وتلاقت قلوبنا

البداية💛1

وتلاقت قلوبنا💛✨
مكنتش عارفه اني هقابلك بالطريقه دي اول مره شوفتك بصيت الناحيه التانيه علي طول مكنتش اعرف اني هحبك تاني قابلتك صدفه وكانت احلي صدفه في حياتي
كنت قاعده ساكته مش بتكلم كان عمال يبص علي ايدي مش عارفه لي مسمعش صوتي حسيته كأنه متلهف يسمعه مستني يسمع كلمه كان مركز معايا جداا لحد نص الطريق امي رنت عليا
هدي:الو يا ماما
زينب:ايوا يا هدي انتي فين
هدي:في الميكروباص
زينب:المكيروباص فين وصلتي فين يعني
هدي:مش عارفه يا ماما انا مش حافظه اسماء الطرق والاماكن
زينب:طيب لما تنزلي اشتري خضار من ع العربيه اللي هتلاقيها اول ما تنزلي
هدي:حاضر يا ماما
حمزه:حضرتك خدتي باقي الاجره
هدي:باقيلي جنيه "قولتها وهو بيبصلي وانا باصه ف الارض"
حمزه:اتفضلي
هدي:شكرا
حمزه:هتنزلي فين يا انسه
هدي:"عايز يجر كلام معايا ،لا مش هسمحله طبعا"هنزل ف الاخر
حمزه:فين يعني
هدي:"وانت مالك انت"هبقي اقول للسواق يقف في المكان اللي هنزل فيه
حمزه:في اي بسال عادي لو محتاجه اي مساعده يعني
هدي:تشكر
"بعد خمس دقايق _اي الراجل ده بقااا اي عايز يشوف في ايدي دبله يعني مش عارفه اي اللي عاجبه ف ايدي متنحلها كده _عملت نفسي بطرقع صوابعي عشان يعرف اني مش مخطوبه ويشيل عينه عني وفعلا مبصش "
السواق:مين هينزل النادي
"محدش رد "
حد هينزل البنك
"محدش رد "
مين نازل الموقف
هدي:انا انا ياسطا نازله
"بصلي فجاة واتخضيت كانه مستني يعرف هنزل فين انا خفت ليعمل فيا حاجه "

حمزه:لو سمحت يا انسه
هدي:اتفضل
حمزه:انا اسف لو ضايقتك من سؤالي بإنك هتنزلي فين لو كنت اعرف انك نازله ف نفس المكان اللي هنزل فيه مكونتش سالت
"رفعت راسي ابصله_اي دااا اي الحلاوه دي كلها عيني جت ف عينه قلبي دق وارتبكت معرفتش اعمل اي _اجري يا هدي _وهدي مش قادره حتي تشيل عينها وهو بردو بيبص ولقيته سرحان فيا بصيت ع الارض واستغفرت ف سري ومشيت جري وسيبته واقف بيبص علي منظري وكل شويه اتكعبل وابتسم زي الاطفال البلهاء بعد ما قطعت نص الطريق  "
هدي:اه يا هدي نسيتي تجيبي الخضار _لا بس لو رجعت ممكن الاقيه هناك _لا انا هروح عشان الخضار مش عشانه
اعااااااااااااا
حمزه:اي ف اي
هدي:حسبي الله _انت ماشي ورايا كمان
حمزه:انا اسف جدا مقصدش
هدي :انت حرامي صح حراااااامي حرااااااااماااااي
حمزه:في اي يا انسه لو سمحتي
:في اي يبنتي
هدي:الراجل ده ماشي ورايا وعايز يخطفني يعمو
حمزه:لا لا والله محصل انا بس
"لسه مكملش الكلمه وعمو ده لقيته بيضربه ونادي لابنه يضربه معاه "
والله يا عمي اسمعني بس
انا مش حرا...
هدي :خلاص خ..لاص يعمو تشكر متضربوش تاني عشان ميحصلش حاجه خليك ماسكه بس مع علي اروح
"قولت كده ومحستش بنفسي غير ف البيت _هدي كليه تربيه لغه عربيه رابعه ادااب يعني عندي 22سنه مختمره بت قمر كده كنت راجعه من الكليه وحصل ده كله لسه ناقلين جديد من بلد تانيه معنديش اصدقاء قريبين مني "
زينب:في اي يبنتي بتنهجي كده لي
هدي :الحقيني يا امي في حرامي كان بيجري ورايا عايز يخطفني بس انا قولت بصوت عالي انه في حرامي وجه عمو كده ربنا يباركله مسكه ضربه وانا جريت علي هنا
زينب:بنتي وانتي كويسه
هدي:الحمد لله
زينب:بعد كده تخلي بالك
هدي:حاضر يا حبيبتي ادعيلي
زينب:بدعيلك يا قلب امك
هدي:عملت اكل عشان انا جعانه
زينب:فين الخضار انا معملتش سلطه
هدي:مش لازم خضار هاكلها من غيره كفايه الخيار والطماطم
زينب:هصحي اخوكي مع علي ابوكي يطلع م الحمام وقومي غيري ونطلع ناكل كلنا