ليتني لم اراك

البارت السادس

شويه وطب بابا ضايج

سألته شبيك كال الحجيه واكعه عليهم وماخذيهه للمستشفى

خفت عليهه كولش بهل يومين حبيتهه

بابا فات غسل وبدل وراحلهم للمستشفى من رجع كال

جان صار بيهه جلطه اله شويه بس شاهين متلاحكلهه

ثاني يوم بس سمعت طلعوهه ركضتلهم بتراكسودي

وماما لحكتني دخلت جانن النسوان كولهه ملتمه فوك راسهه

يماي جده الحلوه الحمدالله على سلامتج خوفتيني

عليج والله بس سمعت نورتي حوشج لبست نعالي وجيتج ركض

هههه

بعد جدتج الله يسلمج حبيبه

خطيه كوه تحجي جتي ماما سلمت عليهم وكعدت ندمجت

بالسوالف انتبهت ام راس ماكو لا هيه ولا بنتهه

اكولج زهره

ها خيه

لعد اميره ما هيه وينهه

ها اكلج بس مو تهوسين

يا ولويش دا اهوس كولي

امشينه نوكل الدجاج واحجيلج

يله طلعنه صار بوجهي المخنزر باوعلي وصاح لزهره

راحلته شويه ورجعت بيدهه عبايه

هاج خيه حطيهه على راسج

بس اني مامحجبه

ادري خيه بس هنا ماعدنه بنيه تطلع هيج دحطيهه على راسج

شخسرانه

اخذتهه حطيتهه على جتفي ومشينه وكلنه الدجاج وكعدنه

باعي يشهد الله انه احبنج واعزج هواي

يي كملي

ذاك اليوم

لمن وكع الجاي عليج جانت هاي السالفة مدبراتهه ومتقصداتهه

اميره وبتهه

وجدتي عرفتهن ما حجت كدامجن ما رادت تتفاشل

وياكم بس اول ما طلعتو صاحت لعمي وحجتله السالفة

تخبل كض اميره كطعهه تكطع وشحتهه من البيت

نوب لزم فرحه وهم كتلهه وحبسهه وصارت هوسه للضالين

وبسببهه جديتي طاحت علينه

طول متحجي واني فاتحه حلكي مدا استوعب التكوله

عزه بعينهه شكد حقيره محجيت شي نزعت العبايه

ومشيت وزهره تصيح وراي عفتهه

ورحت لبيتنه كشت روحي منهم

عادي عدهن يحركن واحد ويدرن  الحرك شون يموت