الجمال كله آتخلق في السمر 🎼💛
ورجعناااا.....
ملاك وننو طلعوا على السوق اشتروا كل حاجاتهم الناقصهم اثناء ماهم طالعين من السوق ننو كانت بتشوف في ترحال ترجعهم البيت وملاك ماسكة الحاجات وبتتكلم بالفون مع فارس واثناء ماهي بتتكلم معاه وقف قدامها واحد سكران او مجنون ما معروف بس مسك يدها وبقى بجر فيها هي بقت مصدومة وجسمها متلج وبتحااول تجر يدها منو وهو بجر
ملاك.....اهئ اهئ اهئ فكني عليك الله فكني
فارس....ملاك في شنو مالك منو يفكك
اما ملاك في عالم تاني خائفة وبتحاول تفك يدها منو الناس لاحظو لها بقو بحاولو يفكو منها وهي بس تبكي
لحدي مافكو منها ولسه هي بتبكي في راجل كبير كده ظاهر علي الوقار ادها موية
الراجل....يا بنتي قولي بسم الله خلاص المجنون مشى اهدئ انتي جيتي السوق براك
ملاك حركة له راسها لالا
فارس قفل المكالمة وساق عربيته ورجع لها تاني
الراجل سمع صوت تلفونها ادهو لها
ما قدرت تفتحو وجسمها برجف فتحو لها وفتح لها الاسبيكر
فارس.... ملاك حبيبتي مالك الحاصل شنو وانتي وين ملاك ردي علي
ملاك بس قاعده تبكي
الراجل اتكلم مع فارس هو
....السلام عليكم
فارس...وعليكم السلام والرحمة انت منو وملاك دي وين والحصل شنو
....اهدئ يا ولدي مافي شئ وحكى له الحصل ووصف له المكان
فارس...طيب معليش خليك معاها لحدي ما انا اجي انا في الطريق
.....ولا يهمك ياولدي وانا معاها
بعد شوية ننو جاءت بقت تفتش فيها لحدي ما لقتها اول ما ملاك شافتها حضنتها وبقت تبكي
اما ننو مصدومة الحصل شنو والوصل حالة ملاك لكده شنو
اثناء ما ننو بتحاول تفهم من ملاك الحصل شنو فارس جاء
فارس جاء عليهم لقى ملاك لسه بتبكي وننو حضناها
فارس سلم على الراجل واتشكره واخذ ملاك وننو دخلهم العربية وجاب لهم موية وشال حاجاتهم دخلهم وراء واتحرك ركب العربية
فارس....ننو انتي كيف تخلي ملاك براها
ننو....فارس انا بس مشيت اجيب ترحال عشان نرجع البيت ولو عارفة بحصل كده ماكنت خليتها براها
ملاك هدأت
ملاك....فارس ننو ماعندها ذنب وخلاص الحصل حصل
فارس...تمام لكن تاني ممنوع تمشوا اسواق زي دي المول بشكي من شنو
ملاك...المول ما فيه حاجات حلوة وبعدين انا وننو متعودين نشتري من السوق ده
لنا لقاء ابقوا عافية
جمعة مباركة عليكم 💕💋
القلب الأزرق
