UNICODE
ဘယ်နေရာကနေ စပြီးတော့ ကိုယ်တို့တွေ မှားယွင်း ခဲ့ကြတာလည်းဆိုတာကိုယ်မသိတော့ဘူးJinnie. ဒါပေမယ့်ကိုယ်သိတာတစ်ခုကဖြစ်ခဲ့သမျှအရာတွေ အားလုံးဟာ ကိုယ့်အမှားတွေချည်းပဲဆိုရင် အဲဒါက သေချာပါတယ်။ ကိုယ်မင်းကို သိပ်ချစ်လို့ မှားယွင်း ခဲ့မိတာပါJinnie. အချစ်ဆိုတာကို မသိတတ်တဲ့ အရွယ်လေးထဲက မင်းလေးတစ်ယောက်တည်းကိုပဲ ငေးကြည့်ခဲ့တဲ့ ကိုယ်က အသက် တစ်နှစ်ပြီးတစ်နှစ် ကြီးလာတာနဲ့အမျှမင်းနဲ့ပတ်သတ်တဲ့ခံစားချက်တွေ အချစ်တွေအားလုံးက နှုတ်ယူလို့မရတော့အောင်ကို နှလုံးသားထဲမှာ အမြစ်တွယ်ထားပြီးသားဖြစ်နေပြီ။ အဆုံးရှုံးမခံနိုင်လို့ မင်းကို ချုပ်နှောင်ထားမိခဲ့တာပါ။ မင်းကကိုယ့်ဘ၀ရဲ့ အောက်ဆီဂျင်မို့လို့ မင်းမရှိရင် ကိုယ်ကအသက်မရှင်နိုင်တော့တဲ့သူမို့လို့မင်းလေးကို ကိုယ့်ရဲဘေးမှာဆွဲထားမိခဲ့တာပါ။ အဲဒီအတွက် မင်း နာကျင်ခဲ့စားခဲ့ရတယ်ဆိုရင် ကိုယ်လည်းထပ်တူပါပဲ Jinnieရယ်။ ကိုယ့်ဘေးမှာ မင်းမပျော်ဘဲ တခြား တစ်ယောက်ကိုလွမ်းဆွတ်နေတာမြင်ရတိုင်းကိုယ်ရဲ့ နှလုံးသားလည်းအမြဲကြေမွခဲ့ရတာပါ။ ကိုယ့်အပေါ် အမြဲတမ်းစိမ်းကားနေတဲ့မင်းက ကိုယ့်ကိုကြည့်မိတဲ့ အချိန်တိုင်း နာကျည်းမှုတွေ ပြည့်နေတဲ့ မျက်၀န်းကို ရင်ဆိုင်ခဲ့ရတာကိုတောင်ကိုယ်အတော်လေး နေသား ကျနေခဲ့ပါပြီ Jinnie. နာကျင်ရသေးပေမယ့်ပေါ့။ဒါပေမယ့်မင်းသိပါတယ်။ကိုယ် မင်းကိုတစ်ခါလေးမှ ဆံချည်မျှင်စလေးတစ်မျှင်တောင်ထိခိုက်မိအောင်လို့ မလုပ်ခဲ့ဖူးဘူး။ အဲဒီလိုပဲ ကိုယ်မဟုတ်တဲ့ တခြားသူ တစ်ယောက်ကိုလည်း မင်းကို ထိခိုက်အောင် လုပ်ဖို့ ခွင့်မပြုနိုင်ဘူး။ ဒါကြောင့် ကိုယ်အခု သားရဲတွင်းထဲ လိုလိုလားလား ၀င်သွားပါတော့မယ်။ ကိုယ်ချစ်ရတဲ့ မင်းလေးကို ကာကွယ်နိုင်ဖို့အတွက် ကိုယ့် အသက်နဲ့ အလဲအထပ်ပြုမလို့ပါ။ ဒီတစ်ခါတော့ ကိုယ် မင်းဆီ ပြန်လာဖြစ်ပါတော့မလားတောင်မသိဘူး။ ဒါပေမယ့် ကိုယ်အဆင်ပြေပါတယ်။ အနည်းဆုံးတော့ ကိုယ်က မင်းထက်အရင် ထွက်သွားခွင့် ရတယ်မလား။ မင်းက ကိုယ့်ရဲ့အောက်စီဂျင်လေးမို့လို့ မင်းမရှိရင် ကိုယ်က အသက်တောင် မရှူနိုင်လောက်တော့တာမို့ အမြဲတမ်း ကိုယ်ကမင်းလေးထက်အရင်ထွက်သွားနိုင်အောင်လို့ ဘုရားသခင်ဆီမှာ ဆုတောင်းနေခဲ့မိတာပါ Jinnie။ ဒီတစ်ခါတော့ဘုရားသခင်ကပထမဆုံးအကြိမ်အနေနဲ့ ကိုယ့်ရဲ့ဆုတောင်းလေးကို ဖြည့်ဆည်းပေးတော့မယ် ထင်ပါရဲ့ Jinnie.
YOU ARE READING
Fate Or Fake? (Complete)
FanfictionWhich started the beginning of this story; fate or fake? If it's because of fate, how will the goddess lead the story? If not,...? Written By W
