حتي تحترق النجوم
السابع
اللهم صل وسلم وبارك علي سيدنا محمد 👑
في المستشفي وتحديدا في مكتب ايسر
وضع يده علي قلبه وهو يشعر بشعور غريب . ليتنهد ..
اتصل بالممرضه لتدخل له
ايسر.:دخلي الكشف اللي بره
الممرضه : حاضر يا دكتور
دخل مريض يبدو في الاربعين من العمر ومعه سيده تمسك يده
ايسر : اتفضلو
جلس الاثنان .. لينظر ايسر إلي التحليل التي في يده
ايسر : ايه يا استاذ اشرف الكوليسترول عالي اوي
اشرف: ما انا باخد البرشام اللي انت كاتبه. بس معرفش مش جايب نتيجه معايا يا دكتور
شبك أصابعه في بعضهم لينظر له ومن ملامحه وحركات وجهه عرف أن كاذب .
ايسر : مع اني شاكك انك بتاخد الدوا في ميعاده بس قولي كده يا استاذ اتغديت ايه امبارح
اشرف : والله ما انا فاكر
نظر إلي زوجته : قولي انتي يا مدام
الزوجه : ها . معرفش
نظر لهم بعينه لتوتر من نظرته فعينه مخيفه . نظرته كأنها تخترق الروح .. نطقت سريعا : اتغدا مكرونه بشاميل ولحمه بالسمن البلدي
ايسر : نعممم. في مريض عنده الكوليسترول وياكل الاكل ده .
اشرف : يعني هحرم نفسي من الاكل يعني وله ايه
ايسر بغضب: لا متحرمش نفسك بس علي الأقل الاكل ده يكون مره في الشهر ومنتظم علي العلاج . لكن حضرتك بتعك في الأكل وكمان مش بتاخد الدواء . لا وكمان جايب الغلط في العلاج .. ( ليقلده ) مش جايب نتيجه معايا يادكتور ، يا بجاحتك يا اخي .
الزوجه : خلاص يا دكتور حقك عليا . انا هديله الدوا وهعمله اكل صحي . متعصبش نفسك
.....
في الخارج
وصل سائد مع نجمه وليل علي صوت ايسر الغاضب
نجمه : مين ده اللي بيجعر بصوته
ضحك سائد : حلوه بيجعر دي
ليل : مفروض مستشفي . ممنوع الكلام ده
سائد : انتم العيشه بره . خليتكم تنسو اصلكم
نجمه : ماله اصلنا بقي يا عم
سائد : ليه زي ما انتي بتحبي الخناق
نجمه : ومش هتغير
اقترب سائد من الممرضه وأخبره أنه يريد أن يدخل لايسر
أنت تقرأ
حتي تحترق النجوم ✨(مكتمله)
Spiritualلنكن نجوما كل منا يضئ عتمه الآخر.. عديني أن تكوني لي حتي تحترق النجوم و تفني العوالم وحتي تأتي لي هناك عديني أن تكوني لي .. وان تظلي معي للابد ... عديني فقط.. ان تظلي ملكي
