جادوغ قبل متقراي
💭 دمعة رجل 💭
الحلقة 1
🚫 ممنوع نقل 🚫
هز دبدوب حمر يهبل .. زاد هز براصلي فيه اول حرف من اسمها .. تبسم راح يعجبوها اكيد .. جبد خلصهم .. داهم وراح فرحان بيهم .. مكانش يديلها كادوات طول .. معندوش قيسو قيس دوا لباباه .. نارين حبو الاول واخير .. حبها وقت كانت فليسي .. كان يخدم توالو كل يوم يشوفها يزيد حبو ليها .. بصح خايف يصارحها .. ومتقبلش بيه هيا طفلة زينة بوبية لله يبارك .. اما هو معندو حتى شي يخلي طفلة تعجب بيه .. فرحتو يوم هدرة معاه وقاتلو عحبتني مكانتش تتوصف .. يستنى زقت يفرج عليهم ربي ويعطيوهم سكنة .. يروح طول يخطبها .. تبسم لفكرة انو تكون مرتو وفنفس دار .. دا هذاك كادو خباه مزالو يومين على عيد الحب اكيد راح تفرح كي تفكرها ...
- ناااارين مقلكش محمد وش راح يجيبلك ؟!
غاطسة مع تليفون مطلعا رجليها مع طاولة قدامها : نووو من وكتاه يجيب نسياتو ديجا بفففف حتى خرا تاع انور هو لحق عيد حب بغا يتسيبارا .. باين مشحاح
- ههههههه خليك مع محمد يديرلك ملكة
نارين : اععععق ملكة منعرف باه هههه
ضحكت صحبتها : ياه والله تعين لصقة
نارين : غير بلعي نتي واميرة منسمحلكمش نعلبوه تحدي .. نمدت على هذاك نهار وش داني نلعب معاكم .. كنتو تتحداوني نقول لواحد بقلاوة عجبتني .. ولا زينو مول ابيزا ...بفففف قلتولي على مسخ هذاك ..لصق ياجدك ضك قريب عامين عييت نخلق فلمشاكل والو نقولو هك نحبسو ميحبش كرهت منو .. شوفيلي طريقة
هزت كتافها صحبتها : يبانلي ناس ملاح خليك معاه والله يبان يحبك صح
نارين : متكونيش حمارة عيشك .. قال الحب قال .. منأمنش بحاجة اسمها الحب انا طول .. نأمن بحاجة يقلولها متريال هههه
هزتلها راسها .. ميؤوس منها .. طفلة هذي .. راح يجي نهار لي تاكل صباعها ندم ومش راح تلقاه .. تلتفتو على صوت بروف كي دخل عدلو رواحهم .. مركزين معاه
