#قصة_وغناوه🖤.
خطرها ع القسم😊
فيه وحده غاويه ف واحد غيه ماتوتصف بكل وبداية علاقتهم هو كان ميت فيها ويدز وماهناك حاجه مادارها عشانها وصار اللي صار وحكَى معاها قعدت بينهم غيّه تحن وتّرن ومافي واحد ماعرف قصتهم عدت عليهم سنة وهو بدا يتغير وما يحكوش كيف ماكانوا قبل اغلب الوقت وكل ماتسأله يقوللها ظروف وفتره وتمشي ..
- دزتله :-
ينشد عزيز ترجا فيه ..✋
حنونه على روحه خذت 🔥
- رد عليها دزلها :-
سامحني يا زاعل مني ..🤞
فيه اظروف عليك لهني 🔥
وهدرزو او بعدها بكم يوم افلان هضا غاب عليها فتره طولت غيبته رايفت هي رنت عليه بعد تصكيرته وغيبته هذي رد عليها ..
- دزتله :-
كنك ياغالي عايفنا ..🤞
هذا مُش اردود سلفنا 🔥
- دزلها :-
تصبايت عقّالي ضدي ..🤞
شينه لكن وين انعدي 🔥
و ثاني يوم دزلها :-
لرضاهم عزيز ظلمت ..✋
عقالي اللي ظالميني 🔥
حكالها اللي صار بكت وبعدها دارت عزم ودزتله :-
ﻛﺘﺐ ﺍﻟﻠﻪ ﻟﻤﻮﺍﺯﺍﻩ ..✋
ﻋﻠﻴﻨﺎ ﻋﻠﻴﻨﺎ ﻧﺼﺒﺮﻭا 🔥
مرّ عليهم اسبوع وهمَ نفس الوضع ماتغير شي دز ارياف عليها ..
دزلها :-
انكابر ونا ميخوذ ..✋
فاقد عزيز ونقول ساهلة 🔥
وهي وجعتها لطتم هذي دزتله :-
يا ريتك خذيت الروح ..✋
يا واخذ الغلا ضريتني 🔥
وهو رايف وحال غايته يكمل معاها ويقول مع الوقت تنحل المشكله مع هله وياخذها، حكالها وهي فاهمه وضعها بس مزالت القصه واجعتها قالتله نا مرايفتش ومعش نبيك وهو عارف انه الكلام مش من قلبها ..
دزلها :-
حتي انكان مارايفت ..✋
نا مرايف عليك ومنشغل 🔥
- دزتله :-
تعال نعمرو كي قبل ..✋
يا مفارق الدنيا امفرّقه 🔥
هي القصه مانحلتش بس ردو لبعضهم وقاللها ان شاء الله قصتنا تنحل ترجيني ..
- قالتله :-
ﻧﺮﺟﺎﻙ ﻧﻴﻦ ﻳﻮﻓﻲ ﺍﻟﻌﻤﺮ ..✋
بعد ﻏﻼﻙ ﻣﻮ لازم ﻏﻼ 🔥
فرح هو وقاللها :-
انعن مانبقوا يوم بلاكك ..🤞
رفق للدنيا وازيناك 🔥
وفي يوم هدرزو لعند الصبح وثاني يوم حكت معاه اشويه حست انه في حاجه صايره معاه وبعدها اذكرت غيبته اللي دارها هاذك المره هي كيفها بس هذي 3 ايام ..
- دزتله :-
ايام غاب دارن يوم ..✋
ان فارق عزيز ايش حالهن 🔥
فتح وحكالها اللي صار دزلها :-
صار بينا غلا ماصار ..✋
وصار بينا اللي صار وانتهت 🔥
قالتله مربوحه مُش هاين عليها غير انصدمت وماعندهاش ردة فعل دزتله :-
عيوني ملايا دمع ..✋
مربوحه الغالي قلتله 🔥
- دزلها :-
صبو فالصف اللي ضدي ..🤞
عقّالي ونا واصل حدي 🔥
-دزتله :-
يلي من لولاف امخيّب ..🤞
تستغربها كي تسيّب 🔥
-دزلها :-
قعد بين اكتوفي عيّاط ..🤞
يلط ونا من غادي لاط 🔥
وهكي انتهت القصة وبعد فتره اسكتت وقالت :-
بعد اسمور ومراجاه ..✋
عليك قسم تموا لغيرنا 🔥
