مكاني المفضل هو معك......
ورجعنا....
بكرة اول يوم لي ملاك في الجامعة ما حضرت أي شيء وهي في سااااابع نومة وفجاة نزلت موية في ملاك وهي نايمة
ملاك......آه هااااا اهئ اهئ
بغرق انا مهند يامهند انت وين انا بغرق وجري علي غرفة مهند وهي مصدومة
مهند طلع من غرفته بخوف
.....ملاك يا بت في شنو مالك
...... انا انت بغرق
......شنو منو البغرق قولي بسم الله
بعد شوية ملاك استوعبت إنه في زول كشح فيها موية وسمعت صوت ضحك جاءي من غرفتها عرفتها منو طوالي رجعت غرفتها ومهند بضحك عليها
ملاك.... خير يا طير انتي يا زفته انتي الجابك شنو كنت مرتاحة منك اسبوع كامل وبعدين في إنسان بصحو كده
نسيبة......الناس بتسلم اول وبعدين انتي تلقي زي وووين ياااخ انا يلي ارتحت منك واصلا وين الإنسان البتتكلمي عنه والبشر الطبيعيين غير المختلين بصحو بدري
ملاك....انننن انننن (وهي بتقلد في نسيبة) غوري اطلعي برة خليني انوم
نسيبة....تنومي وين يابت انتي بكرة الجامعة واكيد انتي ما حضرتي شئ صح
ملاك....شنوووو اوف نسيت ما عارفة من غيرك يا ننو (ننو لقب نسيبة ) كنت حا أعمل شنو
ننو... وهي بتنفض الغبار الوهمي عن اكتافها ها يب يب أعلم لا داعي لذكر اهميتي
اكيييد كلكم عرفتوا ننو بتكون شنو لي ملاك..
يب يب
نسيبة أو ننو بتكون صديقة ملاك من الروضة الى الان واهلها واهل ملاك أصدقاء ننو كانت مع اخوها في دبي اخوها متزوج قضت معاه اسبوع وجاءت ننو برضو شالوها طب الخرطوم
ملاك ....بطلي رغي وشوفي لي حل
ننو.......انا اصلا كنت عارفاك حا تنسي وبما انى مشيت دبي اغتنمت الفرصة واشتريت لك ولي كم لبسة كده مع الجزم كمان بس فضل الشنط والإكسسوارات والدفاتر وكده
ملاك.... حبيبتي يا ناس اوووف اختك وين انا
ننو.....في الكبد لأحسن القلب مشغول ياختي بلهجة مصرية
لتضحك ملاك ....هههه هو انتي قلبتي مصري ولا ايه برضو باللهجة المصرية
....طيري ادخلي استحمي وانا حا طلع لك ملابس عشان طلعين السوق يلا
بليييز فوت و تعليق
شباب بعتذر جدا جدا 🙏
عن تأخير ونسبة لانه الكهرباء بتقطع كتير والرصيد بقى عامل زي العيش ما بتلقي بسهولة 😿😿😵 عارفة اني مقصرة في حقكم
اللهم انا حا اوحاول اخلص نص الرواية دي قبل عيد الأضحى 😇
لنا لقاء ابقوا عافية
القلب الأزرق
