منمت الليل كوليته ماعرف شون راح نترك بيتنه
وحياتنه هنايه ونروح لمكان احنه كارهين عيشتهم
او بالاحرى اني الوحيده الكارهته
بسبب ابن عمي الغبي تهجرنه كوليتنه
جنه عايشين ومرتاحين الى ان نكلبت حياتنه بيوم وليله
متعارك ويه ولد وكاتله موت وشارد ووكعت بروسنه
جنه عايشين سوه فالي وكع عليهم وكع بينه
عشيره الولد الي مات جتي دكتنه
ورادو يقتلونه لو ما الله لطف
وانتهت بانو بعنه بيتنه ومحلات ثنين ونطيناهن فصل
ونشيل من بغداد كليتهه
مبقه عدنه الا القليل من الفلوس
واكو من اقترح على بابا انو نسكن بريف....
لان اسعار البيوت والكيعان رخيصه او مناسبه
وشغل بابا عليه فاقتنع وكيف لان من زمان بابا يحب الريف
وحياتهم بيت عمي شالو للبصره
واحنه ثاني يوم قررنه نطلع ماعدنه احد اني وحيده اهلي
كمت افتر بالبيت واتذكر طفولتي بيه
وكلشي حلو صار ويايه هنايه وشردت بذكرياتي
ماما رغد شدا تسوين لويش منايمه
ها حبيبتي مجايني نوم كلبي مينطيني انام واليوم اخر
يوم الي بيه
ايهه ايهه يماما ما عاد النه وحنطلع منايه مكسورين
بس الحمدلله من عدت هيج يماما يله
كومي ناميلج شوي وراج طريق وهوسه
صار ماما بس اشرب مي واجي
رحت شربت مي ورحت تمددت بين بابا وماما ضليت
اتكلب لحد ما بابا حبسني بحضنه ونمت
كعدتني ماما الصبح محضره ملابسي
اخذتهم سبحت وطلعت مشطت وكعدنه نتريك
خلصنه وبابا راح يجيب سيارة واحنه طلعنه ودعنا جيرانه
طلعنه بابا مصعد الجنط وكاعد ركبنه وبدت رحلتنه
عفت بغداد للابد بعد ساعات وصلنه
صح المكان حلو بس ميوالمني اني متعلمه على الطبه
والطلعه وجنت من اضوج اكعد بباب بيتنه واسولف وي
ولد جيرانه الازغر مني لو العب وي البنات كبي ناو
هسه هنايه طول الطريق مشفت مره وحده
أنت تقرأ
ليتني لم اراك
Ficción Generalحتى لو امطرت سبعون عاما من الفرح قلوبنا اصبحت رمادا لا تبالي لم نكن سيئين ولكن ساءت بنا الايام
