اعشقك كرها

بارت تاسع عشر

بسم الله الرحمن الرحيم

شلونكم حبايبي
خلينة ندردش اشوية قبل القصة

شخبار المرتبطين والطلاب هههههه واكيد ما انسى السناكل شخباركم
نسئل على الكل حتة محد يزعل ههههه

منو راح لزيارة الاربعينية ؟ منو دعالي ☺🤭
ادري محد دعالي بس جاملوني حتى اصدك😂😅

خليني احجيلكم اكثر موقف ضحكني بالزيارة
من طلعنة من بيتنة طلعنة بس اني وامي تمام يعني ماكو جرجرة بالطريق لتقينة بخوالي مشينة وياهم هنة قافلة كلش جبيرة ههههه
اني ما اكل مو ما اشتهي بس استحي و من اوكف لازم كلها توكف ف يوم الثاني بالمشي اني ما تريكت ومن صار الغدة اكلت اشويى لان عندي قالون مااكدر اكثر بالاكل طلعنة نمشي ورى ساعة جعت بس استحيت اوكف واخذ المهم كملنة مشي وصلنة للامام عون المغرب امي قبل لا ندخل حيرت علينة ناخذ لفات  هم دخلنة صلينة و رحت زرت وهم صليت رجعت لامي انطتني لفة اني لتهيت بالافة فجاء رفعت راسي واشوف كلها ابجي طلع اكو ملاية تنعة والناس تبجي واني كاعدة بالوسطة اكل هههههههه الفشلة مو هنا لا
عفت الفة وردت انتبه على الملاية جان تخلص ههههههه لا حصلت الفة ولا البجي بس لفشلة

اي  شكول الشاعر
اخخخ يا وكت

جذب كلشي ما يكول هههههههه

صدك اسفة على تأخر البارت
بس جنة ملتهين بالموكب وبعدين مجالس
-----------------

تشعر أنك سيجارة، يدخنك أحدهم بشهية مفتوحة، يَنتهي منك ثم يرميك من نافذة السيارة على الرصيف ليتشارك المارّة في دهسك.
يوم جديد بداية جديدة

*جوان
كعدت على صوت المنية الساعة ٦:٠٠ احس بالنشاط كمت من السرير رحت للحمام اخذت دوش سريع رجعت جففتة و سويتة ذيل احصان بعدين بديت بتجهيز كتبي حسب الجدول طلعت كتابي العندي بي متحان حتى اراجع بالسيارة
احس مشتاقة للمدرسة

نزلت بيدي جنطة وبيد الثانية كتابي لكيت زوجة عمي اسوي ريوك صبحت عليه خليت جنطتي عل الكرسي وكعدت على الكرسي الثانية

جان اكو علامات الاستغراب على وجة زوجة عمي هههه البارحة واصلة الموت واليوم نزلتها من الصبح
نزلن ندى و داليا 
تريكنة وطلعنة متوجهين للمدرسة بس طول الطريق جنت اريد بس اوصل وامتحن واكول العلي اني جاوبت 

وصلنة للمدرسة
اول ما دخلت صارت كبالي اديانة  خررررب شلون نسيتها

مبين من شكلها متوتره تباوعلي مشينة وصلنة يمها سلمنة وتجمعو البنات جنة جاين من وقت بعد ما بدي الدرس

جانت كل وحدة تحجي بشي اني اباوع على اديانة وهي هم كل اشوية تباوعلي عرفت صار شي

اترخصت من البنات اروح اراجع مشيت للمرر صاير شوية بعيد عن الصفوف اشوية وشفتها جاية بتجاهي