- هالوو هالووو , ازيكم انا أسيل د.......
* أسيل فين البوكليت الاسود بتاعى
- هتلاقيه عندك ف الدولاب
* مااشى
- هالو هالوو انا أسيل دكتوره تـ.......
+ أسيل فين الجزمه السوده بتاعتى
- ف الجزامه يا بابا اول رف ع اليمين
+ ماشى يا حبيبتى
- هالو انا أسيل دكـ......
* أسيل كنتى بتعملى ايه بالبوكلت بتاعى
- مش هنعرف نبدأ ام اللايف ده , اكيد كنت لبساه يا ريان
* اييه ده انتى طالعه لايف طب مش تقولى
- اه تعالى اعرفهم عليك , ده ريان التونز ده التونز اخويا الظبوطه
* المقدم ريان تميم لو سمحتى
- طالما شغال ف الشرطه تبقى ظبوطه بالنسبالى حتى لو كنت رئيس مراجيح مولد النبى
* طب قوليلهم انى بدور ع عروسه
- اصبر بس عشان انا معرفتهمش ع نفسى اصلا , انا أسيل دكتوره تشريح متخرجه من سنتين و بشتغل ف مستشفى و ده اخويا الظبوطه حجى اللى معايا وبيساعدنى ف كل المواقف اللى هحكيلكو عنها
00 طبعا حضرتك منفضلى و سايبنى اتصل و قاعد مع ست الحسن و الجمال
* اللايف ده غريب جداا
00 ايوه اعمل نفسك من بنها
- ايااااااد
00 باس راسى يا صباح الحلويات ايه ده انتى بتصورى
- اه فاتحه لايف استنى اعرفهم عليك ده بقى صديق الطفوله , اياد اكبر منى بسنتين كنا ف نفس المدرسه و دخلنا نفس الكليه و بنشتغل ف نفس المستشفى و صديق العيله و كمان جيران
* طب اسيبكو تكملو اللايف و اروح انا الشغل
00 استنى طيب عاوزك
* بالليل يا صديقى عشان متأخر يلا سلام
- اياد انت بتتشقط
00 اوووبا بجد مين بقى
- كان ف بنت اسمها مريم بتقول جوزينى اياد
00 اشطا موافق ابعتيلى اللوكيشن بتاعك يا مريم و اجيلك اتكلم مع باباكى
- حسيت انى خاطبه ليك و لأخويا سيكا
00 و ماله يا بخت من وفق راسين ف الحلال , انتى فاتحه اصلا لايف ليه
- اه صح الكلام خدنى ونسيت اقول للناس , طبعا عنوان اللايف #مواقف_مع_الارواح يعنى هحكى شويه مواقف حصلت معايا
00 متأكده !!
- اه حاسه انى عاوزه احكى
00 تمام اسيبك براحتك بقى معاهم
- لا خليك معايا
00 ماشى
- تمام يلا نبدأ بسم الله اول موقف حصل معايا ف اول يوم شغل ليا كنت بشتغل ع جثه طفل طبعا مش قادره اوصفلكو المنظر صعب ازاى
بس اتعودت من تدريبات الكليه المهم بدأت اشتغل كان ف اثار خياطه من اول صدره لحد بطنه روحت فتحت تخيلو لقيت اييه !! كل اعضائه الداخليه مش موجوده , تخيلو معايا المنظر طفل عنده 7 سنين اللى عمل ف كده خنقه لحد ما مات
عشان كده ف اثار ايدين ع رقبته و بعدين فتح جسمه عشان ياخد كل الاعضاء بتاعته انا طبعا مستحملتش المنظر صرخت و جالى انهيار عصبى , اياد دخل معرفش يهدينى ف ادانى حقنه مهدئه و روحنى البيت
بعدها جالى اكتئاب كام شهر كده قاعده ف اوضتى مش بتكلم مع حد خالص و مش بخرج ,جابولى دكاتره كتير و برضو ولا اى اندهاش , اياد قالهم خلاص انا و ريان هنفضل معاها لحد ما تتحسن
و ف مره كنت قاعده ف الاوضه والنور قطع و حسيت بحركه قدامى ع السرير فضلت ادور ع الفون جنبى بأيدى لحد ما مسكته و لسه برفع الفون عشان انور قدامى شوفت رجلين حد مربع وقاعد قدامى قلبى انقبض جامد و اترعبت
برفع الفون واحده واحده و ايدى بتترعش شوفت جسم طفل برفع الفون تانى لقيته الطفل اللى كنت بشتغل ع جثته بفتح بوقى عشان اصرخ مفيش صوت طالع منى حاولت مره واتنين مفيش صوت و لسه مثبته النور ع وش الولد
لقيته اتكلم و قالى اهدى اهدى يا طنط انا مش هأذيكى والله انا عاوزك تساعدينى بس , كان ع وشه علمات رعب انا بدات اتنفس بهدوء بس كنت لسه مرعوبه , قالى مفيش غيرك هيساعدنى عشان تعرفى مين اللى عمل فيا كده و تخلى البوليس يمسكهم قبل ما يقتلو اختى و ماما
هزتله راسى بمعنى ماشى قول , قالى انا اسمى مازن و اللى عمل فيا كده عمو السباك اللى تحت بيتنا و ست عجوزه معاه , اليوم ده ماما طلبت منى انزل اجبلها سلك مواعين من السوبر ماركت اللى جنبنا و اطلع ع طول , نزلت روحت السوبر ماركت و ملقتش سلك المواعين عنده
و انا راجع عمو السباك سألنى كنت عاوز ايه قولتله سلك مواعين لماما بس مش لقيت , قالى طب تعالى اوديك مكان تانى تلاقى فيه روحت معاه دخلنا ف شوارع كتير و ف الاخر وقفنا قدام بيت شكله غريب من دورين بس شكله قديم شويه قولتله بس ده مش سوبر ماركت
ضحك و قالى ما هو احنا هنطلع لصاحب السوبر ماركت البيت عشان تعبان و ناخد منه اللى انت عاوزه , طلعت معاه تانى دور و خبط ع الباب و وفتحت ست عجوزه ولما شافتنى ابتسمت ابتسامه غريبه و قالتله اتفضل دخلنا و قعدنا ع كنبه شكلها قديم
عمو السباك قال للست معلش يا حجه عاوزين سلك مواعين ابتسمت نفس الابتسامه الغريبه و بصتلى وقالتلى تشرب ايه يا حبيبى قولتلها شكرا قالتلى لا ازعل منك انت زى حفيدى قولتلها عاوز اشرب ميه قالتلى حاضر هجبلك الميه و ادخل اسأل جوزى شايل سلك المواعين فين
و مشيت وجت تانى بكوبايه ميه اتفضل يا حبيبى هوح اجبلك السلك و اجى بسرعه , ودخلت اوضه كده عمو السباك بصلى و ضحك و قالى مالك يا مازن متخافش الست هتجيب الحاجه و نمشى بسرعه
انا بعد ما شربت الميه بدات ادوخ قولتله عمو يلا نمشى عشان انا تعبان قالى حاضر ثوانى وفضل ينده ع الست بصوت عالى و يقولها يلا يا ست عاوزين نمشى , انا محستش بحاجه بعدها معرفش عدى وقت اد ايه و بدات افوق , سمعت الست و هى بتتكلم
بتقول يلا يا نعمان قبل ما الواد يفوق , انا فتحت عينى و الست شافتنى واتوترت وقالتله نعمان الواد صحى , عمو نعمان دخل الاوضه الغريبه اللى صحيت لقيت نفسى فيها قولتله عمو هو ايه اللى حصل يلا نمشى بسرعه اكيد ماما قلقانه عليا دلوقتى , لقيته قرب عليا و قالى متخافش يا حبيبى و قعد جنبى
و فجأه مسكنى من رقبتى و بيخنق فيا و انا عمال اضربه بأيدى و مش عارف اخد نفسى بعد كده محستش بحاجه
انا كنت مصدومه من اللى بسمعه من الولد و تخيلته و عماله اعيطلقيته بيقولى لازم تخلى البوليس يمسك عمو نعمان ده و الست اللى معاه زى ما قولتلك ده السباك اللى تحت بيتنا و الست دى بيتها كان قدامه استديو تصوير اسمه حاتم , عشان خاطرى بسرعه قبل ما يعمل حاجه ف ماما و اختى
هزتله راسى بمعنى حاضر و بعدها النور جه و الولد اختفى , لقيت اخويا دخل اوضتى و اول ما شاف منظرى اتخض و جرى عليا و قالى مالك يا اسيل بتعيطى ليه يا حبيبتى , انا حضنته و فضلت اعيط جامد وهو فضل يهدينى و لما هديت قولتله اسمعنى و نفذ الكلام اللى هقولهولك
و متسألنيش عرفت منين قالى حاضر قولتله انا عرفت مين اللى عمل كده ف الولد اللى كنت هشتغل ع جثته قالى مين قولتله السباك اللى تحت بيتهم و ست عجوزه , قالى بس احنا استجوبنا السباك وقال انه شاف الولد و هو نازل و ميعرفش راح فين قولتله لا هو خده و راح بيه بيت غريب و قديم
من دورين و طلع تانى دور خبط ع شقه و فتحت ست عجوزه و حطت للولد مخدر ف الميه و خدروه و لما فاق قبل ما يقتلوه الراجل خنقه , ريان قالى طب مش هسألك عرفتى ازاى بس عاوز اعرف مكان بيت الست دى قولتله هو ف نفس المنطقه قدامه استديو تصوير اسمه حاتم
بس بالله عليك اتصرف بسرعه قبل ما يعمل حاجه ف مامته و اخته قالى حاضر و تانى يوم بالليل رجع من الشغل و قالى خلاص الراجل و الست اتقبض عليهم , انا فرحت جدا و ارتحت و حمدت ربنا , وانا نايمه مازن جالى ف الحلم و كان فرحان و قالى شكرا جدا يا طنط كنت واثق انك هتقدرى تساعدينى
و بس من الوقت ده بقيت اشوف ارواح الجثث اللى محتاجه مساعده
00 شيماء بتقولك رجعتى الشغل امتى و الولد ده ظهرلك تانى ولا
- الولد شوفته مرتين بعدها ف الحلم برضو , رجعت الشغل بسبب موقف تانى
00 طب كملى بقى مره تانيه عشان احنا كده هنتأخر ع المشوار بتاعنا
- ضر , الحق يا اياد اللايف بقى ف 500 مشاهد و انا كل اللى حيلتى 10 اصدقاء
00 ايوه بقى صاحبى اللى بقى مشهور
- طيب يا جماعه معلش مضطره اقفل دلوقتى و هبقى انزل بوست اقولكو ع معاد اللايف التانى سلااام
00 يلا يابنتى ننزل نجيب الدريس بتاعك قبل ما طنط ماجده تنفخك عشان تلحقى تجهزى لعريس الغفله اللى جاى النهارده
- والنبى يا اياد اتصرف مش عاوزه اقابل العريس ولا عاوزه اتجوز
00 بصى انتى اول ما تقعدى معاه قوليله انك بتشوفى العفاريت و الميتين و بتتكلمى معاهم و هو هيخاف و يمشى ع طول بدل ماتتخطبى زى ال 3 مرات اللى فاتو و بيفركشو ف الاخر ف انتى خديها من اولها كده و عرفيه
- عندك حق ماشى يلا بينا , اول ما خرجنا من الاوضه لقيت ماما ف وشى
= مش تبطلى دلع و تنزلى تجيبى الحاجه عشان تلحقى تجهزى
00 ما انا واخدها يا طنط و نازلين اهو
= ماشى يابنى عقلها عشان انا جبت اخرى منها
00 حاضر يا قمر متضايقش نفسك انت , يلا يا اسو
- حاضر , نزلنا و ركبنا العربيه , انا عاوزه انتحر خلاص
00 ليه بس ف عروسه تنتحر
- انت بتشلنى متقولش عروسه
00 طب يلا يا ست الحسن انزلى وصلنا
- حاضر , دخلنا المول , تعالى ندخل المحل ده
00 ماشى .. استنى يا اسيل شوفى كده الدريس ده
- هاته اقيسه
00 طب عجبك الاول
- مش هتفرق اى نيله البسها النهارده و خلاص بس عموما انت عارف ان زوقك بيعجبنى هدخل اقيسه بقى
00 اتفضلى
- دخلت قيسته و طلعت , هاا ايه رأيك
00 ايوه بقى زى القمر
- يادى النيله يبقى مش هاخده
00 لييييه يا اسيل ما هو حلو اهو
- عاوزه حاجه تبقى وحشه عليا عشان يطفش
00 ما انا قولتلك تطفشيه ازاى بقى
- تفتكر هيطفش
00 اكييد زى اللى قبله
- اتمنى , طب خلاص هاخده حاسب بقى عقبال ما اغير
00 ماشى
- دخلت غيرت و طلعت اخدت الدريس و مشينا وصلنا البيت و اياد واقف قدام شقته و بيفتحها
00 طب يا اسو ادخلى اجهزى بقى و اشوفك بالليل بعد ما يمشو
X بت يا أسيل بعد ما يمشو ابقى تعالى اقعدى معايا شويه عشان عارفه ان امك مش هتسكت و تسيبك
- اه والله يا طنط خلاص لما يمشو انا هبقى اجيلكو , يلا اسيبكو بقى قبل ما امى تطلع تزعق باى , ودخلت البيت
= يلا يا هانم ادخلى البسى
- حاضر يا ماما حااااضررر , لما اتصل بريان اشوفه هيجى امتى , الوو ايوه ياعم الظبوطه هتيجى امتى
* ايوه يا قلب الظبوطه قدامى ساعه و اكون عندك
- طب انجز الهى يسترك عشان ماما مش سيبانى ف حالى
* حاضر يا حبيبتى اجهزى انتى بس و خليكى ف الاوضه وانا هخلص و اجى بسرعه
- ماشى اشوفك بعد ساعه سلام .....................