💭 دمعة رجل 💭
الحلقة الاخيرة
🚫 ممنوع نقل 🚫
هز يدو عطاها كف بكل جهدو خلاها طيح فلرض حاكمة خدمها تبكي
مراد : معادش تناقشيني ندير لي نحب مدخليش روحك
خرج خلاها تبكي ضكا وين حسن بغلطتها تاع صح .. هذو دعاوي محمد رام يخرجو فيها ملي دخلت متهناتش نهار وهيا فلمشاكل معاه وصل وين حب يطلقها .. رجعت لذل وضرب ولبكا .. صدقت صحبتها وقت قاتلها محمد يعيشك ملكة .. ملكة مش غير بلمال وجاه .. ملكة وقت يكون محتارمك ومرضيك ومدايرك فوق راسو تاج ضكا وين عرفت انو فرحة مجيش بمال .. متأكدة كان دات محمد راي فرحانة وهانية .. بصح فات لفوت وقتاش فاقت حتى طفر كلش .. مسحت دموعها وناضت .. عيطت لامها .. كرهت من هذ ذل تحب تطلق وتتهنى .. اول كلمة قالتهالها داري مسكرة في وجهك .. ايييه يا نارين مدرتي خير متلقايه .. حطت تليفون تبكي بحرقة معلبالهاش وش دير ..
يضحك معا صحابو .. فرحان واخيرا شرا موطو ( دراجة نارية ) ممكن مش حاجة كبيرة بصح فرحاتو علخر .. طلع ضرب فيها تور .. حبسها توال دار ودخل لعند باباه باش يخرجو يشوفها حطو فلكرسي متحرك تاعو ومشا بيه .. رن تليفونو .. فكر انو صاحبو . هزو وعقد حواجبو رقم جديد .. خرج باباه مشا شوي بعيد ورد .. جاه صوتها لي منساهش كل هذ مدة خلا قابو يرجف .. اما سرعان ماتفكر كلش .. وخلا نارو تهمد ..
نارين : محمد نحبك .. سامحني محمد نعرف اني غلطة سامحني عيشك
هدر بكل برودة عكسها هيا لي تحكي بلهفة : راكي متزوجة ضك الهي بدارك وخطيك من لعب تاع ذراري ..
نارين : نوو محمد عيشك متقولش هك نعرف انك تحبني ومش باش تنساني .. محمد مستعدة نهرب معاك
ضحك بتقوعير : شكون قالك مزلت نحبك ؟!مننساكش ؟! وشنو ثاني نهربو هههههه تشفاي يا نارين وقت كنت نجري موراك ونتي عجب معجب مش عاجبك .. شفاي نهار عيد مشؤوم هذاك لي رميتي حوايجي في وجهي ومشيتي تشفاي وقت حطيتي يدك في يد غيري تحملي ضك لي راهو صايرلك .. نسيتك وكرهتك .. واما على هريب منيش رخيس راش نهرب مرت راجل .. نتمنالك ندم هنيئ .. كوبا عليه تبسم وهز راسو لسما ضك يقدر يعيش هاني ضك وين طفلت نارو كي عرف انها تعاني .. رجع عند باباه فرحتو ولات فرحتين بخبرها ..
اما هيا طاحت على ركايبها تبكي اخر باب رجع تسكر في وجها .. راح تستسلم للواقع مر لي دارتو بيدها
ممكن ندم يكون هو لخر .. حب محمد ليها كان كبير وشالتو بيدها كانت في بالها راح تكون هانيا بلمال .. بصح متعرفش اذا عشفها فقير راح تكون هيا راس مالو عكس غني تماما .. كانت طامعة وعينيها مغكضين وقت تحلو لقات روحها فنار تتحرق ومعندهاش باب تخرج منو غير انها تعاني وتصبر وخلاص ....
