حبه قادني للجنون🥺

جزء الرابع عشر

....
الشموخ تبكي علي اللي صار له وعلي حبها اللي مامنه امل تحاول تكتم انفاسها لجل مايسمعها بس ماقدرت:ما اعرف ايش اقول بس والله غبيه فيه احد يتركك انت تراي والله ما احكي كذا بس هي شلون قدرت تسوي كذا فيك وشلون تخابي عنك موضوع الطفل
فهد:لاني اهبل يمكن مادري شلون وهذا اللي صار مادري ليش قتلك
الشموخ:لا لا ماتقول كذا علي نفسك والله ما اتحمل بك لا تشغل بالك مارح افكر بك غلط ابد واقول تحبني لاتخاف
فهد:شموخ
الشموخ ردت بدون وعي:لبيه يا روحها
فهد ابتسم علي جوابها:لبيتي بمكه ان شاء الله
الشموخ:امين
فهد:... بس ماجاوبتي علي سؤالي
الشموخ:مافهمت اي سؤال
فهد:اخر مره كلمتك فيها طلبت منك تعطيني وقت من وقتك يالشموخ ارجاك
الشموخ:
فهد بهمس:احكي اسمعك
الشموخ:
فهد ارخي صوته:يا بنت يابنت ليش ساكته قولي اللي بقلبك اسمعك
الشموخ ببكاء:
فهد:ارجاك والله انه فيني ضيقه تغطي الكون لاتزودين علي بدموعك لاتبكين انفداك
الشموخ بهمس وصوت متوتر:اسكت ممكن تسكت شوي
فهد انصدم من جوابها ونصاع لها:تامرين امر
الشموخ:لا تحكي طيب مهما قلت واسمعت لا تتكلم اسمعني وبس
فهد بهمس:تم بضل ساكت علي امرك
الشموخ ساكتة عشر دقايق وفهد ساكت اخذت نفس وصوت هامس:اول يوم بالجامعه كنت خايفه كثير مادري متوتره حيل شعور غريب وحلو لاني من صرت امني حياتي تمر بسرع وادرس طب حلم بنسبه لي شفت شخص سالني اسأله وضليت اجاوب من اول يوم انشلع قلبي وعرفته انه ماعاد ملكي اول مره يصير لي كذا حبيت هذا الشخص اذكر بوقتها سويت اشياء والله بعمري ما تخيلت اني اسويها غير فيني كثير قناعاتي ولت غير كنت اقول مافي حب وانا ما أسوي كذا لجل شخص وكانه الله يعقبني وحطني بمكان كل بنت تكلمت ابها انا ما اقول كذا لجل ابرر غلطتي اللي سويته غلط بس والله مو نادمه ابد ولا بيوم راح اندم لاني كلمته الشخص والله يسامحني بكيت كثير عليه انا اللي عمره مانزلت دمعه من عيوني نزلت لجلها قتله احبك ولا تغير ولا تحرك كانه عادي عنده مشاعري تدري ويش قال صدمني رده علي مشاعري بس اذكر رده للحين
لست متبلد المشاعر
ولست مجرد من الاحساس
فقط هموم ثقلث
جعلتني اتنفس بصعوبه
قال ما احبك بالوقت اللي رسمت حياتي معاه والله مادري كيف حتي من كلمته كلمته لجل انه هو شريكي واثقه وبقوه مادري كيف جاني الاحساس بس كذا جأني بوقتها متت ماعرفت ايش اسوي بس صدق صعبه من شخص تحبه حيل وحيل تغليه وهو مايشوفك ولا يدري بك ابد انا سويت كل اللي اقدر عليه وابغي منه يحبني ولا حبني مافي شي اقدر اسويه بعد والحين جاي يطلب مني وقت لجل ايش وهو بنفسه يقول الوقت مو مهم وقلبه مو بيده فهد الله الله يخليك اللي صار بحياتي مو قليل وانا بعد تعودت علي فراقه ليش ناوي تعذبني من جديد ارفق بحالي
فهد بهمس:اسف اسف والله اسف مليون ولا يكفون ماقدر اقول اكثر من كذا بس صدق القلوب مو بيدينا وقلبي غبي مثلي
الشموخ ببكاء:بس تدري احبك رغم كل شي سويته احبك مادري ليش قلبي خاين قلبي خاني يافهد قلبي عصاني ويوجعني حيل احس بتعب بداخله ليش مادري
فهد بحنيه:انفداك لاتبكين وتتوجعين لجلي تراني مااستاهل وغبي بعد
الشموخ تبكي بصوت حارق:انا انا مابكي بس قلبي عصاني وعيوني تطاوعه تدري والله مادري ويش اقول بس صدق قلبي بيوقف احسه وبعد كل ذا تسولفلي عن حبك لها اللي من اول نضره
فهد قاطعها بسرعه:انا اسف والله ماكان قصدي صدق انا غبي والله اني غبي مو قتلك
الشموخ:لا لا لاتلوم نفسك هذا قلبك موبيدك صدق مو بيدينا
فهد:تدرين قلبي حمار بعد وغبي لانه ماشافك وحبك انتي ارجاك يا شموخ لا تعذبين نفسك عطني فرصه اعرفك زين وتعرفيني بعد
الشموخ:تدري انتضرتك كثير بإنتضرك طول العمر واتمني من الله بيوم تحبني ربع حبي لك مو طالبه اكثر
فهد:عساها خاتمته العذاب اللي نحس به
الشموخ:ان شاء الله عن اذنك بسكر الحين واذا انت متصل تبغي راي عوض ابنك عن غيابك وجيبه تحت جناحك بعده طفل وينسي بسرعه الاطفال ينسون بسرعه صدق نيالهم احلام سعيده
فهد بهمس:وانتي بعد شموخي
عند نسرين
ستشفي جراحك و وتضحك من اعماقك ستمضي ناسيا وليس متناسيا
نسرين قامت من النومه تعبانه حيل سمعت صوت دق علي الباب:ادخل
دشت امها:هلا وغلا يمه كيفك الحين عساك بخير
نسرين ابتسمت بتعب:الحمد لله يمه كيفك انتي وين ريهام ماشفتها ليش ماتجي معك تطمن علي وتزورني
امها:قاعده بالبيت تدرين مرت اخوك مو فيه وقاعده مقابله جدتك مامعاها احد
نسرين ابتسمت بتعب:تدرين يمه كلكم تضنون ما أحب الريان بس غير صحيح يمه انا أحسدها تدرين كل مره اتكلم معاها احسدها واحسها غبيه ليش للحين ماتركتنا رغم ناضراتها لنا وانه مو مستواها مو واقع لها انسانه غريبه عنا ايه لانه متي ما بغت فلت وتركتكم وراها ومالتفتت ابد بس انا غير مهما باعدت مصيري ارجع لكم ليش انا ايش سويت لجل يكون حمدان اخوي انا تعبت يمه تعبت منه لي متي وهو ناوي يحرمنا الفرح
امها:خلاص يمه هدي مو زين لك الزعل وكلام هذا يمه الله يخليك مو وقته ابد الحين انتبهي لنفسك وبس
نسرين:متي وقته يمه حمدان مارح اخلص منه ومن تدخله بحياتنا ليش يمه
امها بصدق:يمه بس انتي بعد فيك تكوني الريان
نسرين قاطعتها:كيف يمه ارجاك دليني علي الطريق
امها ببكي:تمسكي بزوجك تراه رجال طيب وكفو راعيه وحاولي تحبينه وخليه يحبك يمه وانسي الماضي وانسينا بعد وطلعينا من حياتك صدقيني بتصير زينه وحياتك بعد بتزيان
نسرين ببكاء:والله احاول يمه تتخيلين اني ما أبي اعيش وما ابغي الراحه مثل باقي الناس والله احاول قاعده بس ولدك حمدان مو راضي يتركني بحالي حتي الفرحه مستكثرها علي وطيح ولدي يمه
امها:سافري يمه مو تقولين اهل زوجك بديره ثانيه روحي لهم تراي حمدان سم وينتشر بسرعه ولازم تنفكين وتفكين عمرك
نسرين تبكي:يارب يمه يفك بلاه عني ليش سمر يخاف منها ليش
امها بسخريه:تسألين صادقه يمه ماتدرين ليش
نسرين:الله يلعنه كلب كنت اتمني الجواب يجي منك غير
امها قاطعتها:لاتلعنين يمه تراي حرام عليك مايجوز
نسرين بتعب:الله كريم ويغفر يمه مو مثل البشر ربي حبيبي يسامحني ان شاء الله
امها:الله يغفر لنا كلنا يارب
نسرين بقلب محروق:الا ابنك الله لايسامحه ولا يغفرله
امها ماهان عليها مهم كان بيضل ابنها وضناء غالي:الله يهداه يمه ويدله علي الطريق الصح
نسرين بحقد:اشك انه ينهده والله
امها:الله قادر يمه يهدي اخوك بس ادعين له ولا تشلين بقلبك عليه
نسرين ماحبت تزود بالحكي ضلت ساكته:امين
عند بيت ابو فهد
ام فهد:ايه ... ايه ... ايه ... يمه .... لا خلاص ... ايه لا ينشغل بالك الحين اشوفه واكلمك ... لا لا والله كله ولا زعلك ماتهونين علي تراك غاليه انتي بعد وأغلا والله
... فمان الله
قربت صبا من امها:عساها خير اشغلتني تبغاك ضروري
ام فهد:ان شاء الله يمه يكون خير
صبا بخوف:ايش تبغي خالتي فيها شي سلطان به شي
ام فهد: لا لا مابه الا الخير بس متصله فينا ماتبغي تعرس الحين تقول عناد ما عطاها فرصه يتناقشون ويقرورون موعد اثنينهم قرر بنفسه وهي عذرها معاها دراستها صعبه
صبا بصدمه:يمه من صدقك
ام فهد:والله العضيم
صبا:سامحيني يمه بس والله بنت اختك خبيله لانه سواتها مو سوات عقال لا والله
ام فهد قاطعتها:صبا عن الغلط احترمي مرت اخوك
عناد دخل وسمع كلام امه الاخير:ان شاء الله ماتكون
مرامي اللي غلطتي عليها يام اربع وربيعين لساان
صبا بنضرات زعل:الشكوه لله داخل علي كفار ما تسلم ولنا الله هذا وانا ادافع عنك لا مرامك متصله علي امي تبغي منها تأ
قاطعها عناد:ياحلوها ويحلو اسمها وهو منسوب لي وملكي ارجاك عاوديها ابغي اسمعها من ثاني
ناضراته صبا بغضب:مالت عليك انت وهي وووع ووووع مو لايق ابد عليكم
عناد قام يمثل الغضب وقرب يمها ركضت هاربه منه للدرج:هههه جبانه وناضر امه ليش متصله مرام
ام فهد:حرام عليك يمه مو قتلي انه مرام عندها علم وانك اخذت موافقه منها
عناد بهدوء:يمه انتي ادري بمرام وانها خايفه لازم احطها قدام الامر الواقع وترضي لانه لو ماسويت هالسوات وسمعت كلام بنت اختك بضل طول عمري عزوبي
ام فهد بعتب:انت ادري ابها بس ارجاك طيب بخاطرها تراها تكسر الخاطر دموعها اربع اربع
عناد:ماعليك منها انا لها ومايصير خاطرك وخاطرها الا طيب
ام فهد:الله لا يحرمني منك ويطول بعمرك انت واخوانك
عناد:ويحفظك لنا ياالغاليه انتي والوالد
ام فهد:اللهم أمين
عند عماد
شهد:عماد عماد ناضرني اكلمك
عماد كان يناضر للمجله التفت لها:سمي ياعيونه
شهد ابتسمت علي رده:سم الله عدوك اقول متي كلمت نادر اخر مره انت
عماد:لا والله من زمن عنه ماحكيت معاه ليش السؤال
شهد:مادري بس ادق عليه مايرد وادق علي نور جوالها مقفل وخايفه كثير يكون صاير معاها شي
عماد قرب يمها:حبيبي ليش الخوف حرام عليك اللي تسوينه بنفسك نور ما بها خلاف ولا تشكي باس وانا بنفسي بحاول اوصل لي نادر هاه راضيه الحين ايش تبغين بعد
شهد بحب:ياريت ياعماد تكون بخير نور انت ماتدري عن غلاتها بقلبي نور غير نور امي نور وابوي واختي واخوي وكل شي بقالي انفدها
عماد بزعل:افا اذا كل هذا نور انا ايش اجل
شهد:انت حياتي انت عمري انت روحي انت هواي اللي من غيرها اضيع ولا اقدر اتنفس
عماد ابتسم لها:تراني اغار تتغزلن بأحد غيري وقدامي بعد تفدينها ولو كانت اختك
شهد بجديه:عماد انا ايش بنسبه لك
عماد بتفكير:انا احبك وسويت لجلك الي طلبتيه ورح اسوي لجل عيونك اكثر بس
شهد بخوف:بس بس ايش
عماد بحزن:انا انا لا تشغلين بالك ياعمري خلاص كافيك اللي بيك
شهد قربت منه:والله بزعل انا ايش يصير معي انت اول شخص افكر اشكيله همي وانت تسمعني بقلب كبير وتنصحني بعد والحين متضايق ولاتبغي اشغل بالي بيك ارجاك احكيلي سولف اسمعك ولاتشغل بالك بضيقتي
عماد بتفكير:اقولك ولا تزعلين
شهد بجديه:اسمعك حبيبي
عماد:زين .... والله ماريد اضايقك اكثر بس والله ماعاد اقدر اتحمل اكثر اشتقت ل أمي وابوي واخواني وندمت حيل علي سواتي وابغي نرجع اطلب من ابوي يسامحني
شهد بخوف:ندمت لانك معي
عماد ناضرها بحب:اندم علي كل شي الا اني معاك انتي ماتدرين قد ايش احبك الحق معك تضنين اني ممكن اندم لو تدرين الي داخل ضلوعي والله العضيم ينبض لجلك وبس
شهد دمعت عيونها:وانا بعد احبك ولا ابغي بيوم اكون سبب ضيقتك ياقلبي
عماد:ابد لايخطر ببالك بيوم انك سبب بضيقه لي انا شوفتك تزيل هموم شلون قربك اجل
شهد ابتسمت له بحب:اجل انا معاك باللي انت ناوي تسويه وتشوفه صح انا به
عماد بهمس ذوبها:ويلوموني بيك والله لو يسمعك ابوي الحين ويشوف السعاده الي بيها لا يسامحني
شهد بهمس:الله يسامع منك لاني صدق تعبت انا بعد
عماد:هانت ياقلبي قريب نرجع ان شاء الله تقومين بسلامه اول
شهد:يارب
عند عزام
ام عزام:هلا هلا بالغالي هلا بإمي هلا يابوي ايش اخبارك الحين عساك بخير
عزام قرب يمها وحب راسها:هلا يمه اشلونك فديتك
ام عزام:عسي عمرك طويل يا غالي
عزام:اجمعين يالغلاء
ام عزام:كيفك اليوم عساك مرتاحه الحين ما تونس شي بك شي تعبت يمه
عزام:يمه ارجاك لا تشغلين بالك فيني انا بخير وصحتي الحمد لله زينه وتراني ماكثرت حلو والله لجل تخافين
ام عزام:مو بيدي يمه والله ماقدر ما اخاف عليك روح للمشفي وشوف اذا سكرك معتدل والله قلبي نار عليك متي مادخلت دارك وانا احاتيك الين تطلع منها اخاف يصيبك شي وانت لحالك ومادري به
عزام:والله يمه انك تدورين الشقاء بنفسك انا مابي الا العافيه صحيح اتعب شوي منه بس ماعليه انت تحبين تشغلين بالك
ام عزام بنغزه:وريح بال امك ولا ماتدور راحتي مثل ما احتيك وشاغله بالي وقلبي بك
عزام:افا افا ياغاليه انت تشوفيني كذا انا والله اشري راحتك بروحي والله شاهد
ام عزام:ادري والله ادري لجل كذا ريحني يمه وجيب ليلي عندك كذا بالي يرتاح وما ينشغل ومنه تونسك ودير بالها عليك
عزام ابتسم علي امه اللي مارح ترتاح لين تزوجه:ان شاء الله ياغاليه قريب تأمرين امر انتي
ام عزام:قل امين ياعزام يابوي وامي العام الجاي نفس دخلتك عليا الحين انت وجهالك تدخلونها
عزام ببتسامه مايدري ليش تمني هاشي رغم انه قبل سنه بس معارض فكرة الزواج بكبرها:امين يمه
عند الريان
الريان:هلا هلا بالقاطعه شلونك ايش اخبارك من زمان عنك ياقلبي قلنا ماتسأل احنا نسأل عنها
تغريد:هلا ياعيوني كيفك انتي الحين زينه
الريان:انا زينه انتي نحول
تغريد:هههه ماتعقلين ابد
الريان:ههه ليش اعقل ايش اسوي به كلميني عنك اشهد انه رعد خذاك منه اذا ماسألنه لاتسألين ابدا
تغريد:حرام عليك لا تضلميني والله مو كذا ان
الريان قاطعتها:ايش عذرك اجل اسمعك قولي و اشجيني
تغريد: ...
الريان:هههه ياقلبي اعترفي انك قاطعه ورعد خذاك منه خلاص مابك رجعه
تغريد:حرام عليك يا الريان انا كذا الحين ما أدوركم
الريان:هههه والله من فعولك اجل تبدلينا ياتبن من تزوجتي لا اتصال ولا رنه علي الاقل مسج حسسينا انك مو بايعتنا
تغريد:ول ول ياكبرها اجل من كلمك قبل امس من يسمعك الحين يصدق اذا انا اللي هو انا صدقتك
الريان:ههه اجل ايش اسوي بك شلونك اشلون رعد وشلون دراسته
تغريد:الحمد لله كلنا بخير ودراسه بعد
الريان بخبث:الحمد لله اقول مافي خبر جديد عندك
تغريد:خبر ايش مثل شو يعني
الريان ببتسامه:مافي شي بطريق
تغريد استحت حيل:اقول بلا كلام زايد لأعلم امي عليك
الريان:هههه يا حلات اللي يستحون اجل ايش تنتضري بعد الزواج ياحلوه كيكه مثلا
تغريد:لا لا الخلاق خاربه حيل بغيابي انتي اختي الريان لا ما أصدق اكيد غالطه بالرقم
الريان:هههه ياخبله انا اللي داقه عليك خلاص عاد تصدقين قبل أتعبت وانا امثل عليك اني استحيت خليك افري مثل البلد اللي انتي بها
تغريد بصدمه:شلون مافهمت
الريان:هههه احسن الا اقول وكملو ضحكهم سوالفهم رغم الالم اللي تمر بيها اثنينهم
عند فهد
طق باب جناح امه: فاضيه يمه ادخل
ام فهد:هلا يمه ادخل
فهد قرب يم امه وباس راسها:شلونك يالغاليه عساك بخير ان شاء الله
ام فهد:الحمد لله زينه يابوي
فهد:عساه دوم يمه شلون ابوي الا وين هو فيه
ام فهد ناضرت غرفه الملابس:دخل يبدل ثواني ويجيك عسي ماشر يمه اشوف بطنك علم قوله يبا اسمعك
فهد:دوم فاهمتني يا الغاليه بقوله الموضوع اذا فاضين ابغاكم بس بنتضر الوالد يجي عقبها اتكلم
ام فهد:مثل ماتبغي عسي خير بس
فهد:خير خير ان شاء الله
ابو فهد دخل ويعدل بالثوبه:هاي حليمه وصيتيهم علي الشاي وشاف فهد جالس:هلا يا ابوك اشوفك عندنا
ام فهد:اي يابو فهد ثواني ويكون جاهز
فهد قام وحب راس ابوه:ايه ياغالي ابغاك اذا منت مشغول تسمعني
ابو فهد:عسي خير اسمعك تحكي
فهد متوتر ومو قادر كيف يبداء الموضوع يحاول قد مايقدر يخفف الخبر عليهم:يبا والله انت تدري اقصد انت فاهم صح
ابو فهد ابتسم علي طريقته بالحكي:والله يا بوي ماادري ولااني بفاهم شي من حكيك قول يا فهد تبغي فلوس يابوي ناقصك شي قول ايش مابغيت لا تستحي
فهد ناضر ابوه بسرعه:لا يبه ما ابغي عساك ذخر ياغالي
ابوي فهد:ايش تبغي اجل تحكي اقلقتني
فهد:يبا انت تدري انت تدري انت تدري
ابو فهد:ايه يبه ادري ادري بس بشنو ادري
فهد باين عليه التوتر ماقدر كيف يبسط الامر لهم ام فهد حز بخاطرها تشوفه كذا:اسكت يارجال وخليه علي كيفه يقول اللي بخاطره وهو كل ماتكلم قاطعته بسالفه
ابو فهد:انا الحين كذا خلاص ساكت للصبح اسمعك والله ماقلت كلمه وقاطعتك بها تكلم اسمعك
فهد زفر هواء بقوه عسي يخفف عليه:انت تدري اني كنت متزوج وقبل قبل ال
ام فهد ابتسمت:عساها الساعه المباركه اللي اشوفك معرس من جديد وتكحل عيني بشوفتك يمه خلاص لاتحاتي عروستك عندي لا تشيل هم
انصدم فهد من كلام امه وشلون فهمت الموضوع كذا وهو ماقال:يمه الله يطول بعمرك انتضري واسمعيني للاخر توك تقولين ل أبوي يسكت اشوفك تتبعين خطاويه الحين
ام فهد بحيره:والله يمه حسبت انك تبغي تعرس ومستحي قلت اخفف عنك الكلام واحكي بدالك
فهد:لا يمه مو كذا بس انا ابغي اقولك ان قبل الحادث
قاطعته امه:ينذكر ولا ينعاد
ابو فهد ابتسم وفهد:امين يارب
فهد:المهم قبل لا اسوي الحادث تذكرين نور وقتها كانت حامل
ام فهد:ايه يمه اذكر بس ايش ذكرك الحين بها فكنه من طاريها يسبب لي الهم والغم
فهد:ضروري يمه لو ما الموضوع ضروري كان ماذكرته لكم وانا اقدر او يهون عليا ازعل خاطرك المهم وبعد صحيت من الغيبوبه قلتولي انه طلبت الطلاق والولد مات في بطن امه
ابو فهد:ايه يبا اذكر انا اللي سويت الاجراءات كلها بوقتها
فهد:بس يبا من فتره ونور تحاكيني وتبغي مني ارجعها
ام فهد:لا بالله علي موتي تدخل حياتنا من جديد اذا كنت جاي لجل تشاورنا فهذا شورنا وقرارنا واذا كنت تعطينا العلم فانا ماني راضيه ابد علي الموضوع يافهد
فهد ابتسم:يمه ارجاك اسمعيني للاخر
ام فهد مو عاجبها قالت بلا نفس:هاه قول اسمعك
فهد:وانا رفضت يمه ارتاحي مو انا اللي ارجع لها عقب سواتها معي
ام فهد بهمس:الحمدلله الحمد لله
فهد ابتسم وبمزح:اكمل يمه ولا بعد تراها السالفه ماعد بها حلا كل شوي قاطعيني بشغله بأول الولد وتالي انتي
ابو فهد حس من كلام ولده رغم مزح انه الموضوع مهم اللي بيقوله لهم ناضر زوجته:اسكتي يامراءه وخلينا نسمع ولدك ايش يبغي
ام فهد:تأمر بسكت وحطت ايدها علي فمها
فهد ابتسم علي حركتها:مثل ماقلتلكم انا رفضتها وهي بعد ماتركتني ابد كل فتره وثانيه تراسلني وتترجاني أقبل ومن اسبوع وصلني مسج منها قلبني فوق تحت وقلت اشوف واتحري اذا صدق او لا والحمد لله ماطول الموضوع كثير وتأكدت من صحة كلامها وانها صدقه بكلامها وما تكذب
ام فهد:ماأضن انها تصدق بشي ارجع اتأكد مره وثنين وثلاث منت خاسر شي يمه
ابو فهد ناضرها بعتب:قول يا بوك ويش هو الموضوع حيرتنا معاك
فهد:بس الموضوع مافي مجال للشك تأكدت مره تكفي يمه الطفل بذاك الوقت ضل عايش وما مات وبعده عايش للحين
ام فهد مصدومه وابوفهد:شلون ما مات الله يهداك وانا اللي كاتب ومطلعله الاوراق بنفسي ومخص الاجراءت كلها مثل ماقلتلك
فهد بحزن:كذبه يبا كذبه وتراها مو اول كذبه من نور وضلين عايشه بهاا للحين
ام فهد:وشلون تأكدت يابوي من كلامها
ابو فهد:تري يم فهد العلم تطور مو مثل اول
فهد:ابوي صادق خذيته منها وسويت تحليل وطلع كلامها صدق مع انه مايحتاج تحاليل لانه الولد نسخه مصغره مني يشبهني حيل من تناضرينه كانكم تناضروني
ام فهد بدموع:وينه الحين يمه ابغي اشوفه
ابوفهد:الا ايش هو ولد صح هيك فهمت من حكيك
فهد:ايه يبا ايه ياغالي جابت سند
ام فهد ماتعرف شلون تعبر من فرحتها:الحمد لله يمه الحمدلله وماكنت اضن انه يجي منها شي يزهي الخاطر تكفي يمه وينه هو الحين والله اني سامحتها علي كل سوايها لعيون سند بس هو اجمل شي سواته
ابو فهد:والله ماأسامحها لو ايش اللي سواته مو قليل ولو ما صاير شي كايد ماقالت لنا عن ولدنا ولا درينا به
فهد:ابوي صادق لو ماتبغي ترجعلي وزوجها يعاملها بقسوه وانها تضن اني الاهبل اللي بصدقها ماقالت لنا انا قلت اعلمك قبل لا ادخل عليكم به خليته عند ايمن اكلمه يجيبه الحين
ام فهد قامت وضمت فهد لها: ماعلي منكم بكيفكم انتم ايه يمه تكفي ابغي اشوفه الحمد لله االي بلغني بشوفت ضناك
عند الشموخ
عندما تعلم انك لاشي بالنسبه لي احدهم تسود الحياه في عيناك فهذه ليست الحياة التي تمنيتها تمنيت شخص اكون انا الكون بعينيه لكن لم اتحصل علي اي شي سوء التجاهل فقط والكثيرر منه هو يتجاهلني وانا اتجاهل لكي يسير المركب بهدوء. لا علما لي ان كان صواب ام خطاء لكن لجل بسمه من شفاههم اريد من الحياه الاستمرار قد ألغيت نفسي المعتده بالذات هل انا هي حق تلك الفتاة قبل عدة سنوات لا والله انا لست وهي ليست انا هي لم تعد موجوده تلاشت من الوجود واتمني لا اندم
كانت جالسه علي سرير تفكر بحالها حبها له واضح للي ما يشوف بس هو ولا دراي به تغيرت كثير من حبته ماعادت نفسها الشموخ الاوليه خنقتها عبرتها علي اللي صار لها صايره ضعيفه مو بيدها تبكي بسرعه ليثها ماحبته كان ما بكت هالكثر وما تألمت لجله ليتها ما شافته محتاره من نفسها شلون تغيرت ما عادت مثل قبل مايهمها شي صاير كل شي يأثر فيها ويبكيها وين الشموخ قبل مايهزها ولايهمها اي شي مسحت دموعها حاولت تهدي قلبها اللي مو راضي يهداء خايفه من اللي جاي خايفه يجرحها بدون قصد منه خايفه تعطيه فرصه و ما يتغير وتتعب معاه لازم تاخذ قرار بس خايفه تجمعت الدموعها من جديد ماتعرف ايش الصح وتسويه ااخ ياقلبي ليش تعلقت وشريت ناس بايعينك غمضت عيونها واخذت نفس حست بأحد يقربلها ففتحت عيونها وابتسمت لها:هلا بقلبي
الريان وباين عليها التعب:هلا بك اخبارك
الشموخ انتبهت علي تعبهاا الحين:ايش فيك
الريان:مافيني شي ممكن انام معاك الليله اذا ما اضايقك
الشموخ بعدت لجل تعطي لها مجال لجل تنام:تعالي يا قلبي بلا كلام فاضي
الريان نامت:شكرا والتفتت تعطيها ضهرها
الشموخ وهي تمرر يديها وتمسح ضهرهاا:اكيد مابيك شي متأكده يا عمري
الريان زفرة هواء بضيق:مافيني شي مافيني شي بس تعبانه شوي وقلبي يعورني علي حالي وماني قادره اتنفس احسه حرام اللي يصير فيني ليش صار معي ومعك كذا والله النحس يلحقنا ماكنا كذا كانت الحياه غير ليش تغيرت علينا
الشموخ بخوف عليها:اسم الله عليك كل هذا يا قلبي بس قومي امشي معاي قومي نروح للمشفي ونطمن عليك وضعك مايطمن ابد مسكت ايدها وصارت تقومها
الريان التفتت وقربت حطة راسها في حضنها:مايحتاج هي فتره وبتحسن مايبغالها مشفي احس روحي تعبانه مو جسمي ابد
الشموخ. وتمسح علي راسها:ارجاك ريونه بلا عنادك قومي لا تشغلي بالي عليك لاتتع
قاطعتها الريان:ان شاء الله بقوم بس مو الحين سكتت شوي غمضت عيونها تمنع دموعها من النزول وبهدوء عكس اللي تحس فيه:بنام لاتصحيني ما أريد اصحي ابد
الشموخ بخوف:اسم الله عليك حبيبتي ايش هالكلام لاتخوفيني عليك وصارت تبكي بصمت علي الحال اللي هن فيها كل وحده متعذبه اكثر من الثانيه
عند نسرين
قلبي مثقل بالهموم ومدامعي تسقط دون سبب مني لااعلم يمكن ان تكون هناك اسباب لكن لاادري ماهي
توها بس تصحي من النوم جلست وصارت تفرك عيونها
بعدت عنها البطانيه قامت وصارت تمشي بالغرفه
صبحك الله بالخير لا اليوم احسن بوايد عن قبل وجهك منور ما شاء الله عسي عيني عليك مو حاره
ابتسمت له وبتحاول تنسي لجل تعيش مرتاحه:الحمد لله انا بخير كيف انت بخير
التفت لها مستغرب وناضرها بهمس:لا لا والله مانك بخير اول مره تسويها ثواني واناديلك الممرضه لجل تشوف اذا بك شي او سخنانه يمكن وأو الطيحه جت علي مخك وسببت لك خلل به وحنا ماندري
ناضرتها وبنفس الهمس:انا اسفه ... انا اسفه علي كل يوم مر علينا وماسألتك شلونك وتعبتك معي
قرب لها ومرر ايدينه علي وجهه:ماعليك يا قلبي العمر قدامنا وتقولينها لي لا تشغلين بالك
حطت عينها بعينه:تقولها صادق ...انا ...انا قلبك
بنفس الهمس:من عمر وانتي ساكنه به من كنتي صغيره تلعبين بالشارع لعبتي بحسبتي لعب
ضلت تشوف بعيونه وهي تحس قلبها بيوقف حاولت تاخذ نفس لجل تهدي بس فشلت وكأنه الاكسجين ماعاد له وجود بلعت ريقها بصعوبه ناضرها وقال:ماودك تحكين ...مارح تقولين شي
بعدها علي نفس الحاله رمشت اكثر من مره نزلت عيونها ورفعتهم له:انت انت ايش تقول
قاطع كلامها اللي سمعتيه:من كنتي تاخذين فلوس غصب من حمدان لجل تروحين للبقاله وانا احبك ارفقي بحال من ذاب قلبه عليك من عمر
ارتبكت اكثر حاولت تهدي حالها:انا انا ما اعرف ... عمري انت ...انت مو باين عليك
حط عينه بعينها:شكرا لك اعتبرها الحين مدح لي
نزلت عيونها بسرعه وحركت راسها بالنفي:لا مو هذا قصدي انا ما اقصد ككذا ...اممم ...يعنيي ..ماكنت اتوقع انك تحبني ...اناما حسيت انك تحبني ...انت جامد يعني كنت اضنك قاسي ما تحس مثل حمدان اخوي
قاطعه هو يضحك:خلاص يرحم والدينك افهمت ايش تقصدين وصل المعني بضبط خلاص اسكتي
انحرجت اكثر منه وناضراته بطرف عينها كان يحاول يكتم ضحكته مو قادر:لا تضحك كنت اضنك مثله قاسي مو انت خويه صح
رفع عيونه لها وارخي صوته وهمس:لجلك خويته والله لجلك خاويته الا من يخاويه هو
عند عبد العزيز
كان جاي يطمن عليها مشتاق لها حيل خايف عليها من اللي صار معاها سأل عن مكان غرفتها وراح لها تلفت حولينه يشوف اذا في احد من اهلها و اخذ نفس بيدخل لها بس سمع صوت احد معاها وقف ينتضر لين يروح ويدخل لها سمع الكلام بدون قصد منه انصدم معقوله خلاص نساته ماعادت تحبه مثل ما يحبها كان متوقع حبهم بيضل طول العمر مو ممكن تنساه بسهوله نزل عيونه وهو يحس قلبه تحطم من كلامها وجع غريب غزه قلبه كأنه احد يعصر ويقسمه نصين ماعرف وين يروح رجوله ماعاد شايلاته طلع للسياره صار يلفلف بالشوارع مو داري وين يروح فكره مشغول فيها مانه قادر يتحمل الفكره شلون ترضي بوجع قلبه وهي اكثر وحده تدري بحبه لها ما فكرت بالنار اللي بتشعلها شلون يقدر يطفيها الحين وما فكرت بعذابه محتاج لها محتاج تحس فيه بس خلاص ضاعت منه ماعدت له حتي قلبها مو له حرموه منها وهي انهت السالفه يحس نفسه خلاص ضاع مايدري وين يروح ايش يسوي يشكي لمن ارخصت حبه بسهوله تجمعت الدموع بعيونه انصدم من حاله ضرب قلبه بالقوه:اه ياقلبي شلون تعلقت بناس بايعينك شلون وبهمس ليش نسرين ليش تعذبين قلبي مو كافي اخوك تزوديني هم بعد ناقص انا من احارب ولجل من اذا انتي تخليتي عني نزل عيونه لساعته تأخر الوقت كثير امه بتكون خايف عليه الحين والتعب هد حيله قرر يرجع يرتاح ماعد فيه يتحمل اكثر قرب من بيتهم وشاف اكثر شخص مالازم يشوفه بهذا الوقت التفت يمه وهو مقطب حواجبه حمدان:خير ليش تناضر شوف طريقك يا لحبيب
عبد العزيز يناضره بعصبيه:ايش قلت ماسمعت عيد
حمدان يحاول يستفزه:ليش تخلي عنك سمع مثلها ولا شلون هههه عبد العزيز ماكان يحتاج الا كلمه منه لجل يوفيه حقه نزل بسرعه وصار يهزه بقوه: لو رجال عيد الا قلته والله مارح يصير بك خير
حمدان:رجال غصب عن خشمك مو مثل بعض رجاجيل تبكي علي حرمه انت تعرف من اقصد خلك من الهياط تكلم علي قدك
عبد العزيز ماعد يشوف قدامه من عصبيه وعطاه بكس ولحق الثاني بالبدايه تفاداه حمدان بس جسم عزوز ساعده ما قدرر يقاومه اكثر صارت الناس تجتمع حولهم لجل تفك بينهم
عبد العزيز:والله ياتبن ان شفتك مره ثانيه بطريقي ماتلوم غير نفسك فاهم
حمدان رغم الضرب اللي جاه ماسكت له:تصير رجال لو تسويها عبد العزيز يفك نفسه لجل يضربه من جديد بس ماقدر:تسمعون ياناس لو صابني شي دمي برقبته اشهدو معي دمي من اليوم صار عند هذا الرجال لاتنسون
الناس بأصوات مختلفه:استغفر الله ....نعم نشهد ....
لاحول ولا قوة الا بالله ....انتو جيران ليش كذا يصير معاكم.. احترمونا مو قدامنا تتضاربون ..... انتو مو صغار كبرتو الحين .....صلو علي النبي
عند شهد
واقفه قدام التسريحه تمشط شعرها رفعت عيونها تناضره من المرايه بدون ماتكلم
عماد تنهد:ايش قلتي
ربطت شعرها ثم التفتت له وهي تحرك راسها بالنفي:لا
عماد قطب حواجبه:ليش
نزلت راسها بحزن:لاني
قاطعها عماد:لانه ذابحك الكسل وشكله اللي ببطنك دب مو جنين
ضحكت جت يمه وجلست علي السرير بجنبه:اذكر الله حرام عليك ترني ابغاه عمري والطفل بعد لاتصيبه بعينك الحين
عماد بعتب:بس والله حرام انت تعرفين وانا لا ليش ماتقولين لي
شهد:كم مره قتلك غلط والله غلط ماكنت ابغي تقول بس هي قالت ايش اسوي
عماد ابتسم لها:اهون عليك ما تقولين لي
شهد ابتسمت اكثر وقربت منه حوطت اكتافه:اصبر ياقلبي وتعرف
قطب حواجبه:ماأبغي اصبر
شهد بخبث ابتسمت اكثر:براحتك والله ماأقولك الين تشوف بنفسك
عماد:اخر قرار لك والله بزعل وزعلي شين وانتي ماترضي ازعل عليك صح
حركت راسها بالنفي:لاتزعل مني يا الدب
عماد بصدمه:انا دب حرام عليك يقولون جسم معضل مو دب هذا متعوب عليه بس ايش يفهمك انتي واذا انا دب انت فيل
شهد ثمثل الصدمه:لاااا حرام عليك انا مو كذا هذا ولدك لعب فيني وبجسمي لعب
عماد يسلك لها:ايه صادقه مو انتي ابد اللي اشوفها تالي الليول تفتش ايش تأكل داخل الثلاجه مو انتي ابد
شهد رفعت عيونها بدهشه:مومني والله من ولدك
عماد:ايه ايه حطي براس ولدي مسكين كأنه انتبه وبخبث قرب لها شهود سمعتي حالك ايش قلتي
شهد مافهمت:ايش قلت
عماد: قلتي ولدك والله قلتيها مرتين يعني الحين انتي حامل بولد
شهد فكته وخرت عنه:لا مو ولد
عماد:اجل بنت
شهد:لا مو بنت
عماد:اجل ايش
شهد:انتضر وشوف
عماد:والله انك كذوب انا اعرفك متي تكذبين ومن تحكين الصدق
شهد:حرام عليك ياثبن والله زعلت خلاص ولاتحاول مارح ارضي ابد
عماد قرب منها وهو فاكها ضحكه بصوت عالي:هههههه واهوون عليك ياقلب عماد اها يابنت والله ماتدرين ايش تسوين فيني تركت الدنيا لجلك
راعو من تركت اهلها وذهبت معك رفقن بالقوارير لم تقل عن عبث هن كالزجاج ينكسر من ابسط كلام او فعل من انت ومن سمح لك ان تكسر من ربت علي العز مذلله ابيها
عند توبا
شادن:ها توبا ايش صار معاك بتمي عندي اليوم
توبا:والله مادري يابعد عمري مافكرت بعد
شادن:اوووف منك ايش اللي مافكرتي به وين عقلك توبا تراني بتخصص مو بسهل وسنه اولي مو لعب مثل الثانوي لازم نشد حيلنا
توبا:اوووف ليش لكل هذا ليش تحبين وجع الراس انتي
شادن:اوف منك ليش اعصابك بالثلاجه انتي ماتخافين ابد
توبا:خلاص خلاص اسكتي الحين ادق علي ابوي دوختي راسي صدق
توبا:هلا هلا بحبيبي
فيصل:هلا غلا
توبا هلا بشيخ الشباب وشيخ قلبي
فيصل:هلا ابوي
توبا:هلا بعمري
فيصل:الا وش طاري شيخ شباب وحبي وبعد عمري اكيد تبين شي
توبا:هههههه مشكلتك فاهمني يالغالي
فيصل:اكيد ربات ايديني
توبا:يطول بالعمرك ياغالي المهم ندخل بالموضوع بنتك حبيبتك عندها باشر امتحان وصع صعب حيل وكم من موضوع ابيله فهم وابي منك الاذن لجل ارجع مع صديقتي شادن لجل تندرس جميع
فيصل:امممم والحين تبي اتوسطلك لجل امايه تخليك
توبا:هههه قتلك مشكلتك فاهمني مره
فيصل:مالي خص عندك رقمها ودقي عليها
توبا:بابا
فيصل:من شوي شيخ الشباب ومادري ايش وحين بابا بس خلاص توبا روحي ادرسي معاها وانا اكلم امايه ماعليك منها
توبا:فديت الغالي وفديت قلبه ويلموني علي حبك
فيصل ناضرها باستغراب:من يلومك عليا
توبا:ماحد بس اسمع يقولونها حبيت اقولها
فيصل:هههه عن العياره اجل مو كل شي نسمعه نقوله
توبا:ههههه تم يا غالي
عند نور
انا اقع بحب العقول والشخصيات
اما الاشكال فالله لايخلق شي سئ
فهد ارجوك رد خلاص تعبت وانا انتضرك ترد ارجاك ترد اووف منك يافهد ومني انا اللي حنيتلك وضيعت ابني بسبب الطمع ليش ضيعت حالي يارب انا السبب ماحمدت النعم اللي بيها استغفر الله بس يا سند وينك يمه شلونك الحين اشتقتلك حيل يمه وابوك مايبغي يرد ويطمن قلبي عنك ايش اسوي يمه فديت قلبك من يطمن قلبي عنك وهمست:اشتقتلك ياسند والله اشتقتلك طلعت صورته وصارت تناضر فيها وهي تلمس ملامحه من خلال الصوره:انا بدونك بضيع اشتاقتلك حيل والله حييل
دشت المربيه علي صوت صياحها:قومي يمه قومي لابارك الله بالعدوه قومي تعوذي من ابليس يمه
نور:فديته والله اشتقت له حيل ماعاد اطيق فراقه خلاص ارحمو حالي ليش مايرحم حالي
المربيه:قومي يمه فديتك والله انا مثلك اشتقتله لكن مابيدي شي غير الدعاء قومي صلي وادعي ربك يرحم حالك ويروي شوقك بشوفته
نور:صدق فديتك باقوم الصلي الحين صلت ركعتين ودعت ربها:
ربي انت تري مكاني وتسمع كلامي واعلم من عبادك بحالي ربي شكوي لك لا لأحد من خلقك فأقبلني برحابك يارب ربي اني طرقت بابك فافتح لي ابواب سماواتك واجرني من عضيم بلائك فلاطاقة لي للتحمل ربي بحولك وقوتك وعزتك وعظمتك وقدرتك انت قادر علي ارجع ابني لي كما ارجعت سيدنا موسي لي امه ارجع سند لي وحدك لاشريك لك اللهم اسألك بخوفي من عظمتك وطمعي برحمتك ان تلطف بحالي وتدلني للسبيل الرشاد وترزقني ماهو خيرا لي في ديني ودنياي ومعاشي وعاقبة امري عاجله وأجله اللهم اسألك ان تصرف عني شتات العقل والامر والتفكير ربي اثرني ولاثأثر علي ربي انصرني ولاتنصر علي إلهي ارحم ضعفي وقلة حيلتي وفرج همي وجبر كسري وامن خوفي وامطرني ورزق من عندك لاحد لها وفرج من عندك لامد له وخيرا من عندك لا عدد له
اللهم ان كان رزقي في السماء فأنزله وان كان في الارض فأخرجه وان كان بعيد فقربه وان كان قريبا فيسره وان كان قليلا فأكثره وان كان كثيرا فبارك لي فيه يارب
مسحت وجهها من الدموع بكلتا يديها وتنهدت بعمق عق الراحه اللي حست بيها بعد الصلاة والدعاء وتقرب لله
عند ليلي
تفاصيلي الصغيره التافهه ان لم تسعدك فهي تسعدني توها صحت من النوم جلست صارت تفرك عيونها بعدت البطانيه عنها وصارت تمشي للبلكونه وقفت واخذت نفس صارت تتلفت حولينها وهي تلم شعرها عقب ماطال رفعتهم وربطتهم وحطت ايدينها علي دربزين اليوم احلي يوم بحياتها وحياة اي بنت من اليوم بتتغير وبتطلع من البيت اللي ربت وكبرت به وبتتركه من اليوم خلاص بتعيش حياة جديده مع شخص جديد اخذت نفس ثاني وبعدها لفت بتدخل
دخلت عليها امها معصبه:خلاص سويتي اللي براسك الحين شلون اطالع في الناس الحين لاجوزك مثل الناس ولا دراستك ترفع الراس مافلحتي بشي بعمرك ايش قصرت به معاك
غمضت عيونه تمنع دموعها تنزل
امها:من الحين اقولك لاتجيني بعدين ندمانه وتشكين هذا اختيارك وقرارك انتي من صدقك اللي تسوينه ليش ولجل مين ترمين عمرك بالنار انتي ناسيه انتي من بنته
مرت من جنب امها رايحه للتسريحه رفعت عيونها لها وماتكلمت تحاول تكتم نفسها لا تبكين الا البكي ياليلي بكيتي بما فيه الكفايه لا تبكين لاتبكين انتي قويه انتي قويه وهي تمسح دموعها اللي نزلت غصب عنها
جالسه في جناح الخاص بالعروس متألقه بشكل رهيب
طالعه جميله حيل كل شي فيها كان خيالي اخذت نفس وهي تبتسم كثير ايام كانت حزينه ماحولها اخوان بس الحين صارت عندها عيله تحبهم حيل ينسوها التعب الايام سبحان الله جاء العوض من الله لها فيهم ابتسمت بسعاده علي حياتها الحين وزوج يموت عليها
ناضرت الساعتها،تأخرت اريام قالت بتجي بعد شوي لكنها طولت حيل الكل طلع من جناحها ومافي احد
رن جرس الجناح ضغطت الزر اللي يفتح الباب
ليلي بصوت عالي:هلا يمه تعالي انا هنا لفت براسها وهي مبتسمه
اريام:كيفك ياأحلي من شافت عيني فديتك يمه سامحيني ماقدرت اقربلك بالقاعه خفت كثير تشك فيني امك ياقلبي بس والله انك طالعه قمر اسم الله عليك تهبلين عين الله تحرسك
ليلي بفرحه:صدق يمه طالعه حلوه يعني بجيب راس عزام خلاص
عزام دخل يسمع اصواتهم:ليش بعد ماجبتي راسه للحين
التفتت اريام مستحيه:عند اذنكم الحين اخليكم تاخذون راحتكم وناضرت عزام:مبروك عزام جوازت الدهر ان شاء الله الله يسعدك يارب دير بالك علي ليلي تراها حبابه كثير لاتزعلها
عزام يأشر علي عيونه وقلبه:تراها بالاثنين بنتكم

كم مره شعرت بهذا الشعور عندمت جلست بوسط مجموعه من البشر تثحدث معهم وفي داخلك تردد مقوله "انا لا انتمي الي هنا"

عند عناد
جالس بغرفته علي سرير ويفكر بحاله قاعد يفكر بمرام قام وجاب الموبيل واتصل عليها
مرام:اوف فين تعب مو طبيعي تعبانه حيل والله عنادي اليوم زواج رفيقتي ليلي وتعبت معاها حيل انت تدري ماعندها خوات كرفتني كرف انا والشموخ
عناد حط يده بشعره وقال بهمس:ليته فيني ولا فيك سلامتك من التعب ياقلب عنادك
مرام ابتسمت له:حبيبي ودي اطلب منك طلب
عناد:امريني غناتي
مرام بهمس:مو كنك مقصر معي من زمان ماقلتلي كلام حب وغزل
عناد يجاريها سوه روحه مصدوم:جد والله.. من زمان.. قولي والله.. لالالا هاذي سالفه ماينسكت عليها ابد.. طيب ليش ساكته انتي وماتحكيتي.. ليش ماقلتيلي قبل كذا لجل اصلح وضعي
مرام بنفس الدلع والهمس:قلنا نخليك علي راحتك يمكن تحس بس شكله ماكو فايده ابد..لجل كذا خلنا نتعامل بصراحه افضل
عناد مسوي عمره متأسف وندمان مو عارف ايش يسوي من الاحراج:ياربي شلون كذاا ارجاك تسامحيني العذر منك والسموحه ياغاليه علي القصور مادري شلون صار التقصير ومانتبهت له
مرام وهي ماسكه علي تلفون:اجل انتضرك تعالج القصور اللي حصل منك ولا ماعندك علاج له
عناد قالها برقه:لا نخلق العلاج مو مشكله غناتي
مرام:صحيح
عناد:اكيد انتي شاكه بها الشي من متي ماسمعت هالصوت الدافي واطربني
مرام:احبك قالتها بدون مقدمات كانها مو قادره تمسك نفسها اكثر
عناد بهمس:عيديها الله يخليك
مرام بتهديد:اعيدها بشرط اسمعها منك وتقولها لي
عناد بتحكم:انتي عيديها وعقب اطلبي مني شروطك مرام:تري نسيتني السالفه انتي اللي مقصر معي وتتهرب مو انا
عناد:اس اسس اس عيديها اقول
مرام:مافي امل معاك ابد
عناد:قوليها يلا انتضرك
مرام:ياعنادك ياعنادي ليش مو تقول بتبداء بالعلاج اشوف انقلبت الادوار بس مارح اكون بخيله مثلك ورح اقولها احبك عنادي
عناد:.......... وانا بعد اموت عليك واحبك
من تحب ياولد
مرام:هادي خالتي لاتقول سمعتك الحين وتدري انك تكلمني امانه ياعناد لاتقولها انك تحكيني انا قول اي شي بس لاتقول انا
عناد كتم ضحكته علي كلامها حب يحرجها اكثر:يمه ايش هالتوقيت اللي عندك قطعتينا
مرام شهقت بالقوه
ام عناد وعناد:ههههههه هههه
انحرجت اكثرت تمنت الارض تنشق وتبلعها وسكرت الخط بوجهه
امه هي تقرب منه:انت ماتستحي
عناد ضحك ومارد عليها
امه ابتسمت وحطت يدها علي خده:الحمدلله انك رجعت لنا يمه
عناد ابتسم وباس يدها:الحمد لله يمه
عيناها تقنع الملحدين بأن الله مبدع

#احقاقا للحق جميع الابيات الشعريه منقوله 😍
#عزيزي القارئ أتمني لك قراءه ممتعه ❤