اخواتي البنات

Part 11

💙اخواتي البنات💙
🦋البارت الحادي عشر🦋

نظر امامه ثواني وهو يحاول ان يستوعب ماذا قال للتو ثم نظر له بغضب شديد /انت مجنون انت واعي بتقول اي انت عاوزني اتجوز زينه وانت عارف اني بحب ملك
سليم بوجع/ انا مش هقدر اشوفها وهيا قلبها وجعها انا دوقت وجع القلب مش عاوزها تحس بيه هيا كمان
رعد بغضب وصوت عالي /وملك تحس بيه عادي انت مجنون يا سليم
سليم/ انت ليه معترفتش بحبك لملك يا رعد ولا تعرف اذا كانت بتحبك ولا لا
رعد بغضب وهو يتجه للمغادره /هعمل نفسي مستمعتش ولا كلمه من الي اتقالت دي عشان اقسم بالله لو عملت غير كده هكون جايب اجلك
تركه وغادر وهو يشعر بالغضب الشديد...
في الاسفل كان كريم يحاول اقناع زين بالموافقه علي جوازه من دنيا اخر الشهر وزين يذله
اتي قاسم اليهم بضحك/ خلاص بقي يا زين وافق ده الواد صعب عليا
زين وهو يقترب من والده /يعني انت شايف كده ياحج
قاسم بابتسامه /ايوه
زين بمرح /يبقي خلاص مبروك يا جوز اختي
كريم وهو يشعر بالفرح/ لولولوييي اخيرا
نظر له الجميع بصدمه ثم انفجروا في الضحك
ملك بحماس/ كريم  لازم تعلمني ازاي ازغرط ونبي
كريم باحراج/ بت بس
ملك وهيا تضع يديها علي وسطها /نعم مين دي الي بت انا بت
زين بصدمه/ ملك
نظرت له ملك بارتباك ثم انزلت يديها سريعا/ احم اسفه
كريم بضحك /مش بتيجي غير بالزعيق
ملك بغيظ/ والله مخليها توافق
كريم/ ملك روحي بهزر معاكي يا حبيبي
ضحك الجميع عليهم بشده من مزاحهم معا مر شهر سريعا وكان ادهم وسليم ورعد وزين يستعدوا لتلك المهمه الذين سيخدوها معا
في المنزل كانت تجلس دنيا ومعها كريم في السطح وهم مبتسمين
كريم بفرح /اخيرا الفرح بعد بكره
دنيا بابتسامه/ مبسوط
كريم بفرح/ جدا
دنيا بتوتر/ هيجي عليك يوم وتندم يا كريم
كريم بضيق/ ليه بتقولي كده
دنيا بحزن/ عشان انا كنت متجوزه لا وكمان معايا بنت ليه تستحمل كل ده
كريم بتنهيده/ يا دنيا احنا بقالنا شهر يعتبر مخطوبين وكل مانتكلم تقولي الكلمتين دول بصي يا دنيا انا بحبك وبحب كيان جدا وبعتبرها بنتي والله عشان خاطري صدقي وبلاش تفتحي الموضوع ده تاني انا بحبك وبعتبرك حياتي كلها
دنيا بهدوء /والله وانا بحبك اوي بس بس خايفه يا كريم سامحني
كريم بحب /مسامحك ياروح وقلب كريم
في الاسفل في شقه زين كانت تجلس زينه في غرفتها وعلي وجهها ابتسامه جميله وتزداد كلما تري صوره لرعد فاهيا تمسك هاتفها وتفتحها علي الصفحه الخاصه به ومليئه بصوره ثم تحدثت بحب /انا بحبك اوي يا رعد بحب ملامحك بحب برودك وغرورك بحب ضحكتك بحب كل حاجه فيك  بحبك اوي  نفسي تكون ليا حقيقي انا نفسي نتجوز اوي
في الاسفل كانت تجلس ملك و وداد وسلمي وشاديه علي الاريكه ويمسكوا طبق كبير مليء بالمقرمشات والفشار ويشاهدون فيلم حزين ورومانسي و يوسف ونادين في يجلسوا مع بعض في البلكونه ومنال وصابر في شقتهم
شاديه ببكاء /شوف موتوا البطل ازاي
ملك بحزن/ الشرير هيتقبض عليه
سلمي بغيظ /الناس كلها بتحب البطل الا اختي المتخلفه تحب الشرير
ملك بدموع وهيا تضربها علي كتفها/ ايش فهمك انتي ايش فهمك
شاديه بصراخ /متخرسوا بقي عاوزه اتفرج
وداد /طب شاديه ممكن الفشار
شاديه وهيا تمد يديها بالطبق /خدي ياختي
في البلكونه كان يقف امامه وهو ينظر لها بحب ويمسك يديها الموضوعه علي السور
نادين بخجل/ ممكن بقي تسيب ايدي
يوسف بهيام/ انا بحبك اوي يا نادين
نادين بوجه احمر/ احم شكرا
يوسف بضيق/ يا نادين انتي معندكيش رد غير شكرا
نادين بغضب /ازاي مانا بقولك ربنا يخليك
يوسف بسخريه/ لا عندك حق مينفعش اتكلم
نادين بحزن /مش بعرف اتكلم انا يا يوسف بتكسف
يوسف بابتسامه/ جميله ودي حاجه انا بحبها فيكي
نادين بفرح /يعني انت بتحبني
يوسف وهو يمسك يديها ويقبلها /بموت فيكي
/سيب اديها ياض
كان هذا صوت كريم الواقف في السطح وبجانبه دنيا اخرج يوسف راسه/ يعم انت مالك ايش حشرك
كريم بابتسامه ماكره/ انزل ونشوف اي الي حشرني
كريم باندفاع/ بهزر يا كيمو مش بتهزر
دنيا بضحك وهيا تضربه علي كتفه /والله انك بارد
كريم /مقبوله منك يا دنيا هانم  كان الجميع يجلس في السياره الخاصه التي سوف تنقلهم الي المكان الخاص بالمهمه
سليم بابتسامه/ تعرفوا اني بحبكم اوي
نظر له الجميع باستغراب شديد
سليم بضحك/ اي يا جدعان ده انا حتي بعترفلكم بحبي
زين بضحك/ واحنا كلنا بنحبك ياخويا
سليم بحزن فجاه/ طب اشمعنا هيا مبتحبنيش
نظر له الجميع باستغراب اكثر وتحدث زين /مين دي الي مبتحبكش
سليم وقد ادرك ماقاله/ ها لا متخدش في بالك
ادهم وهو ينظر الي الطريق/ يالا وصلنا
نزل الجميع من السياره ونظر زين لهم/ ادهم معايا سليم رعد النحيه دي الباقي يقفوا عند البوابه الخلفيه اي حد يعدي ومتعرفوش تقبضو عليه يموت علي طول
سار الجميع كما قال زين وكان زين وادهم يسيروا معا ولكن زين في الموجهه تحدث ادهم وهن يضرب بعض الاشخاص بالنار/ زين
لم يلتفت له /نعم
ادهم/ عاوز اطلب منك ايد سلمس
زين بغيظ وهو ينظر له /ده وقته وحيات امك وقته
ادهم ببرود/ وقته مش وقته جوزني سلمي
زين بتنهده/ نخرج من هنا ونشوف الموضوع ده حاضر يا ادهم
ادهم بفرح/ حبيبي
عند رعد و سليم كان يقف رعد وبجانبه سليم ويضربوا اي حد يقترب منهم فجاه وجد سليم قنبله يدويه تقترب منهم زق رعد سريعا وفي نفس الثانيه انفجرت القنبله نظر الجميع الي اثار ذلك الانفجار وتحدث زين بفزع /ده المبني الي فيه رعد وسليم
ادهم بتوتر/ ان شاء الله محدش هيكون حصله حاجه
زين بحده/ روح اطمن عليهم
ادهم وهسيبك لوحدك
زين /هكون كويس
نظر رعد بصدمه وهو يحاول استيعاب ماحدث توقف بصعوبه وهو لا يري اي شيء من ذلك الدخان صرخ بقوه وهو ينادي علي صديقه الذي انقذه من الموت منذ ثواني /سليم سليمممم انت فين
/انا هنا
اتاه ذلك الصوت الضعيف تتبع رعد الصوت وجري سريعا الي رفيق ضربه وجده نائم علي الارض ووجه مليء بالدماء وجسده جلس بجانبه سريعا وهو يحاول ان يعدله
/سليم سليم فوق بالله عليك قوم معايا
تحدث سليم بصوت ضعيف النهايه يصاحبي
رعد بصراخ/ لا مستحيل تسبني قوم معايا قوم
نظر له سليم بتعب /زينه يا رعد اتجوزها وخلي بالك من وداد يا رعد
رعد بالم/ مش هقدر اتجوزها يا صاحبي
سليم/ زينه بتحبك وهتسعدك عارف اني اناني وانا بطلب منك كده بس مش هقدر علي وجع قلبها اتجوزها ياصاحبي هيا بتحبك و
لم يكمل جملته حيث اغمضت عينه وصعدت روحه الي السماء
نظر له رعد بصدمه عندما وجده صمت ثم تحدث وهو يهزه بقوه /سليم قوم قوم يا سليم قوم بالله عليك قوم هتجوزها والله هتجوزها بس انت قوم قوم يا صاحبي ونبي متعملش فينا كده
كان يستند علي الحائط وهو يشعر بالعجز الشديد سمع ذلك الحوار كله ولكنه عندما وجد سليم هكذا لم يقدر علي التحرك
بعد وقت في المستشفي كان يجلس رعد وهو ينظر الي يديه المليئه بدماء صديقه وزين يجلس ويضع يديه علي راسه وادهم ينظر امامه وعينه مليئه بالدموع
خرج الطبيب وعلي وجهه علمات الحزن واقترب منه الجميع/ مع الاسف البقاء لله ..يتبع...)

ياتري اي الي هيحصل بعد كده !!
رعد هيتجوز زينه ؟؟
ملك حبت رعد  زي ماحبها!!
#loka🦋