اخواتي البنات

Part 12

💙اخواتي البنات💙
🦋الفصل الثاني عشر🦋

نظر الجميع امامهم بصدمه من هذه الجمله ...
بعد وقت كانت سياره رعد تقف امام المنزل وينزل منها رعد وزين الذين يحملون جثه سليم وادهم يقفل السياره ويصعدون الي شقه شاديه
كان الجميع يجلس في شقه شاديه ويضعوا الطعام علي السفره كانت ملك تمسك هاتفها وزينه و وداد و سلمي كانوا يضعوا الفطار و نادين تقف مع شاديه ومنال في المطبخ دنيا تجلس مع قاسم الذي يلعب مع كيان و صابر يجلس ويتحدث مع عوض سمعوا صوت جرس الباب وشاديه صاحت من الداخل /متقومي ياللي تتشكي تفتحي الباب بدل قعدتك علي الزفت
وقفت ملك وهيا تمسك هاتفها وتتافف وتفتح الباب ثم نظرت الي ادهم الذي يقف وملابسه مليئه بالدماء ووجه مرهك للغايه اقتربت منه ملك وهيا تضع يديها علي كتفه بقلق /ادهم انت كويس
ولكنها بلعت باقي جملته عندما وجدت رعد وهو يحمل سليم وزين يقف ويبدو عليه التعب نظرت لهم بصدمه وهيا لا تستوعب ما يحدث امسكها ادهم برفق وابعدها عن الباب ثم دخل وخلفه الباقي شاديه من الداخل وهيا تذهب الي الباب /اي ياختي بقالك ساعه ثم نظرت امامها بصدمه وهيا تجد رعد يحمل سليم ويدخل صرخت بقوه واتي الجميع علي صوتها بفزع وصرخوا بقوه عندما وجدوا هذا المنظر اتجهت منال سريعا وصرخت بقوه /ابني ابني ماله ثم نظرت الي زين /ابني جراله اي
زين بوجع ودموع /سليم مات يا امي
عندما سمعت جملته الاخيره شعرت بالصدمه اما صابر فنزل بصدمه الي ابنه الموضوع علي الاريكه وهو يلمس وجهه ببطيء ثم صرخ بقوه /اهههههه ابني اه يابني اه علي وجع قلبي عليك ليه ليه تموت يابني وانت في عز شبابك اهههه علي وجع قلبي عليك
كان الجميع علي هذا المنظر معادا ملك التي مازلت تقف عند الباب فاهيا تشعر بوجع شديد تذكرت زين من عده سنوات لما انصاب واوصله اصدقاءه
اما وداد كانت تصرخ بقوه في حضن دنيا وزينه ونادين تبكي علي هذا المنظر بقوه وقاسم ياخذ كيان في احضانه ويدمع بحزن وعوض يبكي بقهر علي ذلك الشاب
بعد وقت تم تغسيل سليم وتكفينه وكان الجميع في اتجاهم الي المقابر بعد وقت وصلوا و دخلوا المقابر
كان صابر يحمل نعش ابنه وهو مازال غير يصدق وخلفه ادهم ويوسف ومن النحيه الاخري يمسك زين النعش وخلفه رعد وكريم وعلي كان يمشي زين كانه جسد بلا روح
وداد تبكي وتصرخ في احضان دنيا
ونادين تمسك يد زينه التي تشعر بوجع كبير في قلبها تبكي بقوه كبيره ولاتعلم لماذا تشعر بذلك الوجع وبجانبهم سلمي التي شبه منهاره
اما ملك كانت تسير وهيا لا تشعر باي شيء حولها فقط تمشي
كانت شاديه تمسك يد منال المنهاره تمام ويدخلوا بقهر الي المدافن الخاصه بالعائله وجميع اهل الحاره خلفهم
وصلوا امام القبر الذي سيدفن فيه سليم وحمله ادهم وزين ورعد ونزلوا به الي الاسفل .....
بعد مرور اربع اشهر من الحزن والفقدان ولكن في النهايه تقبل الجميع الامر الواقع ورجعوا لحياتهم مره اخري ....
كان يقف رعد في السطح وهو يدخن ويفكر ماذا سيفعل في وصيه سليم
شعر بيد ناعمه تضع علي كتفه التفت وهو ينظر الي تلك التي احتلت قلبه بجماله وابتسامتها وقفت بجانبه وهيا تسند علي السور وتحدثت بابتسامه/ قاعد لوحدك ليه
رعد /بحب هدوء الليل وانتي طالعه في وقت متاخر ليه
ملك بابتسامه وهيا تخرج هاتفها/ طالعه اتمني امنيه
نظر لها باستغراب اما هيا تحدثت بتوضيح /النهارده في شهب كتير هتعدي
رعد بتسأل /واي دخلها بانك تتمني
ملك /بيقولوا انك لو اتمنيت امنيه في الوقت ده هتتحقق
رعد بسخريه/ والله
ملك /اتريق براحتك بس انت مدام واقف معايا يبقي هتتمني معايا
رعد /حقيقي مش بأمن بالحاجات دي
ملك بصراخ وهيا تشاور للسما وتري الشهب وهيا تنزل بسرعه/ اتمني بسرعه اتمني
اغمضت عينيه وهو ايضا وتمنو فتحت ملك عينيه بابتسامه وتنظر له بحماس /ها بقي اتمنيت اي
رعد بابتسامه /انتي اتمنيتي اي
ملك ببلاهه وابتسامه/ اتمنيت انك تحبني
رعد بصدمه/ اي
ملك بابتسامه جميله/ اي
رعد بهدوء /ملك انت بتحبني
كادت ملك ان ترد ولكن قاطع عليهم صوت ادهم اغمض رعد عينه بغضب ونظر لادهم بغيظ
ادهم /يامساء الانوار بتعملوا اي هنا
ملك بحماس /كنا بنتمني امنيه
ادهم/ مندتنش ليه يا رخمه
ملك/ يابني انت مكنتش تحت
ثم تحدثت وهيا تغادر /همشي بقي عشان زين لو صحي وملقنيش هيزعق تصبحوا علي خير
ادهم ورعد /وانتي من اهله
نزلت ملك واتجه ادهم بجانب رعد وظل ينظر له باستغراب وغموض
رعد باستغراب /بتبصلي كده ليه
ادهم بتنهيده /مش فهمك يا صاحبي
رعد /مش فهمني ليه بقي
ادهم /حاسس انك بتعلق ملك بيك وانت في الاخر هتتجوز زينه وتنفذ الوصيه
رعد بتنهيده حزينه/ انا مبحولش اعلقها بالعكس بحاول ابعد بس مش عارف
ادهم/ طيب انت هتقول لزين علي جواز من زينه امتي
رعد بيأس /مش عارف بس مش عاوز اوجع قلب ملك
ادهم بحزن /متعرفها بالوصيه بتاعت سليم
رعد /مستحيل اعمل كده عشان زينه اكيد هتتجرح
ادهم /انا مش فاهمك يا رعد
رعد بتنهد/ انا مش فاهم نفسي
ادهم وهو يضع يديه علي كتفه ويستعد للمغادره/ الحق نفسك قبل ماتقع ...
في صباح اليوم التالي استيقظ الجميع ونزلوا الي الاسفل للفطور معا معادا زين وملك استيقظت ملك في الصباح واتجهت للمطبخ شربت القليل من الماء ثم وجدت زين امامها ....
زين وهو يتجه الي المرحاض وينظر الي ملك /اعمليلي الفطار
نظرت له ملك لثواني ثم تحدثت بتمرد /اعملك فطار بتاع اي ماتعمل لنفسك
زين بغضب /انا راجل هقف اعمل فطار
ملك بجنون فاهيا تكره التفرقه بين الرجل والمراه/ ومتقفش ليه رجلك وجعاك وبعدين يا استاذ انا زيي زيك انت بتشتغل وانا بشتغل انت درست وانا درست يعني احنا واحد يا حبيبي
زين وهيا يعض شفتيه بغيظ وبرود /متحطيش ملح كتير علي الفول
ملك بغيظ وهيا تدب رجلها بغضب /مش هعمل حاجه يا زين
كاد زين ان يتحرك لها ولكنها اوقفته بفزع /تحب الفول بصلصه ولا منغير
ضحك بسخريه ثم تحدث وهو يتجه الي المرحاض/ من غير يا صلصه
نظرت له بغيظ شديد /وديني لاعمله بصلصه يا زين
في الاسفل كان يجلس الجميع معا فاليوم يوم الجمعه والجميع يجتمع عند شاديه كانوا يتحدثون بحماس وضحك وكان يجلس معهم علي فاهو ياتي الفتره دي كثيرا ....
نزل ملك وزين بعدما فطروا سويا كان زين يدخل وهو يزقها بغيظ وهيا تتجه له وتخرج لسانها ....
شاديه بياس /نفسي تكبروا
ملك /ونبي يا شاديه حوشي ابن اختك عني
زين/ ياشاديه طلبت فطار عملت كل حاجه ملحه
شاديه بغيظ من ملك / والله ياختي الواحد مش عارف انتي هتفتحي بيت ازاي
ملك بضحك/ بالمفتاح يا شوشو
كريم/ والله انتي هتجيلنا من اول يوم
ملك بغرور مصطنع/ وانتم فكرين اني هعامل قره عيني زي ما بعاملكم كده
سلمي بضحك /لا طبعا ازاي
تنهدت شاديه بهدوء وهيا تنظر لهم بابتسامه/ بما اننا كلنا متجمعين فانا عاوزه اقولكم كفايه تاجيل فرح كريم ودنيا لحد كده
يوسف بفزع/ اي يا شاديه نستيني ولا اي
صابر بهدوء/ انا من رايي نعمل فرح كريم ويوسف مع بعض في نفس اليوم
ادهم وهو يقف ويرفع يده بطريقه مضحكه /ممكن تضفوني معاهم
عوض باستغراب/ هيا جمعيه يابني دول ليهم عرايس انت اي بقي
ادهم بفخر /انا معايا ست العرايس كلها
منال /ودي مين ست العرايس
ادهم بحب /سلمي
نظر له الجميع بفرح ثم الي سلمي التي تنظر له بصدمه تحدث زين بهدوء/ ادهم طلب ايدك مني يا سلمي وبصراحه انا وافقت لكن انتي لو مش موافقه اعتبريه ولا اتكلم
سلمي باندفاع /لا طبعا موافقه
نظرت الي الارض باحراج عندما ادركت ماقالت اما الباقي نظر لها ثم انفجروا في الضحك
زين بابتسامه وهو ينظر الي وداد /ممكن تضيفوني معاهم
شاديه وهيا تقف وتزغرط بقوه وتتجه لكي تحضنه /مبروك ياروح قلبي
زين بضحك /طب مش هتسالي مين العروسه
شاديه/ مفيش هنا غير اخواتك وبنت خالك وانا ومنال واكيد مش هتطلب ايد منال
زين بضحك /عندك حق
ادهم بتزمر طفولي/ اشمعنا هو حضنتيها
شاديه وهيا تذهب له وتحتضنه هو الاخر/ عشان الاستاذ ده مغلبنا بقاله سنين وبيكابر مش عاوز يعترف فانا حاسه انه عمل انجاز
رعد بهدوء وهو ينظر الي ملك التي تنظر الي الجميع وعلي وجهها ابتسامه سعيده ثم نظر الي زينه التي تنظر له بحب شديد /وانا كمان عاوز اتجوز اشمعنا هما
شاديه وهيا تنظر الي ملك وتغمز ومان لاحظت ملك نظراته حتي شعرت بالخجل الشديد/ وياتري مين سعيده الحظ
رعد بدون مقدمات /زينه ...يتبع....)

مفاجاه يا فوزي مفاجاه
#Loka mahamed🌚