اشرقت شمس يوم جديد في تمام الساعةالسابعه صباحا يستيقظ بطل جديد وهو محمودالجارحي ذهب ليستحم وبعد ذلك ذهب الي غرفه الرياضه في الجناح الخاص بيه وبعد ساعه من الزمن ذهب ليستحم ايضا وخرج وذهب اللي غرفه الملابس اول لنقول Dressing room وبعد ربع ساعه خرج وهو وسيم جدا وجذاب وهو يرتدي بدله من اللون الاسود ثم ذهب الي الاسفل في غرفه الطعام
محمود :صباح الخير
الام "هاله" : صباح النور ياحبيبي
محمود: عامله ايه يا امي
الام: الحمد الله يابني بخير
محمود: يدوم الحمد يا امي
ليليان بتذمر: طب انا مفيش صباح الخير
محمود: صباح الخير علي اجمل طفله في الدنيا
ليليان بغضب طفولي: انا مش طفله يا محمود ولا اقولك يا أبيه
محمودمسكها من هدومها "زي الحراميه": احنا قولنا ايه
ليليان: انا طفله وانت محمود من غير ابيه
محمود:برافووو مطيعه اوووي
ليليان بغرورو مصتنع: طول عمري يا ابيه
محمود بنفاذ صبر: يلا علشان نفطر علشان مش هنخلص من المصيبه دي
هاله: يلا يا حبيبي
ليليان بصدمه: انا مصيبه يا محمود
محمود: اي نعم
ليليان: ماشي يا محمود انا هجيب حقي واعرفك مين المصيبه
محمود: اما نشوف
هاله: خلاص بقا يلا نفطر
محمود وليليان: يلا
وقعدوا فطروا وراحوا الشركه
♥............🌍
في مكان آخر اشرقت الشمس لتستيقظ بطله جديده وهي روان العمري استيقظت علي صوت امها
الام اسمها"رباب": روان يا روان اصحي يا بنت الجزمه
روان بنعاس: صباح الخير يا جزمه قصدي يا رباب
رباب: نفسي مره تقوليلي يا ماما
روان:اما ابقا مجنونه ان شاء الله
رباب: اكتر من كده
روان: أخص عليكي يا ماما انا مجنونه
الام بضحك:لاء ياحبيبتي خالص مين قال كده....قومي يلا صحي اخواتك اما اعمل الفطار
روان بخبث: من عنيه يا رباب
رباب:لا خلاص انا عارفه البصه دي وراها مصيبه
روان ببراءةمصتنع : انا يا رورو ده انا هصحيهم بس مش اكتر
رباب: ربنا يستر روحي صحيهم يا اختي
ذهبت روان الي غرفه اخيه وسمعت صوت
زين: استخبي بسرعه قبل ما حد يجي بسرعه
روان بصدمه: استخبي بسرعه قبل ما حد يجي... نسوان يا زين ماااشي
وفتحت الباب مره واحده
روان:هي فين هي فين
زين باستغراب: مين دي
روان: اللي انت بتقول ليها استخبي بسرعه قبل ما حد يجي
زين بضحك: ههههههههههههه انا بلعب فري فاير
روان بصدمه : فري فاير
زين: اااه واللهي واحده في التيم بتاعي وكنت بـ حميها
روان: يا حنينن
زين بضحك: طول عمري يا هبله
روان: حبيبي تسلم.....قوم يلا علشان تفطر وتروح الشغل
زين: ماشي روحي وانا جاي وراكي
خرجت روان من غرفه زين وذهبت الي غرفة اختها سيدرا ومشيت علي أطراف صوابعها
روان: سيدرا اصحي يلا
سيدار:٠٠٠٠٠٠٠٠٠
روان :طيب مش هتصحي
روان جابت مايه وقالت :سيدرا الحقي بسرعه ..وكبت المايه عليها
سيدرا :اااااه الحقوني بغرق ....ماشي يا حيوانه بقا انا تعملي فيا كده طيب
روان: ههههههههههههه هموت مش قدره ههههههههههههه
سيدرا بغضب :بتضحكي علي ايه يا مرا طيب واللهي لوريكي
وطلعت تجري ورا روان للمطبخ روان استخبط ورا امها وقالت: ماما الحقيني المجنونه دي هتموتني
رباب :واللهي ما حد مجنون الا انتي في حد يعمل كده في أخته
سيدرا :قوليلها يا ماما دي مجنونه في حد يصحي أخته كده
روان: بدل انا عملت كده يبقا فيه
سيدرا :ماشي يا روان الكلب انا هوريكي
رباب: باااااااس كفايه لعب عيال وانتي يا سيدرا روحي استحمي وصلي يلا
سيدرا: حاضر وذهبت
رباب: وانتي يا مجنونه تعالي نعمل الفطار ونحطه علي السفره أما اختك واخوكي يجوا
روان: حاضر
ورحوا المطبخ وخلصوا الفطار وحطوا علي السفره
رباب بصوت عالي: سيدرا... زين
سيدرا: جيت يا ماما
زين: انا اهووو
رباب: يلا علشان نفطر
الكل: حاضر وقعدوا
روان: ماما ينفع اتكلم معاكي في موضوع
الام :موضوع ايه يا حبيبتي
روان: احم ماما أنا عايزة اشتغل
الام: تاني يا روان ...هو انا والا اخوكي مقصرين معاكي في حاجه علشان عايزه تشتغلي
روان:لاء يا ماما واللهي انا بس عايزة اثبت ذاتي
الام :لاء يا حبيبتي ومفيش كلام في الموضوع ده تاني
روان: لاء يا ماما ....بسي ياماميتو دي اول حاجه في حياتي هعرضك فيها انا مش اتعلمت ودخلت كليه طب علشان اقعد في البيت
الام :يعني انتي عايز تشتغلي
روان: ايوه يا ماما
الام :موافقه
روان حضنتها :شكرا اوي يا ماميتو
الام :بس اسالي اخوكي الاول
روان :زين يا زيني يا قمور
زين: دلوقتى زيني وقمور مصلحجيه اوووي
روان: معلش انت الكبير هااا موافق ولا لاء
زين بتفكير: امممم
روان: انت لسه تفكر وافق علشان خطري
زين: موافق
روان: يحيا زين يحيا زين هووووووووووا
رباب بصراخ: بس يا بنت الجزمه وداني
روان: حاضر يا جزمه
رباب: جزمه طيب مفيش شغل
روان: خلاص انا اسفه
رباب: اعتذارك مش مقبول
روان: انا اسفه خلاص بقا
سيدرا بضحك: زليها شويه يا ماما
روان: بس يا وليه انتي ... ايه رايك يا رورو
رباب: خلاص موافقه انزلي من علي وداني بقا
روان:حاضر.....انا هنزل النهارده اروح مستشفي الجارحي وقدم فيها علشان قرات أنهم عايزين دكاتره متخرجين قريب وانا هروح ويارب اتقبل
الام: ماشي يا حبيبتي ...يلا كملي اكل
روان: لاء يا ماما انا شبعت الحمد لله
الام: الحمد الله ربنا يديمها نعمه
سيدرا :الحمد لله
زين: وانا شبعت الحمد الله يلا يا سوسو علشان اوديكي الجامعه
روان: استني وانا هجي معاكوا علشان اروح المستشفى
زين: تمام
سيدرا وروان شالوا الاكل وكل واحده دخلت الاوضه بتعتها تلبس وتصلي وخرجوا
زين: يلا
روان وسيدرا: يلا... بااااي يا رورو /ماما
رباب:باااي يا حبيبي
وخرجوا
♥...........🌍
أشرقت شمس يوم جديد تستيقط بطله جديده حنين الدمنهوري علي صوت والدها
الاب"سيف":حنين يا قلبي اصحي
حنين: صباح الخير يابابا
سيف:صباح الخير يا قلب بابا... قومي يلا علشان نفطر
حنين: اومال ماما فين وليه مش عملت الفطار
سيف: امك فطرت و نزلت الشغل محسساني انها مديره الجمعيه
حنين: معلش يا بابا واكملت بمرح: قوم يلا يا سيفو يا قمر صلي اما اعمل اجمل فطار لأجمل حنون في الدنيا
سيف: مش هو المفروض الفطار ليا
حنين:عديها بقا يا سيفو
سيف بضحك: ماشي يا قلب سيفو... قومي يلا
حنين: يلا
حنين دخلت المطبخ عملت فطار وسيف راح يصلي
حنين: يلا يا سيفو الفطار
سيف: يلا يا حبيبتي
حنين: بص بقا عمله حتت فطار انما ايه حكايه المفروض ابقا شيف والله بـ مجهود كل يوم ده
سيف: امممم ماشي يا عم الشيف الجامد
حنين: يلا نفطر لا انا وقعه من الجوع والاكل شكله مغري الصراحه
سيف:معاكي حق يلا انا كمان جعان
وقعدوا فطروا
حنين: انا هعمل شاي اعملم يابابا
سيف:ايوه يا حبيبتي
حنين:اشطا
ولمت الفطار ودخلت المطبخ وعملت شاي وخرجت
حنين:اتفضل يا بابا الشاي
سيف: شكرا يا بنتي
حنين:العفو يا بابا... انا هلبس واروح الشغل
سيف:ماشي يا حبيبتي كده كده انا نازل القهوه اقعد مع عمك احمد علشان النهارده اجازه
حنين: ماشي يا بابا
ودخلت الاوضه استحمت و اتوضت وصلت ولبست وخرجت
حنين: انا مشيها يا بابا عايز حاجه
سيف: عايز سلمتك يا حبيبتي انا كده كده عندي اجازه النهارده هنزل اقعد مع عمك احمد علي القهوه
حنين:ماشي يا حبيبي لا إله إلاّ الله
سيف: محمد رسول الله
حنين نزلت ركبت تاكسي وراحت الشركه
♥.........🌍
سيدرا خرجت من الامتحان هي واصحابها
سيدرا : الحمد لله اول امتحان خلص الحمد لله يارب الحمدلله ....يلا يا بت انتي وهي نروح نجيب حاجه نشربها
أميرة :تمام يلا
خلود : ماشي يلا
سيدرا و اصحابها راحوا الكافيه
خلود :أنا عايزة نسكافيه
اميره :وانا عايزة قهوه
سيدرا :وانا عايزه عصير فراوله
وكل واحدة اخدت اللي هيا عايزة و مشيوا وكل واحدة وراحت البيت
سيدرا وهي ماشيه بتضحك علي جنان اصحابها خبطت في حد
سيدرا :انا اسفه اوي واللهي مش قصدي
اياد:لا عادي ولا يهمك
سيدرا :بجد انا اسفه
اياد:علي ايه محصلش حاجه واللهي ...هو انتي اسمك ايه
سيدرا :سيدرا
اياد: تشرفنا..انا اسمي اياد
سيدرا :ليا اشرف اني اعرفك
اياد :هو انتي في سنه كام
سيدرا: في سنه رابعه وانت
اياد :انا متخرج من زمان .... ممكن اسالك سؤال
سيدرا :اتفضل
اياد :هو الامتحان خلص
سيدرا : ايوه بس انت ب تسأل ليه
اياد : عشان اختي كان عليها امتحان ومش لقيها
سيدرا :رن علي الفون بتاعها
اياد :مش بترد عليا
سيدرا :اوك ممكن تشوفها في الكافيه اللي هناك ممكن تكون مع اصحابها
اياد :طب هو في الكافيه ده
سيدرا :من هنا
اياد :شكرا
سيدرا :العفو
سيدرا مشيت وراحت البيت واياد راح يشوف أخته في الكافيه وكانت هناك راح يجري عليها وحضنها
اياد : مريم
مريم بفرحه :اياد
اياد : عامله ايه يا حبيبتي وحشتيني
مريم :وانت كمان وحشتيني اوي اوي
اياد ببعض الحده : انتي مش ب تردي عليا ليه يا مريم
مريم بأسف :واللهي انا كنت عمله الفون صامت علشان الامتحان وبعدين اجيت هنا انا و اصحابي وكنت أما اروح هكلمك بس انت جيت
اياد :تمام يلا علشان نمشي
مريم : ماشي يلا بس انت جيت امتي من السفر
اياد :لسه جاي حالا واول لما جيت جيت علي هنا علي طول علشان اشوفك
مريم :تمام
اياد :يلا نمشي ولا في حاجه تانيه
مريم :لاء مفيش يلا
اياد ومريم مشيوا اياد روحهم البيت
♥........🌍
أنت تقرأ
أحببتُ مجنونه
Randomقصه حب بتتكلم عن محمود الجارحي شاب في أوائل الثلاثين من عمره تخرج من كليه طب ويعمل في مستشفي ملك له بجانب شركات أبيه وأبيه متوفي
