في وحدة كانت غاوية في ولد خالها غلا ينفع ومافي واحد ماعالم بغيتهم بس لطت بينهم امة ماتريدهاش له وحلفت ودارت غضبها علية في جيزتة لها راجوا بعضهم 4 اسنين فالاخير سيبها غصبن عنة وجوزاتة امة لبنت اختها 💔.
المهم في يوم جت تطريفة خالها وعمة في نفس الوقت بدن يشتن البنات والصابايا والعجايز ماغباكم عاد في التطريفة ولمت الصبايا فيها .
مقعمزة هي وخيتها وبنت خالتها يصفقن في وسط الشطيح
صبت مرات مرهونها وشتت
كان قسملك ايش اديري
يالي من مرسال اطيري 💃؟
ردت عليها وحدة وقالتلها
كان قسملك دقيلي شامة
ماهن لك عزيز اقسامة 💔!
ردت عليها وقالتلها
راهن لي عزيز اقساامة
عدي يمي دقي شاامة 💃!
بدن الصابايا يضاحكن ع ردها
اما هي خطر عليها قسمها ومطراها العطيب
اتكت ع خيتها وقالتلها
عليك كبد فيهم درت
وعليك قسم للغيير شالهم 💔!
ردت خيتها وقالتلها
القسم قسم اسمة فية
يقسم اوقاات واوقاااات يقسمك 💔!
ردت قالت
القسم غير حظي قسم
لو كان جا بنادم نقتلة 💔!
صبت البنية وقالت
ميت موت ارياف عليهم
هلي لط نصيبي فيهم 💔!
طبعا مراتة شاطت فيها الناااار وردت
هذا حد نصيبك فيهم
حلامة وبكاك عليهم 💔!
صبت لبنية وبحتت ف أم مرهونها وقالت بصوت فية اشوي عبرة
لط لطيط الي لطوها
كبدي مالغالي احرموها 💔!
صبت مرتة وقالت
صوب غلانا ملغم كلة
ماتقدر وحدا توصلة ❤!
خش هو ياخذ في سفرة الشاهي جت عينها فعينة
وعزقت شتاوة
شحالك يالي مانك لييي
وغالي دون الناس علييي 💔!
يشوفلها وفية غصة ودمعة فعيونة طبس وطلع والتقط
