إلي الجنةِ نمضي "خطوات التزام"♡

البعد عن الحب الحرام

البعد عن الحب الحرام
اول خطوة (1)
ليه بقي حبيت تكون اول خطوة تكون البعد عن الحب الحرام؟؟
لان لو انتي قلبك مليان ومشغول بحب بشر مش هيبقي فيه مكان لحب الله الخالق🥺💔

بصي يابنت الناس الراجل الي بيدخل من الشباك ده مش من الباب ده مش راجل اصلا وميستاهلكيش ده بيتسلي بس
هتقولي لا انا حبيبي مش من النوع ده انا بثق فيه 🙄😏

بصي ياقمري كل الي قبلك كانوا بيقولوا كده
وفي الآخرة بيسبها وانتي الي هتتعبي وقلبك هيتكسر يبقي سبيه انتي بمزاجك احسن لارضاء ربك

انا مش قادرة اسيبه يالقاء مش متخيله حياتي من بعده هتبقي ايه
_لا سبيه هتقدري انتي بس اخلصي النيه لربنا وادعي ربنا كتير أن ربنا يعلق قلبك بيه بس
قولي له يارب انا بحبك املاء قلبي بحبك وحب كل عمل يقرب اليك يا الله واستغفري ربنا كتير بنية أنه ينزع من قلبك الحب الحرام

=بردو يا لقاء انا مش قادرة ابعد عنه
ياقمري من ترك شيئا لله عوضه الله خيرا منه ❤️
ربنا الي زرع حبه في قلبك قادر يشيله
وربنا الي زرع حبك في قلبه قادر يحوله الي كره وهو الي يبعد عنك 🥺💔
لازم تجاهدي نفسك وتبعدي
وكمان حاجه هو لو كان بيحبك من الاول مكنش هيكلمك لانه كان هيخاف عليكي من نار جهنم
*روحي قوليله احنا لازم نسيب بعض علشان حرام وانا مش عايزة أغضب ربنا  وابقي تعالي اتقدملي بعد ما تخلص

تعرفي بقي هو لو بيحبك بجد هيوافق
انتي اتركيه لله 🥺
وادعي ربنا أنه لو خير ليكي يجي لحد بيتك ويطلبك
ولو مكنش خير ربنا يصلحه ويجعله خير ليكي

وانتي كده هتعفي نفسك وتحافظي على قلبك يا قمري
ومش عيب انك تدعي أنه ربنا يجعله من نصيبك ولا حرام
لكن الحرام انك تكلميه وتخوني ثقة اهلك وتغضبي ربك💔

ولو انتي كملتي في الحرام ده ربنا هيبتليكم بعدين ببعدكم     عن بعض أو هتطلقوا بعد الجواز أو بعدم الانجاب او اي شيئ
لازم تحافظي علي قلبك ياقمري وتجاهدي نفسك

وتعالي فكري كده معايا شويه
افرضنا هو بعدين مثلا كان عايز يتقدملك مع أن ربنا مش بيبارك في الحرام
المهم هو جه اتقدملك بس اهلك رفضوا انتي هيحصلك ايه ها ؟؟! فكري فيها كده
او اهلوا هو رفضوا وموافقوش بيكي
انتي الي هتتاذي انتي الي هتتوجعي في الاخر

****ثانيه بس قبل ما اختم البارت ده حد هينط دلوقت ويقولي اثبتيلي أنه حرام
=من عنيا
ربنا قال في كتابه الكريم
⁦[ولا متخذات اخدان ]  ،[ ولا متخذي اخدان]
وهنا الخدن بمعني الصحاب أو الرفيق أو الارتباط 🙄
يعني ولا يكون هناك علاقه بين البنت ووالد أو او الولد والبنت ❌

طب انا لو سبته ربنا هيقبلني
_ايوا هيقبلك *إن الله يغفر الذنوب جميعا*
طب انا لو سبته وحفظت قلبي  ربنا هيرزقني بزوج صالح
_اكيد ربنا غفور رحيم
واسمعي الآيه دي
🦋قل يا عبادي الذين اسرفوا علي انفسهم لا تقنطوا من رحمة الله إن الله يغفر الذنوب جميعا 🦋
متيأسيش ربنا هيغفرلك بس انتي ارجعي له
ابدأي مع ربنا صفحة جديده وانسي الي فاات

"عارفه اني طولت بس هو الموضع ده منتشر جدا فحبيت اتكلم عنه اكتر "

#حافظي علي قلبك لحلالك
#من ترك شيئا لله عوضه الله خيرا منه 💜🦋
#Lekaa Ali🦋🦋✨