إلي الجنةِ نمضي "خطوات التزام"♡

الخمار وجمال الخمار 🥺🥺🦋

الخمار
--إيه فائدة الخمار ؟!💙
أقولك💙

ربنا_سبحانه وتعالى_(قال وليضربن بخمرهن على جيوبهن) يبقى الخمار هو الأقرب للحجاب الشرعى الصحيح

الخمار أمان عن الطرحة القصيرة يعنى لا يمكن تخافى أن حبة هوا يطيروا الطرحة ورقبتك تبان او أفاكى مثلا😂💙

الخمار بيدارى منطقة الصدر والظهر يعنى ماشية فى ستر و أمان إن جسمك مش متحدد، محدش شايف حجم أى حاجة فى جسمك أو يقيمك على أساس الشكل ومفيش أى لبس داخلى متحدد من ظهرك مش خايفة من بصات الناس ولا عملالهم حساب يعنى ثقة بالنفس💙💙

الخمار بيزود البنت نور وجمال ربانى أى حد بيشوفها بيرتاحلها من رضا ربنا عليها ودى حقيقة بالذات لو واحدة ملتزمة بيه قلبًا وقالبًا وبيظهر عليها أخلاق القرآن وأولهم الخمار كل الناس بتلاحظ عليها وبيحبوها من غير مناسبة💙

الخمار بيجبر البنت متحطش ميك أب خالص وبكدا نفذنا أمر ربنا ولا يبدين زينتهن والميك أب أكيد من الزينة

الخمار بيجبر البنت ان الدريس يكون واسع أو العباية ولو لابسة جيب هتكون واسعة برضو وبتمحى من حياتها فكرة البناطيل واللبس الضيق وبكدا نفذنا أمر ربنا برضو( يدنين عليهن من جلابيبهن) وأهو بنحاول نقرب من الآية قدر المستطاع⁦.

أى بنت لابسة الخمار الناس بتعملها حساب بيحترموها محدش يقدر يتطاول عليها بنظرة أو كلمة عشان هى محترمة فلا يمكن يتعدوا حدودهم معاها هو بمثابة الحصن

الخمار هيخليكِ تنتظمى فى الصلاة لو مش منتظمة وتتفوقى فى القرآن ويقربك من ربنا أكثر وأكثر وهيجنبك معاصى كتير غيرك بتعملها ومش بتلحق نفسها لكن اللى لابسة خمار لو أخطأت بتلحق نفسها علطول وتتوب وتستغفر لما تفتكر إنها لابسة خمار ولازم تحترمه وإنه خطوة كبيرة وعظيمة أقبلت عليها عشان ترضى ربنا فازاى بقى هتعصيه بسهولة كدا !💙

واللي اهم بقى من كل ده إن الخمار فرض🌻⁦❤️⁩ في سورة النور اللي باين من اسمها أنها بتخرجنا من الظلمات إلى النور أول آيه فيها (سورة أنزلناها وفرضناها وأنزلنا فيها آيات بينات) كل القرآن فرض ، بس زي مثلا أما يكون عندك مدرس عربي ويقولك كل الدروس جايه ف الامتحان بس ركزولي اووووي ع الدرس ده ، ولله المثل الأعلى 🌻⁦❤️⁩ ننزل تحت شويه ف الآيات هتلاقي ربنا بيقول (وليضربن بِخُمرهن على چيوبهن) الخمار جاية من كلمة الخمر ، والخمر بيأثر على العقل والعقل محله الرأس ، إذً الخمار يعني غطاء للرأس ، والجيوب هي فتحات الصدر إذً يكتمل معنى *الخمار*🌻⁦❤️⁩

ف انتي مش بس هتكسبي حب الناس والاحترام والقرب من ربنا لا انتي كمان بتطبقي فرض ربنا ! افتحسبينه هيناً عند الله ؟ لا والله وبالله وتالله هتاخدي على مجاهدتك دي اجر عظيم ، ف يلا ومتكسليش 🌻💛

*اللّهُم ارزقنا الحجاب الذى يرضيك عنّا 💙

الناس بقي الي بتقصر الخمار والي بتعمله شفاف والي بتلبسه وتلبس الكتفين بتوع الشنطه فوقيه علي فكره هو كده مبقاش خمار دي مش صفات الخمار انتي كده اخليتي بشروط الخمار

#Lekaa Ali