part2
استيقظت ورد من نومها مساء لترى ايات تجلس تشاهد المسلسل التركي و تبكي بسبب المقطع الرومانسي بين الابطال لتنظر لها ورد في غيظ وتقول
" يا بت اهمدي بقى روحي نامي وراكِ شغل بكره" لتلتفت لها ايات وهي تدمع وتقول
" مش لو كان اخوكِ عايش و ما اتخطفتش وانتم صغيرين كان زمانِ اتجوزته و سافرنا تركيا وعشنا هناك بقيت عمرنا وخدناكِ معانا"
جلست ورد بجانب ايات لتضع يدها على راسها وتقول
"اصلا اخويا لو عايش ولقيته في يوم من الايام انا مش هخليه يتجوزك عارفه ليه عشان انت مجنونه"
لتلقي ايات على ورد الوساده لتقول بصوتها المرتفع
"طب غوري يا ورد من وشي وادخلي كملي نوم انت ايه الي صحاكي صاحية تعصبيني"
لتقوم ايات وتذهب الى المطبخ وتقرر انها تقوم بعمل بعض من الفشار والجلوس مع ايات قليلا بالرغم من ان ايات تحب الافلام والمسلسلات التركي اكثر من ورد ولكنها ستظل اختها وصديقتها الوحيده.
وبعد انتهاء الفشار والمسلسل جلسه ايات تنظر لورد نظرات حارقه لتقول ورد
"بتبصلي كده ليه يا بت"
أيات: باقول لك ايه ثاني ابن طنط سعاد بصراحه كده عايز يتجوزك وقال لامك امبارح
لتعتدل ورد من جلساتها وتقول
"انت بتقولي ايه انت بتهزري ده انا لا يمكن اوافق ده بلطجي يا ماما"
أيات: قلت لامك كده وامك اصلا ما وافقتش اكيد امك مش هترميكي يعني انا قلت اقولك علشان لو قابلك في الشارع ولا كده تكوني عارفه"
وفجاه تقوم ورد من امام ايات وتصليح
"ايات انت سقيتي الورد النهارده ولا لا يا ايات؟"
أيات نظرت لها ثم وضعت اظافرها في فمها بتوتر فا ورد مهوسة بالورد
لتجرى ورد علي البلكونة وتقوم برش الورد ماء لتتزمر الشاب الثرى وهي تعطيه نفس انواع الورد لتقف قليلا شاردة في ملامح وجهه لتشعر بشعور غريب ولكنها تخطت هذا الشعور لترى ايات تنظر ليها ثم تقول
" ورد انا مش مستريحالك من ساعه ما جيتس النهارده في حاجه كده ولا كده عايزه تحكيهالي قبل ما انام؟ "
جلست ورد ثم قالت:
" بصي بصراحه الموضوع عادي بس انا مش عارفه ليه كل شويه اجي افكر فيه النهارده جالي واحد بيشتري الورد اللي انا بحبه اللي هي زهره جراند فلورا وعادي قمت بشغلي وعملت البوكيه اللي هو طلبه ودتهوله لكن انا لما شفته حسيت ان انا اعرفه بقالي كتير كل ما اشوف الورده افتكر شكله واسرح فيه!"
لتصيح أيات: اوع البت بتحب ورد بتحب ورد بتحب ورد بتحب"
لتصرخ ورد: اخرسي يا فضحية احب ايه يا بنتي انا مشوفتوش غير مرة وبعدين مش حاسة بحاجة.
أيات صمتت ثم قالت: طب احكيلي شكله ايه؟ قمور؟ طب زي ابطال المسلسلات كده؟؟ قولي بسرعه يلا...
ورد: ايات باقولك ما جاش غير مره واحده ولو علي شكله فا هو ابيضاني و شعره اسود و عينه عسلي طول بعرض هو جذاب لكن انا اكيد مابحبوش، ويلا علشان الساعة داخله على واحده بالليل وسناء لو عرفت ان انا تاخرت دقيقه يعني ممكن توصل انها ما تدنيش المرتب اصلا يلا منها لله انا هاروح اتخمد بقى
ايات: ماشي وانا هنام تصبحي علي خير صحيني لما تصحي
