عون

البارت الرابع

       البارت الرابع
           
              بقلم

        زهراء الزيدي 

صالح ...🥀

✍

بِرحلةِ إِبحاري بحبك..تِهتُ..وضِعتُ..

يرطمني موجُكِ ويسحبُني للأعماقي..

بتُ أَراكِ نجمٌ عالي..

يضوي أَيامي بصفوِ سمائي..

ويغيب بِغيمٍ لليالي..

أَتوغلُ بِنظراتِكَ وأَنا أَصبو لِطرفةِ عينٍ..

علِّ أَجدُ فيها آمالي..

حِنِّ عليَّ ولا تقسي..

وقولي ليس بِذنبِك..

وليسكُن بوجودكُ قربي..

موجي العالي ..

بقلمي 🥀

خلص صبري وقررت افتح الموضوع واتحرك حتى اخطب   الي انتظرها وكت طويل.. 

ردتها تكمل السادس حتى ماااثر على دراستها ..

فتحت الموضوع ويه ابوي...

ومثل ماتعودت يتفهمني بس كل الخوف من الوالده..

وعدني وگال معليك عليه...وانت كبرت واريد افرح بيك ...

انطاني دفعت تفائل ..

راح ابوي اول شي يمها چانت گاعده تشرب چاي العصريه..

كعدت  يمهم واني اصارع بيني وبين نفسي لحظات القلقل والترقب ..

ابوي فتح الموضوع وياها ..

وگللها احلام وليدنا وچبیرنه صالح فكر يتزوج واخيرا ويريدنه نخطبله..

انتي مو دوم تكولين اتمنى يوافق واخطبله احلى البنات..

وكم مره عرضتي عليه ...بس هو ماچان مقتنع ...

بس اليوم الله فرجها وهو بنفسه اجاني وفاتحني بالموضوع ...

فرحيله نفتحت عقدته ابو الصلوح ..

شفت امي التفتت عليه وهي تباوع  بوجهي وجهه مبتسم  ..

قلقت اكثر من صدمتها من تسمع الاسم ...

بصوت كله فرح گالت يوم الهنا والسعاده هذا من اشوف وليدي خاطب...  بنت اخوي ومتهنين بيت واحد...

شگد حجيت وياك یمه صالح شقنعك وغير رايك اليوم ...

هنا تجرعت الكلام المر ..الي بكل مره اسمعه منها وارفضه..

بس بهذا الوكت بقيت اجاريها ..

وخفت من ردت فعلها..شراح تكون ...اذا ابوي نطق اسم اسماء الي حبيتها واختاريتها من بين كل البنات..

وما طول ابوي واني بتفكيري هذا وبلغها وگللها يابنت اخوج..

ابنج يريد اسماء بنت اخوي ومن يسولف وياي وابنچ مبين طايح بالحب ومحد مسمي عليه ..