تشرق الشمس على بطلتنا الجميله لتداعب اشعه الشمس وجهها لتنزعج من اشعه الشمس تستيقظ على صوت والدتها وهي تصرخ في أذنها كي تستيقظ الام( مها ) : .قومي يازفته كل دا اتأخرتي على الجامعه قومي يا مصيبه حياتي لازم الجيران كل يصحو على صوتنا يرضي مين دا بس ياربي لتشاركها باتول وصله المرشح كما تقول باتول : عوض عليا عوض الصابرين يارب مانا لو كنت مخلفه ارنب كان طمر فيه بس هقول يارب يجي اليوم اللي يجي فيه اللي أمه داعيه عليه وياخدك دانا هدعيله على مابتلاه بس يجي باتول : خلاص يا امي الله يباركلك دا انا حفظت المرشح والله مها : طب يلا ياختي رحيق والبنات عمالين يتصلوا بيكي والبعيدة بتشيل ودانها قبل ما تنام باتول : ايه رحيق والبنات اتصلوا دا انا هاتعلق زي الكتكوت المبلول ربنا يستر انا هقوم أجري انا عشان متهزقش زي كل يوم مها : ربنا يوفقك يا حبيبتي ويرزقك بابن الحلال اللي يسعدك يارب باتول : ايه دا ايه دا انتي بتدعيلي يا موها اومال من شويه كان ناقص ترميني من الشباك مها : ياعبيطه دانتي اللي في القلب دا الكلام دا من ورا قلبي دا انتي اللي طلعت بيها من الدنيا ألمهم يلا يازفته اخلصي بدل ماصحابك يجو ياخدوكي من قفاكي زي المرة اللي فاتت كده دا خالوكي تدخلي تغيري بالعافيه دا كانو هايخدوكي الجامعه بالبيچامه لولا أني حوشتهم عنك بالعافيه باتول : احم احم لازم تفكريني يعني ياست الكل مانا بقوم أجري عشان كده مها : طب يلا ياختي عشان الحق احضر الفطار خودي يابت هنا صحيح باتول : عايزه ايه يا مها مها : مها ياجزمه خودي هنا باتول : نعم ياماما مها : انتي ازاي في هندسه يابت انتي باتول: مالي يعني ياماما مها : انا ولا شيفاكي بتذاكري ولا بتفتحي كتاب زي بقيت الخلق باتول : ايه دا مين قالك كده طبعا بذاكر بس وانتو نايمين انتي والحج مها : ليه ياختي خايفه من الحسد ولا حاجه ياروح امك باتول : احم ايه اللي بتقوليه دا بس يا مها لأ انا بحب اذاكر ومافيش حد صاحي عشان اذاكر في هدوء وبراحتي مها : ماشي يا باتول هحاول اصدقك ولو اني اشك أصلا انك بتذاكري باتول : عيب عليكي يا مها أن شاء الله هشرفك وهفتح انا والبنات مكتب هندسي وهيبقا اشهر مكتب هندسي في مصر كلها مها : ربنا يقويكي وينجحك يارب يابنتي واشوفك احلي مهندسه في الدنيا باتول :يارب يا امي دعواتك الحق أجري قبل ما كرامتي تتبعتر منهم وانتي مترضهاليش اني امشي بكرامه متبعترة 😂😂 مها : لأ طبعا ودي تيجي ارضهالك طبعا ياعيون ماما أمشي يابنت الجزمه فرقعتيلي دماغي منك لله وادي آخرة اللي يقول البنات هاديه منهم لله اللي قالوا كده باتول :طلقني لو مش عجبك طلقني 😂😂 مها : أمشي يابت من هنا انا مش عارفه اصحابك دول مستحملينك ازاي ( والله ياطنط مها انا شخصياً معرفش😂😂 )
عند أصحاب باتول في الجامعه:
رحيق : اه ياباتول الكلب لما اشوفك بس هندمك انك تنامي متأخر تاني وبتتحججلي بالمذاكرة قال ايه بذاكر واجتهد الكدابه الفاشله . باتول .الله الله ياست رحيق ليه الغلط طيب 😂😂دا انا حتي واقفه من بدري عماله سيبيها تقول براحتها واقول عشان انا مجنناها واعيش واجننك ياروحي أن كنت انا مجننكيش مين هيجننك بس 😂 رحيق :مهو دا اللي مصبرني اني بحبك ياروحي باتول :ايه دا انتي شاربه ايه انا خايفه منك 😂 رحيق : لأ ياروحي متخافيش عشان التقيل لسه جاي ورا عشان رزان مستحلفالك فا انا مش هتكلم رزان طلبت مني انا وليل أن محدش هيصبح عليكي غيرها وانتي عارفه رزان مش محتاجه اقولك يعني 😂 باتول وابتدت تبتلع ريقها فهي تعرف رزان حق المعرفه عندما تغضب منها في نقطه التأخير باتول : 😳 دا بجد اللي انا فهمته رحيق :اه باتول :يعني انا اتخيلت اللي هيتعمل فيا صح رحيق : أهاا باتول : 😭 اوبح يعني أنا هيتعمل مني سيخ شاورما رحيق :اممم بظبط باتول : احم احم طب الحق انا استأذن انا قبل ما امي تقرأ القرآن كله علي روحي مش الفاتحه رزان : علي فين بس يا توتا دا الجوله لسه مبتديتش 😈 كل هذا ولم تلتف لها باتول باتول : اشهد ان لا اله الا الله وأن محمدا رسول الله 😑😑 وبعد ذلك عندما وجدت أنه لا مفر لها من أيدي رزان التفت لها وعلى وجهها ابتسامه بلهاء باتول : رووز زهرة الخريف المتفتحه ايدا انتي قصيتي شعرك رزان : لااا بقولك شغل كارتون زي كل مرة مش هياكل معايا دانا مستحلفالك وحيات امي وامك لاتوبك ياباتول على اللي بتعمليه فينا بسبب تأخيرك دا باتول : حرمت ياباشا والله من قبل تعملي حاجه وتتعبي نفسك رزان : لأ مش هسيبك باتول : حرمت ياباشا والله خلاااص عشان برستيجي وقع خالص كده رزان :yok باتول : اااه هتبدأ بقي تتكلملنا تركي واحنا بنجمع الانجلش بالعافيه أصلا باتول : باليز رزان : لأ باتول : باليز رزان : لأ باتول : باليز رزان : لأ بقولك ايه اخلصي مش هنغني هنا من الاخر كده انا هتخانق يعني هتخانق. باتول : والمطلوب سيادتك. رزان وتمد لها يدها : بوس ياكلب 😂 باتول : نعاااام ياختي ايه دا ايه القمر دا يخربيتك هو في كده رزان والباقي بإستغراب من حالتها ولم يروا شئ بعد مالك ياضنايا في ايه باتول ومازالت تركز مع ذلك الشاب الوسيم بصو كده وانتو تعرفو نظروا إليه وانبهروا مثل باتول ولكن لم يكن باتول فكان انبهار باتول انبهار عاشقه تري فارس أحلامها قادم بالحصان الابيض كما كلنا كنا نتخيل مثل مايحدث في افلام ديزني كاسندريلا وسنو وايت باتول وقد فاقت من حاله الانبهار عندما ذهب الشاب الوسيم باتول . باتول : ايداا هو في ياعالم الواد فلقه قمر انا خلاص هنحجز القاعه في ال 4 season ونتكل على الله قبل ما الواد يطير مني
رحيق : يا حول الله يارب البت اتهبلت خلاص اكتر ماهي هبله انا مش عارفه ايه البت اللي كل ما تشوف واحد حلو يحصلها كده باتول :بس بس ايه ياما يعني ماشوفتيش الواد يعني دا يقول للقمر قوم وانا اقعد مكانك أما عند الشباب :
عمرو : ايه دا انت شوفت اللي انا شوفته 😳 صديقه مازن : مالك ياعمرو في ايه انا مختش بالي عمرو :واحنا داخلين الجامعه شوفت بنت ولا في الخيال مش عارف دي ازاي موجودة معانا في الجامعه وانا مشوفتهاش انا حبيت البنت دي وهتجوزها مازن : ايه يابا مالك مين دي اللي حبيتها وهتتجوزها عمرو :البنت اللي شوفتها واحنا داخلين الجامعه مازن :الله يهديك ياعمرو ياحبيبي يلا يابابا عشان المحاضرة والدكتور ميطرودناش طردة الكلاب عمرو ومازال سارح في باتول وعيونها التي تسحر قلوب من يراها :ها اه طيب يلا يا مازن قبل ما يغمي عليا داخل المحاضرة عندما دخلت باتول وصديقاتها تفاجأت باتول وهكذا عمرو عندما علموا أنهما في نفس السيكشن باتول :ياما ياما دا بجد 😯 رحيق :مالك يابنتي في ايه باتول :الحقي يارحيق المز اللي انا شوفتو برا معانا في نفس السيكشن رحيق : ايه دا بجد فين باتول : اهو رحيق عندما نظرت إليه التفت لباتول وقالت ايه دا تصدقي عندك حق لما اتهبلتي لأ بس تصدقي الواد قمر 😉 باتول وقد غضبت ولم سبب غضبها :رحييق من فضلك متعاكسيش زوجي المستقبلي please يعني ياماما رحيق وقد فهمت سبب غضب باتول : ابت 😉 باتول وقد خجلت وفهمت مقصد رحيق من هذه الغمزه :😌 نعم رحيق :لحقتي ياختي باتول وقد خجلت بشدة وتصنعت الغباء لكي تهرب منها ولكن كيف ورحيق مخابرات متنقله لم تتركك الا عندما تعرف السبب : لحقت ايه مش فاهمه رحيق :اقصد لحقتي تحبيه ياختي معأني عارفه فهمتي بس ماشي باتول :🤭 اممم رحيق وقد نست تماما أنهم بالمحاضرة ولكن لم يكن قد دخل دكتور المادة بعد وقد فعلت ما يسمي بالزغروطة كنوع من أنواع مزاحهم سويا وهنا وقد دخل دكتور المادة وقال بكل هدوء ماقبل العاصفة :رحيق وباتول اتفضلوا برا رحيق وباتول محاولون التبرير : يادكتور احنا الدكتور مقاطعا إياهم : ولا كلمة اتفضلوا برا رحيق وباتول معتذرين هذه المرة فهذه المحاضرة مهمه بالنسبه إليهم جدا علي الرغم من مذاحهم هذا ألا أنهم من أوائل الجامعه في كل عام هم ورزان وليل دائما هم الاربعه الأوائل : احنا اسفين يادكتور الدكتور مقاطعا إياهم هذه المرة ولكن بغضب عكس هدؤه الذي كان قبل قليل : بررررررررره قولت 😡 باتول وقد وصل غضبها الي ذروته : خلاص يابابا خلاص ياحبيبي خارجين كنا خارجين من الجنه واحنا منعرفش دا انا لو وقفوني اشرح مكانك اشرح احسن منك ويفهموا مني أسرع منك في ايييه. رحيق وقد علمت أنهم سينفصلون بسبب غضب باتول هذا وضعت يدها علي فمها لأنها إذا تركتها سوف تقتل الدكتور وضعت يدها على فمها وسحبتها وخرجوا رحيق محاوله تهدءتها :باتول معلش اهدي عشان اللي انتي عملتيه دا هيفصلنا اسبوع كامل ممنوع ندخل الجامعه ومش بعيد الدكتور دا يصطأصدك ويشيلك المادة باتول وقد غضبت أكثر : نااااااااااعم غلط اييييييه يعني هو عايزنا نتزل له وفي الاخر برضه يطردنا داخل المحاضرة الدكتور نكمل ياشباب وكان عمرو سارح في سلبت عقله فهي مزيج غريب من بين هدؤها ومزاحها وغضبها المفرط أيضا وسأله الدكتور في سؤال ولكنه لم ينتبه الدكتور : عمرو جاوب ولكن عمرو كان سارح في جنيته التي سلبت عقله :ها حضرتك بتقول حاجه يادكتور الدكتور : اتفضل برا ياعمرو لما تبقي مركز ومش سرحان ابقي احضرلي عمرو : دكتور انا الدكتور : بررره خرج عمرو ودلف الي كافيتريا الجامعه ووجد باتول وصديقاتها جالسين عمرو وهو واقف امام. باتول عمرو : انسه باتول باتول وكانت لم تهدأ بعد وقفت أمامه وقالت بكل غضب وشيطانيه فهي مازالت غاضبه : عااايز ايه 😈😡 عمرو وقد خاف منها لقد تخيل أنها هادئه مثل باقي البنات ( تخيلك مش في محله ياعمورة 😂😂) : انا بس وهنا ولم يكمل عمرو كلماته بسبب البوكس الذي أعطته إياه باتول وقع عمرو من قوة البوكس فا باتول تلعب كيك بوكسينج وهي كانت مازالت غاضبه ووجدت من تخرج فيه كل غضبها هذا مع العلم أن قوة بنيان عمرو لا بأس بها ولكن باتول تدرب كيك بوكسينج بجانب دراستها باتول وقد سألت عمرو وهو مازال ملقي أرضا: كنت عايز ايه ولم تدري بعد من شدة. غضبها أنه الشاب الوسيم الذي رأته عندما دخل إلي الجامعه عمرو وهو يتوجع من شدة اللكمة كنت بس عايز اديكي
ستوووووب ياتري عمرو كان هيدي ايه لباتول ?🤔
وبكدة يكون انتهي البارت الاول من ( عشق تخطي حاجز الموت )
بقلمي : safaa farg
