حتي تحترق النجوم
العاشر
👑اللهم صل وسلم وبارك علي نبينا محمد 👑
عادت جهاد في اليوم التالي الي المشفي
كانت نجمه وليل مع ايسر هناك .. رغم حزنهم إلا أنهم يحاولون أن يبتسمون من أجل سائد
دخلت جهاد وكالعادة لم تلقي التحيه علي أحد واقتربت من سائد. : حبيبي عامل ايه انهارده
رد بهدوء : الحمد لله زي ما انتي شايفه اتشليت
نجمه وبخته : متقولش كده تاني . ام شاء الله هتخف وترجع تمشي تاني واحسن من الاول
سائد : انتي متفائله زياده . الدكتور قال مفيش امل
جهاد : يعني ايه مفيش امل . اكيد مش فاهم حاجه . انت هتسافر تتعالج بره
سائد : ايسر بعت الاشاعات والتحليل لدكتور بره و رد عليه قاله مفيش امل
جهاد : هنشوف دكتور تاني
سائد بغضب : بس بقي ..مش عايز اسمع حاجه تاني عن الموضوع ده
نظرت له بدموع لتتركه وترحل مره اخري
ايسر : سائد اهدا مش كده ..
ليل نظرت له بدموع وحزن : انت اقوي من كده .
نجمه جلست بجانبه لتفتح اطباق الطعام
: فكك بقي ويلا ناكل انا جعانه وهربت الاكل من آمن المستشفي علشانك
ابتسم سائد. بسعاده : محشي ورق العنب ..
نجمه : بالهنا
خرجت ليل من الغرفه وهي حزينه
ايسر : ليل متعيطيش تاني . هو زي القرد اهو قدامك
ليل بدموع : صعبان عليا .
ايسر نظر لها بغيره : صعبان عليكي ليه
ليل : مش صعبان عليك انت كمان
ايسر : لا . هيصعب عليا ليه .
ليل : ازاي يعني . انت مش شايف حالته
ايسر تنهد : متعيطيش وخلاص .
ليل : ليه يعني
ايسر : علشان يضايق اما بشوفك بتعيطي
شعرت ب خجل و توتر من كلامه
ايسر : متقوليش انك مش واخده بالك وله فاهمه قصدي ايه .
ليل بتوتر : ده مش وقت كلام
تنهد : ليه مش وقته .. وفيت بوعدي وانتظرت ١٠ سنين وعمري ما حبيت وله هحب غيرك ومستعد انتظر اكتر بس تكوني ليا
الي اين تهرب من مشاعر الحب التي يغرقها بها .
ايسر : واثق أن مفيش حد في حياتك .
ابتسمت : واثق ازاي يعني
ايسر : احساس . عمري ما احساسي كدب عليا
أدارت عينها في كل اتجاه لتبتسم ثم تسرع الي الغرفه لتفتح الباب
كانت نجمه تجلس وهي تربع قدمها والسرير مرتفع قليلا بسائد الذي يجلس والطعام أمامهم ويضحكون كان لا شئ يحدث
أنت تقرأ
حتي تحترق النجوم ✨(مكتمله)
Spiritualلنكن نجوما كل منا يضئ عتمه الآخر.. عديني أن تكوني لي حتي تحترق النجوم و تفني العوالم وحتي تأتي لي هناك عديني أن تكوني لي .. وان تظلي معي للابد ... عديني فقط.. ان تظلي ملكي
