💙اخواتي البنات💙
🦋الفصل الخامس🦋
ملك بدموع /مات
شهق الجميع بصدمه وحزن وكيان ظلت تبكي بقوه وغادرت الشقه
زين بحزن /ازاي
ملك/ قلبه وقف في العمليه
دنيا بدموع /ربنا يرحمه يارب
ملك /منظر امه وابوه قطع قلبي حقيقي
شاديه/ ربنا يصبرهم احنا هنروح العزا
ادهم/ اكيد يعني عم عادل كويس
وجدوا كيان تدخل وفي يديها طبق فيه طين كثير قامت بوضعه في الارض ونظر الجميع لها باستغراب وضعت الطين في الارض وظلت ترسم عليه اقتربت. منها ملك باستغراب/ كيان انتي بتعلمي اي
كيان وهيا تنظر لملك بدموع/ مش انتي قولتيلي ان الانسان اتخلق من طين
ملك/ ايوه
كيان ببكاء ونظره رجاء /طب تعالي ساعديني ونعمل اسر مره تاني
نظر الجميع بحزن علي هذه الطفله وعلي حديثها الذي قطع قلوبهم
نظرت لها دنيا ونزلت لمستواها واخذتها في احضانها
مر شهرين والاحوال تغيرت قليلا فاكيان ابتدت تخرج من حاله الحزن التي بها ملك تعينت في مستشفي خاصه زين يشعر بالقلق بسبب اتحاد صقر وسالم معا وهذا يعني الدمار له
كان الجميع يجتمع عند شاديه والساعه حوالي الحاديه عشر مساء نزلت ملك وهيا ترتدي ملابس وتستعد للخروج
زين باستغراب/ انتي رايحه فين
ملك باستعجال/ عندي حاله طوارئ في المستشفي ومفيش اي دكاتره هناك
زين/ ملك الساعه حداشر
ملك /مش مهم يا زين بس لازم اروح
زين/ استني هلبس واجي معاكي
رعد بهدوء /هروح اوصلها خليك انت
زين/ بس
رعد بمقاطعه/كده كده رايح المديريه عندي حاجات هعملها ثم نظر الي ملك/ يالا
نزلو الي الاسفل وركبت ملك بجانبه بعد وقت وصلوا الي المستشفي ونزل رعد معها صعدت ملك الي مكتبها وقامت بتبديل ملابسه سريعا وخرجت وجدت رعد امامها نظرت له باستغراب شديد اما هو فاتحدث بهدوء/ هتخلصي امتي
ملك بتفكير/ ممكن بعد ساعتين
رعد وهو يغادر /متتحركيش غير لما اجيلك سلام
تركها قبل ان تتخدث نظرت لاثره باستغراب ثم دخلت غرفه العمليات
في المنزل كان الجميع يستعد للمغادره من منزل شاديه اما هيا فتحدثت وهيا تنظر للتلفاز /الفطار بكره عندي الساعه ١٠ الكل يكون هنا
زين باستغراب/ اشمعنا عشره يعني
تحدث بالامبالاه /عشان كلكم بتمشوا الساعه اتناشر عشان نلحق نقعد مع بعض شويه
اوماء لها الجميع بالموافقه ثم غادروا الي شققهم ..
في مكان شبه مهجور يجلس رجل يبدو عليه الحده والمكر وهو ينظر للذي يجلس امامه ويحتسي الكحول تحدث وهو ينظر الي الصور التي امامه بخبث وكره شديد
/عاوز العيله دي تدمر واولهم زين
تحدث الاخر وهو يرجع راسه للخلف ويتحدث بمكر /زين هيدمر بخواته البنات
سالم وهو ينظر الي صورهم الموضوعه امامه/ ابدا
صقر وهو يقف ويتجه للباب/ اللعبه هتبدا
سالم بتحذير/ مش عاوز غلط
صقر /مش في قاموس صقر
سالم /وده سبب اختياري ليك
غادر صقر وبقي سالم يفكر كيف سيدمر تلك العائله ..
في المستشفي انتهت ملك من العمليه دخلت مكتبها وجدت رعد في انتظارها ابتسمت علي هيئته الخاطفه للقلوب تلك ثم وقفت امامه: قاعد من بدري
رعد بهدوء/ لا لسه جي المهم عملتي اي
ملك بتنهيده/ الحمدلله بقي كويس
رعد وهو يقف /الحمدلله يالا ولا اي
ملك وهيا تمسك حقيبتها/ يالا
نزلت معه وركبوا السياره ظل الصمت سائد في المكان نظرت له ملك وهيا تحاول ان تفتح اي حديث/ تعرف ليه النت بطيء
نظر لها باستغراب شديد/ ليه
ملك وهيا تكبت ضحكاتها/ عشان بيمشي داتا داتا ما ان انهت جملتها حتي ظلت تضحك بقوه نظر لها باستغراب وهو يحاول ان يفهم ماقالت ثم ابتسم قليلا
ملك بضحك/ اقولك واحده تاني
رعد بابتسامه/ قولي
ملك /ليه القطه مش صبوره
رعد/ليه
ملك /عشان كل حاجه ناو ناو هههههههه
نظر لها بغيظ و ابتسامه في نفس الوقت
ملك/ حلوه صح
رعد بسماجه/ جدا الصراحه ويالا بقي انزلي وصلنا
نزلت ملك من السياره وتحدثت وهيا تغلق الباب /شكرا علي التوصيله يا اسطا
صعدت الشقه ووجدت زين في انتظارها
ملك/ مساء الخير
زين بابتسامه/ مساء النور
ملك/ منمتش ليه
زين /انام ازاي وانتي مش في البيت
اتجهت ملك وعانقته بحب شديد
بدالها العناق هو ايضا وتحدث بصوت هادئ /بابا كلمني
تبدلت معالم وجهه الي الحزن والضيق /وبعدين
زين /عرف اننا عايشين هنا
ملك بقلق/ عمل حاجه
زين بضيق وهو يهز راسه/ قعد يزعق شويه وقال انه نازل مصر
ملك/ امتي هينزل
زين /مش عارف بس بليز يا ملك لما يجي حاولي متحتكيش بيه
ملك بضيق وحزن/ يازين انا علي طول بكون في اوضتي هو الي بيجر شكلي في الرايحه والجايه
زين/ اكيد هيجي وقت وهيتحسن يا حبيبتي
ملك/ يارب عن اذنك بقي اي ادخل انام عشان جعانه نوم
زين بابتسامه/ تصبحي علي خير
دخلت ملك غرفتها وجدت سلمي مستيقظا ويبدو عليها السعاده ملك باستغراب/ اي ده انتي كمان مش جيلك نوم عشان انا مش في البيت
سلمي بهيام /لا طبعا بس انا مبسوطه
ملك بسخريه /واي الي باسط الانسه سلمي
سلمي وهيا تقف وتقترب من ملك /شوفتي كريم كان طول ماحنا قاعدين يبصلي ويبتسم
ملك باستغراب/ وفيها اي
سلمي/معني كده ان هو كمان بيحبني
نظرت لها ملك بضيق وجلست وشدتها بجانبها/ بصي يا سلمي مش معني انه ضحك ولا بص ولا اتكلم يكون بيحبك هو ممكن يكون بيعاملك كاخته عادي بلاش توهمي نفسك بحاجات مش هتحصل
سلمي بثقه /نظراته ليا كانت بتقول انه بيحبني
ملك/ اتمني يكون كده ....
في الصباح استيقظ الجميع ونزلوا للفطور عند شاديه دخلت الفتيات لتساعدها وظل زين يرخم علي ملك بسبب عدم مساعدتها لهم جلس الجميع بعدما انتهوا من الفطور فجاه وقف كريم وهو يتحدث بتوتر/ انا قررت اتجوز
نظر له الجميع باستغراب ام سلمي فاتوسعت عينيها بسعاده ونظرت لملك بابتسامه كبيره
منال/ ومين بقي سعيده الحظ
نظر كريم الي زين برجاء/ زين انا بطلب منك ايد .....يتبع......)
#loka
ياتري اي الي هيحصل ؟
أنت تقرأ
اخواتي البنات
Actionسوف نعيش قصه رائعه بشخصيات مختلفه و طريقه وشكل رحله مليئه بالجنون والضحك
