فصلية ارملة

البارت الثامن والعشرين

كال عيشي حياتج وياة لي ترديهم بس حيجي يوم اخذ منج شي تحبي قرب مني بخطوات بطيئ فزيت عركانة منتظر جان ماكو يمي جانت اكو ريم وهديل يمي هديل كالت اشبيج كلبي كتلهة اريد مي جابتلي مي ريم نايمة كتلهة وين منتظر كالت راح يجيبلج ملابس من البيت ومحمد راح يجيب عشة كتلهة وحيدر كالت خطية مرتة محركة جربايتهة وهي ثكيلة الجرباية صار عدهة نزيف وانوب حامل ومتدري. وسقطت استوة جان يمج هسة راح يم شهد وامي الحمدلله رجعن لبيت كتلهة بس مشفتهة كالت ها اي عادي تشوفيهة بعدين انجطلي هسة مقتنعت امي ترجع لبيت وتعوفني بهل حالة كتلهة احجي شكو وين ماما كالت حكلج بس هدي وطولي بالج اذكرت كلام مصطفى من كلي اخذ شي تحبي كتلهة احجييي عاد كالت اغمى عليهة وهسة علكولهة مغذي لتخافين ماكو شي احمد يمهة اني وياهة دنحجي دخلت مرت احمد البنانية واشلون حجي تحجي يبو اشكد نحبهة لازمة بطنهة وتمشي وتكول لحد يحكي معي لان انا حامل وتعبانة كتير نضحك عليهة اني وهديل كتلهة جوج كالت اي حبيبتي شو بدك كتلهة رجعلي لبيت ارتاحي مو تكولين تعبانة كالت لا البيبي بس البيبي متعبني اشوي مو كتير كتلهة اي بس انتي حامل رجعي لبيت احسن علمود صحة البيبي كالت اوك حبيبتي معافية سلمت على هديل وطلعت اجة منتظر حسيت اجتي روحي جايب جنطة شكبرهة مال ملابس وكولشي جايب هديل تضحك كالت كتلك جيبلهة شي واحد تلبسة مو الكنتور كلة كال لا مو حتى هي تختار لي يعجبهة تلبسة