عون

البارت الأول

البارت الأول

بقلم

زهراء الزيدي

فكر الف مره قبل ان تطلق سهام كلامك...

وحاول ان تلجم لسانك..

عن قول حرفٍ يذبح من يقف امامك..

كسر الخواطر ذنبٌ عند الله مااعظمة..

فلحكم الله اطع ولاتخالف..

وتبدأ حكايتنا من احد البيوت العراقية حيث كان الجو باردا ممطرا..وهناك قلوب تترقب وتتنتظر بشوق..

_ حكيمه وينچ استعجلي بسرعة روحي جيبي الجده ماتشوفين شلون صار حالها..

_صار خويه رايحه هلبست عباتي وجواريبي ومتعنيه لبيتها...

وبحق هذي الليله ومطرها ان شاء الله رب العالمين ينولك مناك ويجيك الولد ..

جاوبني مو مهم خويه اهم شي سلامتها...

عجلي وجيبيها بساع ولاتطولين بعد اخوج ..

طلعت بالمطر وامشي بالظلمه وبيدي فانوسي واني ادعي ربي يهني اخوي ويريحه مثل باقي اخوته واولاد عمه...

يشوفهم كلهم صارلهم سند وعزوه بأولادهم اله هو هذي البطن الثالثه الي راح تجيبها مريته وان شاء الله ماتطلع بنيه..

نعمه وحمد وشاكرين رب العالمين ...بس يبقى نريدله الولد ..

بيومها الهوى عالي مخليه ايدي حاجز حتى مايطفى ضواي الاشوف طريقي عليه ..

لأن بقريتنا بس للبيوت موصلين الكهرباء..وقله بالشوارع اناره..چانت..

وصلت لبيت علاهن الي تولد نسوان المنطقة ..ودكيت الباب..وانه مستعجله وخايفة على مرت اخوي...

طلعتلي علاهن والنعاس بعيونها ...تهلي وتسأل..

_ها خير ان شاء الله اجت ساعتها مرت اخيج انه من شفتها ذيج النوبه عرفتها ماتطول وتولد ..

_ اي خيه مثل ماتگولين بس بساعچ حضري غريضاتچ وخلينه نروح ..

روحها فرفحت من الوجع واخوي روحه رچيچه عليها ومايحمل يشوفها بهذا الحال..

_ادري يحبوبه چا تعلمیني بيه..اخیچ شكثر اخوانج يگلوله عرس بس هو قافل مايرضى على زعل حوري ..

وهي الله يسلمها لو حبلت تطول بين بطن وبطن شكثر ..

بالثلث سنين وگبلها كعد ينتظرها ست سنين يله خلفت وهاي من عمر اخيج ..

والعالم الحوالي ماتسكت واخيوانه يردوله عزوه ووليد يشيل اسمه من بعده ..

_ شنسوي خيه هذا هو بعد وگلبه یگول مو عجيبه مرتي تتأخر يله تخلف ..

شنو تردوني اسطرهم واحد فوگ الثاني ..

مايدري ياخيه احنه بينه خوفه لان طولت بالاول يله حبلت ..