أسوأ ما قد يصيب الإنسان أن يفقد شهيته في القول في الضحك في إظهار ردات الفعل ...أسوأ ما قد يصيبه أن يموت حيا....
ورجعناااا....
استكاااانة
أنا مسلمه بحجابي اتجمل بخماري اتزين بنقابي اصبح ملكة جمال اعرف قدري كجوهرة بين العالم فكيف تظلمونني وتتطلبون مني خلعه اتطلبون مني التعري!
فلا وربي لن أفعل وسأظل بديني متمسكه
رأي الخاص
كونك انتي تلبسي ضيق اوقصير او حتى تلبسي طرحة بس تختيها في كتفك منظرة لا دقيقة يعني انتي حاسة بشنو اذا انتي اساسا ما عايزة تلبسيها ما تلبسيها أحسن من تختيها على كتفك وبعدين انتي تلبسي قصير وضيق ولمن يعاكسوك تزعلي وتصري وتقولي الاولاد قليلين أدب حبيبتي استري نفسك بعدين تعالي اشتكي
هو إذا كان وانتي متنقبة ما مريحنك عايزهم يشفوك لابسه ضيق وقصير ويخلوك لالا شكلك بتحلمي
فياريت يااااريت تلبسي محتشم ما بقول لك اتنقبي لالا اتستري بس فا الانثى كلها فتنة حتى اسمها فتنة وحتى صفتها كانثى فتنة
يعني بالمختصر كدا انتي ما محتاجة تظهري أي مفاتن لانك كلك فتنة
حاجة تانية حابة اوضحها ما أي بنت او نقول انثى لابسه قصير وضيق هي سيئة لا ابدا اللبس ما مقياس للمقارنة أو معرفة اخلاق الإنسان نهائي امكن تكون عند ربها مرتبتها أعلى من متنقبة فما تحطه من قدرها
آي نعم الناس بتقيس بالمظاهر والمظاهر خداعة بس ما تنخدعو واتعمقوا
.....ده طبعا رأي الخاص ياريت اسمع ارائكم اكتبوا لي واسفة على القطعة والتأخير منتظرة مشاركاتكم استمتعو بالبارت شكرا.....
ونرجع لي ابطالنا.....
فارس ساق ملاك وعلى البيت على طول ملاك أول ما شافت فارس متعصب ما اتكلمت معاه لمن وصلو البيت
فارس.....انزلي وادخلي البيت سريع
ملاك.....ف....
فارس متعصب جدا .....اششش ولا كلمة انزلي من غير كلام
ملاك.....بس يا فااا......
فارس متعصب جدا جدا وضرب الدركسون وصرخ عليها.. ملاااااك
ملاك اتهجمت ودموعها نزلت وجرت على بيتهم وهي مصدومة من تصرف فارس
اما بالنسبة لفارس رجع كرسيه لي وراء وكان خاتي يده على عيونه عااارف انه ملاك انجرحت لانه اول مرة في حياته يرفع صوته عليها وهو عارف انه مافي زول حصل رفع صوته عليها مدللة بيتهم هي بس هي كمان عنيدة وما بتسمع الكلام مع الموقف ده فارس قرر قرار مهم جدا لحياته أو ممكن نقول لحياتهم مع بعض بعد فترة رفع الكرسي وساق واتحرك على الشركة
في جانب ملوكة مضايقة جدا راقده في السرير ملابسها ما غيرتهم ولا طلعت الجزمة وهي بتبكي إلى أن ناامت
ننو بتتصل على ملاك كتير بس ما بترد عليها خافت عليها وخاصة انها طلعت منهم بطريقة مريبة
اتصلت على مهند لقت تليفونه مشغول وفارس تلفونه مغلق قررت انها تمشي لها في البيت
علي وباسل ومحمد قاعدين في كافي بعد ما ودعو البنات وطلعو من الجامعة
باسل سرحان ومهموم
علي: باسل يا زول مالك سرحان وين
باسل:اووف علي تفتكر ملاك طلعت من غير ما تكلم زول لي؟ وهل هي كويسة؟
علي:اووو يازول انت مالك مركز معاها ولا اعجبت بها آي نعم البنت حلوة لكن متين لحقت تشوفها عشان تعجب بها
باسل هو بالجد اول ما شاف ملاك اعجب بها وحب تصرفاتها الطفولية: علووش يااخ مالك تفكيرك كده بس لانه هي آسي من شلتنا فا خوفت يكون حصل معاها حاجة ما تحكها معاي ياااخ
حاجة بسيطة اعتبروها تصبيرة
لنا لقاء وابقوا عافية
القلب الأزرق
