خلينا نبدأ أول ريڤيو بالكتابه الجامده دي❤️!
الكاتبه : فاطمه عبد ربه.
لنبدأ بروايه " اربعه في واحد " : غير مُكتمله.
و
روايه " 1622 " : مُكتمله.
الكاتبه حذرت انها اول ما الروايه تكتمل الروايه هتمسح الاتنين من الواتباد نهائياً نظراً لأنها بتتعرض للسرقه .
عشان كدا انصحكم تبدأوا فيهم من دلوقتي عشان بجد حرام تحفه زي دي تضيع منكم☹️❤️.
(اربعه في واحد)
روايه بتتكلم عن ٤شباب في الجامعه وكلهم نفس التخصص لكن شخصياتهم مختلفه تماماً عن بعض..،الاربعه عندهم دكتور معين مستقصدهم ومصمم يخليهم يعيدوا السنه..ف بيقرروا يتفقوا مع بعض علي خطه تخليهم ينجحوا...هيمروا بصعوبات كتير و افراح كتير برضو و حقيقي الروايه عباره عن تحفه كوميديه عظيمه ،مفيش مره قرأتها غير لما ضحكت😂❤️!
(١٦٢٢ )
بتحكي عن بنت في جامعه دايماً بترفض العرسان بس في مره هيتقدم لها مُعيد من جامعتها! ،بالتالي هتلجأ هي وصاحبتها ل "مشعوذه" هتطلب منها ازازه تخلي المُعيد يطفش...بس حست بفضول اتجاه ازازه مكتوب عليها السفر عبر الزمن ،وشربتها!! ياتري ايه الي هيحصل لها؟
السرد باللغه العربيه الفصحي لكن الحوار بين الشخصيات بالعاميه.
فكره جديده و الروايتين احلي من بعض بجد ،هحط اكونت الكاتبه في الكومنتات🖤.
أنت تقرأ
| Basmola's Reviews |
Randomلو حاسس انك قرأت كل الروايات الحلوه في الواتباد، بالتالي زهقت أنك مش لاقي حاجه حلوه..! تعالى هنا وانت هتلاقي مجموعة عبارة عن أعظم الروايات الي قرأتها فالواتباد و دي حصيلة خبرة فالواتباد من ٢٠١٦✨💜. #1Review ✨
