بيتنا مسكون

اول يوم في البيت

انا فهد علي عمري 25سنه انا فظولي واحب استكشاف العالم الاخر الي هو عالم الجن اقصد كان عندي في ايام مراهقتي اعشق قصصهم ودايما انا واولاد عمي الي هما ناصر ومحمد نسهر الليل وكل واحد يجيب قصه عن الجن بس بعد الي صار لنا وانا عمري 18سنه في اول يوم ننتقل من الرياض لجده لذا البيت المسكون ماصرت احب قصصهم وعشنا فيه 8 شهور وراح ابدء اسرد لكم احذاث القصة وتذكرو 《سمو بالله لان الجن على ذكرهم يحضرووون》

فهد/ وش ذا البيت يبا شكله قديم

علي/(الوالد) وش فيه بيت عادي وصار ملكنا وسعره رخيص ماراح نلاقي بيت بجده بذا السعر

عيده/(الوالده) اكيد فيه عيب الله يهيدك ليش ما شاورتنا طيب لو نستاجر فتره وندور بيت حلو مو ذا البيت الشعبي شكله قديم ايش اقول بس انت من يوم عرفتك ماتسمع كلامي وتسوي الي تبغاه

علي/لا حول ولا قوة الا بالله رجعنا نفس السالفه طول الطريق وانتي قالبه وجهك خلاص ارضي بالامر الواقع وقولي الحمدلله بيت دورين

فهد/يمه مافي فايده ابوي اصر عليه واشتراه واحنا فيه الحين خلاص ارضي وتوكلي

حنان/(اختي كان عمرها 8سنين)يمه ابغى غرفه لحالي وابغاها ورديه طيب

عيده/ ان شاءلله بنتي يلا ندخل

فهد/يبه عيال عمي خالد جايين عندي يساعدوني حماس اخيرا انتقلنا عندهم

علي/ايه انت هذا الي عاجبك لو نسكن في خيمه اهم شي تكون مع عيال عمك ما ابغى دشره

دخلنا الصاله ما انسى الغبار الي شوفته والعناكب البيت قديم باين انه محد سكنه قبلنا

عيده/لا وش ذا حسبي الله عليك يا ابو فهد وش الغبره

حنان/ ووع في عناكب امي ما احب هذا البيت ليش فيه عناكب وتراب

عيده/ وانا كمان ما حبيته يلا نروح شقه مفروشه البيت وسخ يبغاله كرف وانا ماراح اكرف لحالي

على/اي شقه مفروشه الساعه 2الفجر تونا وصلنا خلينا ننظف غرفه وحده او الصاله بس وننام فيه وبكره بشوف عمال ينظفون البيت كله

فهد/ يبه محد سكن في ذا البيت ولا ايش السالفه

على /تعال نشيل العفش الي في السياره

حسيت ان الوااد يبغى يقولي شي بس ماحب امي تدري

علي / فهد البيت له 10سنين فاضي محد سكنه عشين كيذا مغبر

فهد/ من جدك لا يكون مسكون اصلا باين انه مهجور انا عاجبني اكيد فيه جن ر"

علي/اسكت تبغى امك تسمعك لا تقولها ماصدقت اني لقيت بيت ملك تعبت من الايجارات الغاليه وضروفنا الحمدلله وذا البيت دورين وسعره مناسب عشين كذا اخذته بس امك لو دريت بتخاف وبتوسوس ولا تجيب سرت الجن لا اهبدك بالجزمه