غير مشروط ،حب في الله،بدون مصالح،اجتمعوا ع حب ربنا،وتفرقوا وهما في بينهم ود غير مُصطَنعِ .مش بتوع لايكات ولا فلوس،ولا اي مصلحه دنياويه مهما كانت.
الرابع،واحد زينا واحده أعوتُه بمنصِبها وجمالها،وقال لأ،أنا بخاف من ربنا ..واحد زينا،كان قدامه منكرات كتير خصوصا البنات والارتباط والكلام ده مع إن كل ده حرام ،ويقول ،انا هعف نفسي ،انا بحب ربنا اكتر من اي شيء تاني ،ومش هعمل الغلط حتا لو الكل بيعمله وبيحلله...
الخامس ،شاب زينا ،نشأ في عبادة ربنا ،ميتخليش حياته بدون صلاه،بدون صوُم ،بدون صدقات..وكبر علي كده ،شاب استخدم قوته وشبابه وعز عنفوانه في أنه ميغضبش ربنا..هو ضحٌي بمتعه عظيمه،في سبيل ربنا.فربنا هيكفؤو دنيا واخره.
السادس ،واحد بيطلع فلوس ومبيسمحش لنفسه ولا لمخلوق يعرفها غير ربنا بس اللي يعلم بيطلع ايه ولمين وامتا وازاي وليه!..ربنا بس.. مش اللي بيحبوا يتظاهرون!..مش اللي شاطر يتبرع عشان ناس قاعده ! عشان يوريهم قد ايه بيحب الخير .لا انت الخير لنفسك،محدش يعرف عنك اي حاجه ربك وبس.
السابع والاخير،واحد سمع عن ربنا ،او قرأ قرآن أو ذكر ربنا وهو قاعد ،ف عينه دمعت ،او بكي !..العيون اللي بكت من خشيه ربنا ،مش هتشوف النار ..طيب دول باختصار اللي هيتمتعوا بالظل،يوم لا ظٌل الا ظٌل ربنا.