بيتنا مسكون

انا كيلاد

الصبح الساعه 9:45

ناصر/محمد قوم يلا

محمد/وش في ابغى انام

ناصر/بشويش خلي فهد ينام قوم نجيب فطور عمي راح يجيب العمال وعمتي عيده وحنان وداهم عندي امي

محمد/طيب قمت

فتحت عيني حاسس بخمول ونعسان بقوة فتحت جوالي اشوف الوقت كان على10:00 رجعت غمضت وتذكرت ان العمال بيجون قلت خليني اقوم ناصر ومحمد التفت لجهت محمد ماكان موجود رجعت التفتت لجهت ناصر لقيته متلحف بالبطانيه حتى راسه مغطيه

فهد/ناصر قوم يلا العمال بيجون وهذا اخوك ماصحانا يلا ايش بك ما ترد ياهووو قوم
رميت المخده عليه لما رميتها البطانيه هبطت على الفرش ماكان في احد كان متغطي فيه حست بخوف توني اشوف شكل انسان تحت البطانيه ويتنفس والحين اختفى في لمحة البصر لا اكيد اتخيل قلبي يدق بسرعه وماقدرت احرك رجولي واقوم حتى خفت انادي حسيت ان البيت ما فيله احد بس طالعت جهت الباب لقيت الظل الي شوفته امس واقف قدامي شهقت كان قدامي على شكل انسان ثواني واختفى واسمع صوت ناصر هو ومحمد طالعين

محمد/فهد صحيت جبنا فول وتميز طااازه بيعجبك ....ايش فيك مفجوع

ناصر/بسم الله ليش ترتجف فيك شي

ماقدرت ارد عليهم اشوفهم يتكلمون بس ماني مستوعب ايش يقولون

ناصر/جيب علبة المويه خليني ارشه عليه

محمد/طيب خليني افتحه لك بسم الله فهد وش فيك

ناصر كان يرش عليا المويه وويسمي ويقراء المعوذات واية الكرسي حسيت براحة وطالعت فيهم وقلت لا تروحون وتخولني ناصر اصر اني اقوله ايش فيني وحكيتلهم الي شوفته امس والي صار اول ما صحيت

محمد/لا ماينسكت عليك لازم نعلم عمي علي

ناصر/ ايوه لا تسكت وماتنام الا وانتي متوضي وتقراء المعوذات واية البقرة

فهد/ان شاءلله

وبعد مافطرنا الا وابوي جا ومعاه العمال وساعدناهم ذالك اليوم نظفوا البيت كله ورشوا بوبات للغرف كلها وكلنا رحنا ننام عند عمي خالد

فهد/ابغى انام خلاص تعبان

خالد/انت شكلك مو عاجبني اليوم يافهد وين النشاط والسماجه الي كنت تغثنا فيه

علي/ماعليك هو تعبان من الصبح واقف مع العمال ما قصرت روح ناملك اسبوع وبتتعود على النقل

ناصر/يلا تعال غرفتي محمد بتنام

محمد/لا ابغى اسهر اشوي

وفي الغرفه بعد ما دردشت مع ناصر اشوي حطيت راسي في المخده بعد كم ساعه سمعت صوت ناصر وهو يناديني افتح عيوني لقيته ماسكني بقوه وهو خايف ويسمي استغربت ايش فيه

(ذيك اللحظه ما كنت على الفرش الي نمت فيه كنت تحت الشباك والشباك مفتوح وما فيه حدايد وناصر عيونه دموع وفجاءه حظني وهو يقراء اية الكرسي )
فهد/ ايش فيك ليش تبكي

ناصر/مافي شي مافي شي

فهد/لا ايش الي صار ايش اسوي هينا ناصر لا تخوفني

ناصر /تعال اشغل الضوء واول شي قوم توضي وصلي ركعتين

وبعد ماصليت وانا متوتر ابغى اعرف ايش الي حصل

ناصر/فهد انت ما تذكر اي شي

فهد/كيف يعني كل الي اذكره اني سولفت معاك ونمت

ناصر/اسمع انا قمت على صوت الشباك التفتت لقيتك  واقف قدام الشباك سالتك ليش فتحته المكيف شغال مارديت ناديتك كم مره انت طالعت فيني وقلت هشششش بتصحي فهد انا راجع للبيتي وكنت تحاول تنط انا قمت وسحبتك وانت دفيتني وجلستك بقوه واقلك قوم فهد ايش بك بس انت كنت اطالع فيني وتبتسم كانك واحد ثاني حتى نظرتك بارده  وبعدين فقت من نومك مدري ايش الي كنت فيه بس خفت عليك ياخي

فهد/هذا كله صار لي بس انا ما اذكر شي من جد ناصر ولا تمزح لا يكون فيني مس

ناصر/بسم الله الله لا يقولها اشوي وياذن الفجر نصلي ونكلم ابوي وعمي علي ماينسكت على الي صارلك لو ما سمعت صوت الشباك كان نطيت ورحت فيها

فهد/ طيب

اذكر على الساعة 10كنا نشرب شاهي وفيصل قد كلم ابوي وعمي

عمي خالد/بسم الله عليك هذا اكيد مس الله يهديك يا خوي لو صبرت اشوي كان لقيت بيت جديد مو بيت مهجور

علي/خلاص طاح الفاس في الراس اجيب شيخ ويقراء على فهد والبيت

(فجاءة حسيت بخمول  وفتحت عيني شوفتهم يطالعون فيني وكلهم ساكتين )

فهد/في شي ليش اطالعون فيني

علي/انت ايش قلت

فهد/ما قلت شي ليش اطالعون فيني

عمي خالد/بسم الله انت قلت انا مسلم يعني ماراح يفيدكم الشيخ ولاتخاف على فهد يا علي 

فهد/ متى تكلمت اصلا حسيت بخمول كلها ثواني وتقولون انا قلت ذا الكلام

بعد ذا اليوم ابويا راح وكلم شيخ وجا قراء علي في بيت عمي وماصار شي وبعد اسبوع رحنا البيت بعد ما خلصنا من البويات والسيراميك وطبعا جا الشيخ وقراء على البيت واعطاني مويه وزيت مقري عليه وحسينا بهدوء وفي الليل رحت لغرفتي

(الحلم الي شوفته ماانساه الين الحين كنت اشوف نفسي جالس في غرفه وفي الزاويه في واحد قاعد بس ما كان على شكل ظل لا كان انسان مثلي ويطالع فيني ويقول لا تخاف انا اسمي كيلاد من جن البيوت وانا مسلم وانت جيت لغرفتي توقعتك ما تخاف من الجن مو انت عندك فضول عن الجن طيب انا اوريك عالمي واكون صديقك من الجن لا تخاف انا راح اخذك الى اماكن كثيره وابتسم وبعدين فوقت من النوم طالعت في زاوية الغرفه كان في ظل ايوه هذا اسمه كيلاد الجني الغريبه اني ما خفت المره هذي وقررت اني ما اقول لاحد الي شوفته ماصدقت ان امي ارتاحت من القلق علي وليش اخاف من كيلاد هو قال انه مسلم زيي ومارارح يضرني ورجعت نمت كانت اكبر غلطه اني وثقت بجني خبيث)

رايكم في البارت راح اكمل البارت الثالت ان شاءلله