بقلم:
#ŘőOmà
-احم احم
قاعده لوحدك ليه؟
="اتنهدت"
مفيش عادي؛السما شكلها حلو وبحب اقعد ابصلها
-اممممم
=عارف يا آدم لما ببص للسما واشوف القمر وحواليه النجوم بيجي في بالي ايه؟؟
-إيه يا ستي
=إنت
- "بغرور مصطنع"
أيوه طبعا مانا عارف اني قمر
"لكمته في كتفه"
=مش قصدي يا خفه؛ قصدي إنك زي القمر ده وبتدي من نورك ليا انا واخواتك، دايما واقف جنبنا ومجمعنا حواليك، بجد انت أحسن أخ في الدنيا"نظرت في عينيه نظرة عميقة بداخلها"
-شكراً شكراً، كفايه بقي علشان بتكسف، اروح من الشهرة وحب الناس فين
=بطل ثقاله وقوم امشي من هنا، انا بستنى الليل يجي مخصوص علشان اقعد القعده دي بعد تعب النهار كله
="بضحك"
خلاص خلاص، يا حور انا ماليش غيرك انتي ورهف ونور.... انتو كل حياتي والله ومفيش حب في قلبي يزيد عليكوا
="بغمزة"
أومال مين اللي انت بتكتبلها أشعار في النوتس بتاعتك اللي في درج المكتب
-مسكها من قفاها
نهارك ألوان.. انتي بتفتشي في حاجتي
=لا يا بروو والله ده انا كنت بروق المكتب ولاقيت عليه استيكي نوتس؛ ففتحت الدرج احطها لا قيت النوته اللي انت كاتب فيها حرف Mوجنبه كلام كتير قمر اوي كده
-"بتوتر"
طب خلاص متعمليش كده تاني
=طب مش هتقولي مين دي طيب؟
-لا
=ماشي انت حر؛ بس انا كمان لما الاقي ماي لاف مش هقولك
-"مسكها من قفاها"
علشان اطلعك السما بس هتكون ذهاب بلا عوده
=يمامي خلاص يا عم براحه متزوقش كده
=تاكل فشار
-لا مش عايز
=طب قولي بقى.. اسمها مريم ولا ميار ولا ما....
-اسكتي بقي يا زنانه
=طب ما تروح تقولها خلينا نلبس فساتين
-مالكيش فيه.
=طيب انا غلطانه
-المهم؛ عامله ايه في جامعتك
=اهو الحال ماشي الحمد لله
-بالمناسبه في حد طلب ايدك مني بس انا الصراحه مش موافق، بس طبعا مقدرش اخد القرار بدالك؛ أنا قولتلك رأيي وانتي حره
=حد مين
-ابن عم خالد جارنا
=مش موافق ليه
-أخلاقه مش أحسن حاجه وبصراحه حاسس انك هتتعبي أوي معاه
=طب ما يمكن يتغير
-يا ماما مفيش حد بيتغير علشان حد.. اللي بيتغير بيتغير علشان هو عايز يتغير
وبصراحه أنا حاسس انه مفيش منه أمل
وبعدين كمان مش متخيل البيت من غيرك بصراحه
=اهااا قول كده انت غيران بقي
-"رمي المخده عليها"
بلا نيله ده البيت هيرتاح من دوشتك والنت هيبطل يخلص أول ١٠ ايام ع المسلسلات والأفلام بتاعتك
="ببكاء مصطنع"
عااااا والله الشركة هيا اللي نصابه؛ ياربي شايف بيعاملني ازاي ولا كأني اخته
-خلاص يا هبله هيا ناقصه صوات
" حضنها"
-البيت ملهوش طعم من غير جنانك وحنانك
إنتي أمي وأختي وبنتي وكل حاجه ليا
="حضنته بضحك"
بكاش بس ماشي
" وما لي في الحياة بعد ربي سوى أخي ليكون لي سندا ومنبع حنان يفيض عليّ في شدتي كشلال منهمر" 💙
تم...
بقلم:
#ŘőOmà
