أحببتُ مجنونه

البارات الثاني

اخر مره وقفنا هنا 👇🏻

قفلت روان مع حنين بعد دقيقةلقت الفون بيرن برقم مجهول
روان:الو
مجهول:حبيبتي اللي وحشاني
روان: مين
مجهول بضحك:ايه يا حبيبتي نسيتي صوتي ولا ايه مكنش العشم يا رورو
روان بصدمه:زياد
زياد بضحك:برافووو عرفتي لوحدك ولا حد قالهالك
روان بجمود: عايز ايه
زياد: عايزك يا روحي
روان: ده اما تشوف النجوم في عز الضهر
زياد:عيب يا رورو تكلمي جوزك المستقبلي كده دا حتي ده بابا اللي عايز يشوفك
روان:وهو عايز ايه هو كمان
زياد: اما تيجي هتعرفي
روان:اما ابقا اجي بقا
زياد:ما انتي هتشرفيني قريب جداً كمان
روان: ده عند امك انت وهو
زياد:هنشوف يا قطه سلام
وقفل
روان:رجعت ليه يا بابا مش كفايه اللي اتعمل زمان
وبعد وقت وصلت كافيه علي البحر دفعت الفلوس ونزلت دخلت لـ حنين
حنين:ايه يا بنتي كل ده
روان:معلش يا روحي
حنين: مالك يا رورو فيكي ايه
روان: زياد كلمني
حنين بصدمه: هو لسه عايش
روان:ايوه وبابا كمان
حنين بصدمه:روان انتي اتهبلتي
روان: لاء بس قربت
حنين: هما عايشين ازاي
روان:هقولك كل حاجه في وقتها
حنين:طيب هما عايزين ايه
روان بتفكير: مش عارفه
حنين:روان خالي بالك من نفسك و قولي لاخوكي علي كل حاجه
روان بسرعه :لاء مش هينفع واوعديني محدش يعرف اللي قولتهولك
حنين: اوعدك بس انتي اوعديني انك تخالي بالك من نفسك
روان:اوعدك
حنين: بقولك ايه يابت
روان :قولي يا آخر صبري
حنين :انا جعانه واحنا قاعدين علي البحر والبحر بيجوع فا تيجي ناكل
روان :بحر ايه يا بت اللي بيجوع هو انتي في المياه بتعومي روحي بيتكم كولي يا اختي
حنين : يرضيكي حبيبتك تقعد جعانه كده
روان: لاء ميرضنيش اطلبي يا اختي و كولي بدل ما تكليني ما انتي جايه عليا بخسارة
حنين طلبت الاكل واكلت وروان طلبت عصير و حاسبوا وهما ماشين روان قالت لحنين أنها هتدخل الحمام ومشيت روان وحنين خارجه من الكافيه خبطت في حد ماشي
حنين :مش تفتح يا اخ
مجهول بغمز :معلش يا قمر اصلي أعمي علشان مشوفتكيش
حنين بصوت عالي: تصدق انت واحد زباله وحيوان ومش محترم
مجهول:هو انا جيت جنبك يا بت انتي
حنين: انا هوريك يا عرة الرجا
قاطعتها المدير:في حاجه يا انسه
حنين:في ان البيه مفكرني واحد....... وبيقل ادبه
المدير: طيب اتفضلي انتي يا انسه وانت يا استاذ اتفضل ومعدتش تيجي هنا تاني ده مكان محترم
روان اجت:هو في حاجه حضرتك
حنين: لاء مفيش حاجه يلا  نمشي.. وشكراً  لحضرتك
ومشيت وشدت روان ورا
روان: هو في ايه 
حنين:مفيش حاجه مش مهمه يعني
روان:اوك
حنين مشيت هي وروان وركبوا تاكسي وكل وحده روحت بيتهم
♥.........🌍
في بيت روان
روان :انا جيت يا قوووم
رباب : حمدالله على السلامه
روان : الله يسلمك يا رورو  ... عامله ايه
رباب  :الحمد لله يا حبيبتي
روان:يدوم الحمد
رباب  :عملتي ايه مش قولتي حصل ايه في المقابله
روان : الحمد لله اتقبلت تعالي نعد و احكيلك حكت روان لمامتها اللي حصل وطبعا مش قالت انها ضربت محمود بالقلم
روان :وده اللي حصل
رباب  :ربنا يوفقك يا بنت بطني يا رب
روان :امين يارب....اومال سيدرا وزين  فين يا رورو
الام:قعده في الاوضه بتذكر الامتحانات الاسبوع الجاي وزين نام علشان الشغل بكره
روان :تمام انا ندخل انام علشان اروح الشغل بكرا الصبح
الام :تمام يا بنتي تصبحي علي خير
روان:وانتي من أهله
وذهبت روان الي الغرفه بدلت ملابسها الي  ملابس نوم مريحَ وذهبت في سبات عميق
♥.........🌍
في بيت حنين
دخلت البيت
حنين : السلام عليكم
سيف : وعليكم السلام ورحمه الله وبركاته
حنين : سيفو عامل ايه
سيف : الحمد لله يا قلب سيفو
حنين : اومال ماما فين
الام : حمد الله علي السلامه يا هانم
حنين ببرود : الله يسلمك.... عايز حاجه يا بابا
سيف: عايز سلمتك يا حبيبتي
حنين: تصبح علي خير
سيف :وانتي من اهله
حنين دخلت
سيف : انتي بتكلميها كده ليه يا فاطمه
فاطمه بغضب : شوف الهانم كانت فين لدلوقتي من غير متقول ليا
سيف:هي قالتلي وبعدين انا واثق في بنتي وعارف انها مش هتعمل حاجه غلط
فاطمه: بس بردوا هي بنتي وانا خايفه عليها
سيف:متقوليش بنتك بس علشان انتي متستهليش انك تكوني ام ... حسبي الله ونعم وكيل فيكي
وسبها ومشي