💭 دمعة رجل 💭
الحلقة 7
🚫 ممنوع نقل 🚫
تبسم ومد يدو لهذاك لي كان معاها .. انا محمد زميلها شاورلو .. عليها تبسم معاه .. وخمس .. وانا مراد حبيبها .. حس سكاكن في قلبو يتغرصو .. كانت لحكاية واضحا اما مكذب .. شاف معاها وتبسم وجها ولا صفر ..
محمد : ربي يكمللكم
عطاهم بظهرو .. يبلع في غضتو .. يمشي .. ويضحك كيف لمجنون ..
وقفة تشوف معاه يبعد علبالها انها لخرا بيناتهم جانب يقلها تهنيتو منو وجانب يقلها خسرتيه دارت لمراد وتبسمت بسيف .. هو يهدر وهيا كل عقلها عندو وش يدير ..
طول طريق وهو يخمم .. كلمة حبيبها .. تتعاود في وذنو .. حتى شكلو بعيد عليه بزاف .. دخل لدار .. راح طول توال مري هذاك يشوف معاه ولا يضحك بهستيرية .. ولا يعيط على طول صوتو هز يدو وخلطها مع هذاك مري لي طاح فتات .. ولات صراخاتو ماليا مكان باباه لي قلبو باش يحبس مادرا وش كاين حتى انو عاجز ينوض يشوف بنو يحاول ينوض من ذاك كنابي حتى طاح .. صرخ صرخة دوات مكان ..
صوت صريخ باباه خلى قلبو يتزعزع راح يجري ليه حس روحي فشل وهو يشوف فباباه طايح ممكن يكون هو سبب
