✨ធ្លាក់ក្នុងអន្លង់ស្នេហ៍អូន✨ [ Slow Update ]

Ep1: ច្រឡំ

មីនយ៉ុនហ្គី កម្លោះសង្ហាអាយុម្ភៃប្រាំមួយឆ្នាំជាកូនប្រុសតែមួយគត់របស់លោក មីនលូគ្រី ជាម្ចាស់ក្រុមហ៊ុនដល់ធំជាងគេនៅប្រទេសកូរ៉េនិងជាអ្នក ក្ដោបក្ដាប់មុខជំនួញធំៗជាច្រើនទៀតផងនៅក្នុងប្រទេសកូរ៉េខាងត្បូងនេះ។ អ្នកណាដែលថាមិនស្គាល់កំលោះសង្ហាមួយរូបនេះទៅ លុយ អំណាចគឺគេសុទ្ធតែមានទាំងអស់មិនថាអ្វីក៏ដោយអោយតែគេចង់បានគឺត្រូវតែបានជាដាច់ខាត។

ផាកជីមីន អាយុម្ភៃបីឆ្នាំជាគ្រូពេទ្យម្នាក់នៅក្នុងមន្ទីពេទ្យឯកជនមួយកន្លែងនៅក្នុងក្នុងទីក្រុងសេអ៊ូលនេះ មិនតែប៉ុណ្ណោះគេក៏ជាកូនប្រុសតែមួយគត់របស់លោកផាកលីយ៉ុង ជាអ្នកដែលមានទ្រព្យសម្បត្តិលំដាប់ទីពីរបន្ទាប់ពីគ្រួសាររបស់យ៉ុនហ្គីរាងតូចគេមានចរឹកម៉ត់ចត់ ឆ្មើងឆ្មៃ និងចូលចិត្តភាពឯករាជ្យគេមិនចូលចិត្តអោយអ្នកណាមកគៀបសង្កត់ឬក៏បញ្ជាគេនោះទេ។

~សម្លេងអ៊ូអរ~

« មានរឿងអីនិង!!មិចក៏មានសម្លេងអ៊ូរអរខ្លាំងម្លេះ » និយាយរួចកាយតូចក៏ដើរសម្ដៅទៅកាន់កន្លែងដែលមានមនុស្សកំពុងតែឈរប្រកៀកគ្នាយ៉ាងចង្អៀតណែនណាប់ជាខ្លាំង  ជីមីនខំប្រឹងរុលខ្លួនដើម្បីបានចូលទៅដល់ខាងមុខបន្ទាប់ពីបានឃើញទិដ្ឋភាពនៅពេលនេះហើយគេពិតជាឆ្ងល់ខ្លាំងណាស់ថាហេតុអ្វីបានជានារីម្នាក់នេះតោងទៀមដៃបុរសម្នាក់ទៀតជាប់ស្អិតដូចជាតុកែអញ្ចឹង??

« នេះមានរឿងអីប្រាកដទៅ....បុរសម្នាក់នេះប្រាកដជាធ្វើរឿងអ្វីខុសជាមិនខានទេទើបបានជានារីម្នាក់នេះមិនព្រមប្រលែងគាត់ដូច្នេះ!!មិនបានទេយើងត្រូវតែជួយនារីម្នាក់នេះទើបបាន »  បន្ទាប់ពីឈរគិតអស់មួយសន្ទុះមីននីក៏ហក់ទៅធាក់បុរសម្នាក់នោះមួយជើងចំកណ្ដាលពោះហើយក៏ស្ទុះទៅសង្កត់ពីលើគេថែមទៀតផងព្រោះខ្លាចថាគេនិងអាចរើខ្លួនចេញរួច

« នែ!! ចង់ធ្វើស្អីនិង »

« ចង់ធ្វើស្អីអញ្ចឹងហ្អេស??សំណួរនេះខ្ញុំជាអ្នកសួរលោកវិញទើបត្រូវលោកធ្វើអីដាក់នារីម្នាក់នេះមិចបានជានាងត្រូវមកតោងដៃតោងជើងលោកដូច្នេះ?? » នាយតូចនៅតែតមាត់តកមិនដាច់គេនៅតែគិតថាបុរសម្នាក់នេះច្បាស់ជាធ្វើខុសរឿងអ្វីមួយជាមិនខានទេ ទោះជាយ៉ាងណាក៏គេមិនព្រមលែងនាយវិញដែល