روايه فتاتي القوية ل نانسي العربي

فتاتي القوية 🖤💪🏻

• My Strong Girl 🏋️🖤• 
" الحلقة الخامسة " 

هاني بصدمة : لا كدا اوڤر !! 
" يبصوا كلهم لنفس الناحية و يتصدموا ، لكن يبتسم كريم بثقة " 
كريم : مش قولتلكوا ؟ 
" تيجي هنا وهي شايلة ياسمين على ضهرها ، تقعدها على الكرسي جنب كريم " 
ياسمين بنتصار: براحة شوية لو سمحتِ 
" تبصلها هنا بغضب و هي بتنهج وتخاف " 
هنا : لو عايزة تروحي من هنا على رجلك اتكتمِ 
زين بعدم تصديق : هنا انتِ كويسة ؟؟! 
هنا : يا وزا انا كويسة 
" تطقطق ضهرها " 
هنا : بس الله يكرمك يا چيسي ، قبل ما تقابليني مرة تانية وتبقي عاملة حسابك اننا هنتخانق ابقي اعملي رچيم قبلها 
ياسمين بستفزاز : كريم بيحب جسمي كدا 
رامي : ياماا مش كداا ، مش كداا ده بيقولوا الملافظ سعد ، في اربع شُحطة قاعدين قدامك ، انتِ شايفانا قُلل  
ياسمين ببتسامة استفزاز : سوري يا شباب مخدتش بالي   
" تبصلها هنا بغيظ و تفتكر الي حصل فوق " 

• فلاش باك لكام دقيقة • 
هنا تتنهد وتقوم تقف: اشطا ، اهو انتِ كلتِ ، انزل انا بقى اكل 
ياسمين: لحظة بس ، هو مين قالك ان الشوربة الدلعة دي شبعتني ؟ 
هنا : خلاص جعانة قومِ معايا وتعالي كُلِ حد منعك 
ياسمين: اقوم معاكِ ؟ ، انتِ ناسية انتِ عملتِ فيا اي من نص ساعة بظبط ؟ … انا مش قادرة اقف يا حبيبتي 
هنا : متأفوريش ، انا معملتش فيكِ حاجة 
ياسمين: والله الي غلط بقى يتحمل نتيجة غلطته 
هنا : ايوة يعني عايزة اي ؟؟ 
" تبصلها وتبتسم ، تفهم هنا " 
هنا بنفعال : لااا ، دي هبت منك على الآخر 

" وفي الآخر نزلت وهي شايلاها عادي " 
• باك • 

ياسمين: كريم حبيبي .. ممكن تأكلني انت ؟ 

كريم ببتسامة : طيب
هاني : هو انتِ كمان كنتِ بتأكليها فوق بإيدك 
هنا : انا لو كنت بأكلها بإيدي مكنش زمانها لسة عايشة اساسا 
حمزة : اومال انتِ ايدك تعبتك من اكل الشوربة ولا اي ؟ 
ياسمين: الله ، فيها اي يعني لما حبيبي يأكلني بنفسه ؟ 
" زين ورامي قاعدين يبصوا لها بقرف " 
يميل رامي على زين : مش قولتلك .. كائن رغوي
زين : والله فيها شبه من الاخطبوط 
هنا وهي عنيها في طبقها : مفيهاش حاجة غريبة يا شباب ، چيسي حبيبته بردو ، ومن حقها عليه انها تحس انه بيخاف عليها ، ومفيش مانع من الدلع الاوفر يعني 
ياسمين بستفزاز : والله بتقولِ حكم يا هنا 
حمزة : الغريب ان هنا مرتبطتش لحد دلوقتي ، مع اني مشوفتش حد مبقاش معجب بيها من اول ما شافها ، ده غير معجبينها نفسهم 
هاني : يسطا ما انت مرتبطش لحد دلوقتي ، وانا وكلنا ، مفيش غير كريم 
زين يبصلها بنظرة أب لبنته : ومين قالكوا اني هديها لحد اصلا … هنا دي اغلى حاجة في حياتي ، مش هأمن عليها مع حد غيري ابدا 

" تبصله هنا بحب " 
كريم : ولا انا الحقيقة ، معتقدش اني هعرف اتوافق انا و حبيبها المستقبلي 
هنا : انتوا سبتوا الغُنى و اشتغلتوا خاطبة اليومين دول ؟ ، انا لا هرتبط ولا هتنيل ، بلا هم يا عم … انا كلت هقوم اعملنا عصير 
ياسمين : ياريت متعمليش حسابنا 
كريم : ليه انا عايز 
" يضحكوا في سرهم ، تقوم هنا ويفضل زين معلق عنيه عليها " 
ياسمين: عايزة اتمشى معاك شوية لوحدنا يا كريم ، ممكن ؟ 
كريم : انا كمان خلصت اكل ، يلا ، تسلم ايدك يا رامي 
رامي : بالهنا يا حبيبي 
" ياخدها ويقوموا " 
رامي : ربنا يعينك على الكائن الرغوي الي انت ماشي معاه ده 
هاني : يارب بس متلتهموش وهما لوحدهم كدا 
حمزة : يا أخي قول متبهتش عليه ، انا مش متخيل لو اتجوزها هيبقى عامل ازاي.. 
زين يلتفت ليهم بحزن : يتجوزها ؟!! ..