حبه قادني للجنون🥺

الجزء الخامس

عند فهد
ابو فهد:الا وين الجماعه ماتحسهم تأخرو
فهد: لا يبي علي ماقتلهم المكان اهو كاهم وصلو
ابو فهد:حيالله من جانه
ابو وليد:الله يحيك شلونكم شخباركم
ابو فهد:حياك حياك ابو وليد ادخل. ودخلو الخيام والشباب تبادلو سلام والصدمه كانت لي سلطان وزوج تغريد اللي كان رعد
سلطان:هلا والله شخبارك
رعد:الحمد لله ووتعارف الباقين علي بعض وكملو تركيب لخيام اول ماتركبت خيمة الحريم قالو شباب لي لافي ينادي الحريم يدخلو بعد مابعدو عنها دخلنا الحريم وتعارفن علي بعض ومن يشوف سوالفهم مايقول توه متعارفين (حريم عاد كيف بيكون) والشباب كملو تركيب لخيام وكانت "خمس خيام خيمه للرجاجيل وخيمه للحريم وخيمه للطباخ وخيمتين حمامات وانتو بكرامه وحده للرجاجيل وحده للحريم
شموخ:والله ماني مصدقه بعد
مرام ببتسامه:لا صدقي ياعمري
صبا والبتول بنفس الوقت:من هذي ماقلتيلنا مرام وين تعرفينها
مرام:هذي ياستي انتي وهي رفيقت عمري واخت دنياي شموخ وبعد انتو شايفينها بس انسيتو
صبا:صدق شبهتك بس ما اذكر متي شفتك
البتول: وانا بعد العذر وسموحه منك
شموخ مصدومه مستحيه حيل خاصه بعد مدح مرام قدام الكل خوات فهد وامه ومرت اخوه وفهد الحين معاهم وقريب منها وانه شريك ابوها الجديد هو فهد ماغيره طلع صوتها اقرب للهمس:مسموحه
مرام انتبهت علي رفيقتها اشلون مستحيه:شفتوها في عرس احمد وباركتلك انا وهي ياإيمان كانت معي ع طاوله
صبا:اقول الزين كله وين شفته هو انتي
البتول:عرفتها وقامو يسلمو عليها من جديد
اما شموخ كانت بعالم ثاني ماتدري بالي حولها كانت مشاعرها كوكتيل من كل شي شوي بعد التعارف سحبت الريان شموخ
الريان:ايش بك لونك تغير كذا
الشموخ:الحمد لله طيب سحبتيني منهم والله اني احسيت بمشاعر واحاسيس اول مره احسها
الريان بلقافه:ويش حسيتي علشان افسر احساسك اللي صارلك ايش
شموخ بضحكه:ماابغي تفسيراتك يالملقوفه حتي في احاسيسي ومشاعري داخله عرض وتبي تشاركيني
الريان بزعل:انا اختك ايشفيك اذا ماشركتك مين بيشاركك
شموخ:الحين اختي ولو بغيت شي والله ماأطوله اللي بطلعة الروح وعلي كل حال تسلميلي ياختي
الريان:طيب شو حسيتي غمزت لها
شموخ ببتسامه:بعد اعرف انا ايش حسيت اقولك
عند ليلي
كانت جالسه مع اخوانها يشاهدون فيلم رعب ومندمجين وحالتها صارت كثير زينه وسلمان بعد صار احسن من اول واريام فرحانه كثير علي صحة سلمان كيف صارت منيحه شوي ودق تلفون ليلي نقزت اول ماسمعت الصوت وطاح الريموت الي كان بحضنها وخوانها انخرعو بعد من صوت الجوال:بسم الله خرعني
اريام:اذا كنت خايفين ليش تشاهدونه مو منيح الفزعه
ليلي بضحكه:والله حلو ياخالتي ومن الملل بعد ايش انسوي
اريام:مو شرط حبيبتي شوفي اكشن شوفي رمانسي شوفي حتي كرتون عندي افضل من الرعب حتي اخوانك اقول لهم لا تابعونه ومحدا فيهم بيسمع لي
ليلي تضحك بقوة:والله معك حق خالتي بس الرعب غير احب اشوفه وخواني بعد تاري الوراته لاعبه حسبتها وطالعين لي وغمزة لي عبد العزيز عبد العزيز:والله ومنو الاكبر خابر الناس تطلع علي كبير
ليلي:عادي مشيها ياابو شباب وضربت كتفه
عبد العزيزيمثل الوجع:اي حشي مو ايد خابر البنات ناعمات ليش مو مثلهم انتي ياربي يوم ابتليت ب اختي ليش موناعمه اريام تضحك علي ولدها وفرحانه لانه علاقته صارت كثير زينه:طيب حبيتي ليش ردي علي تلفون وفكي عمرك من عزوزوه وسوالفه
ليلي:مو مهم خالتي بعد الفيلم يخلص احاكيه انتضرت الكثير الفيلم علي ماينزل واشوفه عبد العزيز كان جنب ليلي واستغرب من تصرف ليلي كثير لان شاف الاتصال من امها ليش ماردت:تمون غاليه انا صرت عزوزوه الحين والله ياام عبد العزيز اشوف ليلي خذت غلاتي منك
اريام:والله احبها مثلكم واكثر انت صادق بنتي هاي
عبد العزيز يسوي زعل:افا وتقوليها بوجهي كذا طيب سويلي تمهيد قولي لا حتي كذب عادي اسوي نفسي مصدق
عند عزام
بعد اخر طيحه ليا امي صارت تحن عليا كثير تبغاني اتزوج وانا بعد سوات بنت خالي فيني ماأحب ينفتح الموضوع ابد بس الحين عادي عندي بالعكس ابتسم اذا فتحت امي سريب العرس وانها ودها تشوفني معرس وبالبشت ومشفح والصراحه اكثر كل مانفتح الموضوع معي وحده بس كل تفكيري يروح لها "ليلي" مستغربين صح ايه احس هي اكثر وحده بتحس فيني وفي تعبي يمكن بعد اللي سواته لجل أخوها كبرت بعيني كثير من طفله المدلله الانانيه مو قد المسؤولية وهمها وكيف تصرف اكبر كميه من المال دون ادنئ تفكير كذا كنت اشوفها لكن اول ماشافت اخوانها وكم حاجة سلمان لها تخلت عن الطفله المدلله بسرعه الي امراءه ناضجه وقرارت تتحمل مسؤليته وحدها فقط حتي ماخبرت احد واقصد احد ابوها وامها اذكر يوم كلمتها تتراجع علي تسويه كانت يومها رح تسوي تحاليل وبلباس المشفي:ليلي تدري ان اللي تسوينه مو شي بسيط ابسط شي ومن حقهم تسوينه انك تقولين لهم
ليلي ببكاء ماقدرت تخبيه:تدري مو المفروض احكيلك بس رح احكي تدري من جيت علي الدنيا وامي ماهميتها أبد ماكانت ودها اجي وابوي سوي المستحيل لجل يرزقوهم الله فيني اول ماقامت بسلامه رمتني للشغالات يقومون فيني ومادرت عني همها حفلاتها جمعاتها طلعاتها سفرتها روحاتها وردتها اهم ماعليها وناستها وابوي فديتها كان يسوي لجل ماحس بالفرق واكون نفس اللي بعمري لكن اهو رجال مايفهم اللي احسه كل شي يقدر عليه سواه حاول يكون الاب وام ليا بس فيه مسؤوليات غيري وليه شغله يهتم به حاول انه ما يؤثر علينا بس شغله انت ادري بابوي من خوفه عليا مابقوله وعارف لو كان واحد من اخواني بيسوي كذا رح يرضي يعني مثل امي ماهملتني لجل وناستها هو اهمل اخواني لجلي تدري الحين بسبته اخوي عبد العزيز كان مسوي بيني بينه حاجز يعني عزيز اخوي كرهني مثل كرهي لي وناسة امي ومالومه معاه حق لجل كذا ابوي وامي فقدو اثنينهم حق اني أقول لهم مسحت دموعها اللي موراضيه تقف وبسوي العمليه بدون علمهم والله يكتب اللي فيه الخير
عزام بلحضتها تمنيت اتكون من محارمي لجل اضمها وواسيها واعوضها عن اللي تحس فيه تصدقون كنت اشوف وجهت نضر ابوها وأمها اقول معاهم حق بس شفت وجهت نضرها كانت غير من زاويه اخري الحلقه الاضعف فيهم صدق من قال لازم تسمع كل الاطراف لاتسمع الاحد وتتأيده ومن وقتها وانا اتمني ابو عبد العزيز يرجع لجل تكون من محارمي والله يقدرني اعوضها:ان شاءالله بس هدي هدييي طال عمرك
ليلي تحاول الابتسام:ماتشوفني صغيره علي طال عمرك قول ليلي بس ماحب الالقاب ابد
عزام:تأمرين امر طال عمرك
ليلي:ههههه
عزام لبي الضحكه الحين اناضر لها كاني عمري ماشفتها ابد