بسم آلَلَهّ الرحمن الرحيم
صلو على من هو شفيعكم يوم القيامة
~~~~~~~~~~~~~~~~~~~~~~~~~~~~~
فى المـسـآء گآن آلظـلآمـ يعمـ على آلآجوآء إلآ مـن ضـوء آلقمـر آلذى يفترش قرصـهہ آلسـمـآء وآلنجومـ
مـن حولهہ تسـآعدهہ على آلإضـآءهہ
فى ذلك الوقت تحديدا كانت الساعه تدق
الثامنه والنصف مساء فى فلة سعد الدمنهورى
كانت تنزل من على الدَّرج وهى تتسحب وسط
الظلام إلا من نور القمر الخافت الذى يحثها
على إكمال طريقها اخذت تتسحب حتى وصلت
إلى باب الفله فتنهدة براحه ظنّا منها انها وصلت
إلى مبتغاها وضعت يدها على مقبض الباب لتفتحه ولكن وجدت انوار الفله هى من تفتح
تصنمت فى مكانها واخذت تقول بخفوت ومرح
: مكنش يومك يا كوكى يا صغيره على الموت
يا كوكى
سعد وهو يكتم ضحكته : انتى فكرانى يا كوكى
مش عارف انك بتتسحبى كل يوم وتخرجى
تتمشى فى الشوارع لا انا عارف بس انا إل بسيبك بمزاجى
كيان بمرح وحصره : عيله وغلطت يا حج
سعد : طب فاكره الكلب إل قعد يجرى وراكى
فى الشارع زى الهبله و تصوتى والناس اتلمت
علاكى
كيان بحصره : ايه يا حج انت هتذلنى وبعدين
انا مبخفش من الكلاب إحنا كنا بنلعب وهو غدر
بيا ابن الكلب
سعد بسخريه : بتلعبى مع الكلب فعلا الطيور
على اشكالها تقع
كيان : اخص عليك يا ابو السعود انا كلب ماشى
تشكر يا حج
سعد بغضب مصطنع : ما انا اقلك ايه يعنى لما
تبقى واحده شحطه زيك تلعب مع كلب
كيان بعصبيه مصطنعه : اييه شحطه دى يا سعد هو انا بلعب معاك
سعد بصدمه وهو يجرى ورائها : سعد .. يا بنت
الكلب دا انتى يومك مش فايت
كيان وهى تجرى بمرح : عيب يا سعد متقولش
على نفسك كلب مهما كان بردو انت فى مقام ابويا .. ثم فتحت الباب وخرجت وهى تقول
: سلام يا سوسو
سعد بعدما توقف من الرقد وهو يضحك :
ماشى يا كوكى حسابك معايا بعدين ثم قال بجديه متتأخريش وخلى بالك من نفسك
كيان :حاضر يا سوسو
بينما سعد بعدما خرجت كيان جلس على اقرب
كرسى عندما احس بنغزه فى جانبه الأيسر
سعد لنفسه بتنهيده : ااااااه ياااارب احفظلى
بنتى يا رب متوجعهاش اكتر مهى موجوعه
بس بتحاول تدارى عليا
اما عند كيان لا تعرف ان خروجها هذا فتح ابواب لا تغلق وان هذه الابواب سوف تقلب
حياتها رأسا على عقب
اخذت كيان تمشى فى الشوارع وهى تدندن احدى الاغانى وتضع يديها فى جيوب سترتها
الجلديه ولكن فجأه سمعت صوت مألوف لها
فنظرت خلفها
