اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
• My Strong Girl 🏋️🖤• " الحلقة الثامنة "
" يمر اليوم ، الساعة ستة بظبط يوصل زين اسكندرية ويدخل البيت ، يلاقي هنا قاعدة في البلكونة ، تلف وشها ببرود و تشوفه وترجع تبص للبحر تاني ، يتنهد بخنقة ويروح يبوس دماغها ويقعد جنبها " هنا : انا قولتلك اني عايزة ابقى لوحدي يا زين زين : مكنتش هقدر افضل في القاهرة وانا عارف انك بالحالة دي " الدموع تتجمع في عنيها و غصب عنها تعيط ، يقوم و يخدها في حضنه ، تدفن دماغها في حضنه وتفضل تعيط " هنا بعياط : اتكسرت قدامه يا زين … عمري ما كنت بالضعف ده … بقيت اضعف من ورقة الشجر … عمري ما جيه في بالي انه هيجرحني بالشكل ده ابدا .. " يخرج وشها من حضنه و يمسح دموعها " زين : انتِ مش ضعيفة يا هنا ، لا عمرك كنتِ ولا هتكونِ … الي عملتيه ده خلاكِ اقوى مما تتخيلي … انتِ مش بس قوية البنيان … انتِ قوية القلب هنا … ودي صفة جميلة اوي " ياخدها في حضنه تاني و يبوس دماغها "
" عند كريم ، يخبط على باب بيت ياسمين ، تفتح وتبتسم " ياسمين : الله انت رجعت من الغردقة .. كويس انت وحشتني اوي .. ادخل " يدخل و يقفل الباب وراه بغضب " ياسمين : استنى هجبلك حاجة تشربها " تيجي تمشي يمسك ايديها و يفتح المكالمة ، تقف و تتثبت مكانها وعلى وشها ملامح الخوف " ياسمين بخوف وارتباك : اي.. ايي الهبل ده .. مين الي بعتلك الكلام ده ..المكالمة دي متفبركة … كريم انا بحبك انت والله مبخ.. " يقاطعها بقلم على وشها من قوته تقع على الأرض ، يقعد على ركبته و يمسكها من شعرها ، تصرخ " كريم بغضب : القلم ده .. عشان لسانك جاب سيرة هنا بالسوء في مرة " يرفع دماغها و يضربها بالقلم تاني تقع مرة تانية " كريم: وده ، عشان عقلك جابك و فكرتي تستغفليني " يمسك دماغها و يرزعها في الأرض مرتين " كريم بغضب : انا المرادي حذرتك … لكن وديني .. لو شوفتك في مصر كلها تاني يا ياسمين .. هيكون اسود يوم في عمرك .. ده طبعاً لو ربنا كتبلك عمر و عيشتي بعديه " يرزعها في الأرض مرة كمان و يسيبها ويخرج من البيت ، يركب عربيته يلاقي التليفون بيرن " كريم : ايوة يا هاني … لا مش هقدر … لا هقدر احط عيني في عينها ولا في عين زين حتى … تمام ..سلام " يقفل و يتنهد بخنقة ، يدور العربية ويسوق ، يوصل البيت ، يدخل و يقعد على الكنبة بهدة ، تقع عينيه على كيس الملاكمة ، يسرح فيه •
