اعشقك كرها

سادس عشر

بسم الله الرحمن الرحيم

ديانة من بعد ما راحت شمس دخلت للبيت سويت عشاء لامي وانطيتها دواها صارت بالعشرة فرشت افراشي و لزمت التليفون  مال امي اللعب بي لكيت رسالة من رقم  بقيت مستغربة امي ما عندها احد بس خالي واعمامي اثنين فتحتها لكيت مكتوب "هلو شلونج اديانة "😳😳

هذا منو رديت "هلوات منو وياي" اشوية وجاني رد "معجب " رجف كلبي من قريتها وصار وجهي اصفر بسرعة حذفت الرسالة وحضرت الرقم. وسديت التليفون ونمت 

ثاني يوم نفس روتين اليومي انضف البيت و اهتم بامي الضهر جانت امي نايمة بعد مااخذت العلاج دك التليفون رحت اشوف منو طلع رقم  صدك هذا الشي مو صدفة شنو هل ارقام جاوبت لان اريد اعرف منو

ديانة بصوت حاد منو. رد صوت خشن اني ما عرفتيني
ديانة بنفس الحدة والخوف بداخلها من عرفت رجال :يعني اني لو عارفة انت منو جان سئلت بدون  حجي زايد انت منو و شتريد

اني رجال وسلامتج مااريد شي بس اسلم وانتي شلونج 
ديانة  هاا طلعت رجال حسبالي حيوان     باي بعد لا تخابر.   رد ليش غير اطمن على حبي. ديانة لو تنجب مو احسن هو صوجي الجاوبت على أمثالك سدتة وحضرت

ام ديانة صاحت من عرفتها :يوم هذا منو تحجين ويا
ديانة بتوتر :هاا ها هاي شمس تريد اروحلها كتلها ماتكدر
ام ديانة :ليش يمة روحي انسلي وياها اشوية
اديانة :يمة مكدر اعوفج
ام ديانة :معليج بية اني راح انام وانتي روحي
اديانة :اوك
ديانة لبست شالي ورحت لشمس حجيتلها الي صار كالت يمكن صدفة لان هي هم هيج تصير وياها بقيت يمها ساعة  ورجعت البيت

---------------
مويد موضوع ديانة ما طلع من بالي باليل راسلتها كالت منو حبيت اشوف شتسوي بس صدمتني من حظرت ما جنت متوقع رد فعلها هيج بس عجبتني
ثاني يوم دكيت عليها من رقم ثاني ردت اووويلي على الصوت والثقة البي وهم حضرتني قبل لا اكمل كلامي باوعت بتليفون وبتسمت صدك داهية  بس الي قاهرني شلون  سارة حاولت تشوه سمعتها كدامي معقول عرفت اني افكر بيها

دخلت علية زينب كالت اريد اروح للمجمع كتلها اوك
زينب :هاي انت اخوي لو مبدلينك هيج بسرعة تاخذني بدوان عرك
مويد :ترحين لو لا بدون دوخت رأس روحي
نفسيتي كلش مرتاحة كمت سبحت وكشخت ونزلت انتضرهم يخلصون 

وصلتهم للمجمع الي يشترون منة  دخلنة ملاك وزينب راحن يختارن واني واكف لحد ما خلصنة وطلعنة
زينب : مويد بس اريد توكف يم الصيدلية 
مويد  اوك  وكفت يم الصيدلية   دخلنة اشترينة  وطلعنة  ملاك بقت بالسيارة

ملاك :زينب زينب شوفي
دارت زينب :شنو شكو.  ملاك:هذيج مو اديانة وياج بالمدرسة
مويد لا اراديا درت وجهي على الاتجاه الاشرت عليه 

زينب :أي  والله هاي هية.   مويد بصدمة :تعرفونها.
زينب :أي ويانة بالمدرسة العام و وتركت  علمود امها مريضة وهاي رجعت ثالث متوسط بس خطية شكل امها مريضة
ملاك :أي محد وياهم يمكن
زينب :اي اصلا ما عندها احد بس هي وامها
مويد مشيت عليهم  وصرت قريب  :يلا انزلن وكللها خليني اوصلهم عيب يبقون بالشارع
زينب صدك
مويد اي لعد تردين اخليهم بالشارع وصار اليل
نزلت زينب تحجي وياها  بقيت اتملها شلون تحجي
فهمتة هي رفضت
اجت زينب :ما تقيل
مويد اصعدي  حركت السيارة وكف كلش اكبالهم نزلت الجام"السلام عليكم شلونج حجية
المرة جبيرة: وعليكم السلام الحمد الله
مويد :حجية اصعدي اوصلكم
اديانة وهي مدنكة:شكرا اخي ما يحتاج