فتاه في احضان معتقل

البارت لاول 🔥

قصة حقيقية
السنه 1990
العائله
خديجه ويسموهة ام مهدي
اﻻب كرار ويسموه ابو مهدي
اوﻻدهم مهدي وعمرهة ٢٠سنه عطال بطال معتمد على ابو٠
المهنه
مطيرچي٠٠٠٠٠
مدلل امه حته المدرسه مكمله ٠٠٠٠
يطفر من حايط المدرسه من ايام اﻻبتدائيه ويعبر شارعين ٠٠٠٠٠٠
خافت عليه وبقته بلبيت يمهة وكدام عينه ويسالوهة ادكول

هو هل الوليد  الوحيد٠٠٠الي وبنيتي ليلى اشعندي غيرهم

خديجه مصار عدهة جهال السبب٠٠٠٠
ليلى حفظته من كثر مسمعته

ام ليلى
جنت حامل بيج وصارت ولادتي٠٠٠ متعسره رحت للقابله ام عماد
كتلهة عندي وجع وانزف
القابله ام عماد
خيه انتي ﻻزم ترحين للمستشفى ﻻن عندج نزف وما اكدر اخاف ينفجر رحمج و تموتين بيدي
خديجه
فدوه ام عماد منو يوديني فلوس ماعندي  متعرفيني كوه مدبره العيشه
(وهي تتوجع)
خليني بلكت اجيب على ايدج
ام عماد
ولج خيه ام مهدي  انتي متفتهمين الي اكوله ٠٠٠
مو اني ماعندي رخصه ٠٠٠ ايغير اذا صارلج شي
همست
ادخل بسين وجيم
و يمحون الجماعه من الوجود تقصدبيه( شرطه الحكومه بذاك الوكت )
بعد ملحتي وياه ٠٠٠قبلت ٠٠٠بس ردت اموت بيديهة ٠٠٠ وباخر نص ساعه تلاحكوني
٠٠٠٠٠
خابرت ام على اﻻسعاف وجوي اخذوني جنتي انتي اله اشويه اتموتين
شاربه مي الراس٠٠٠٠
جبتج بعمليه وشالوا الرحم بعدهة
ليلى العمر 17 سنه
جميله بشكل٠٠ شعر اسود طويل عيون رصاصي بيضاء البشره مدبدبه ٠٠٠
متروسه الجسم ومتوسطه الطول
ليلى
يمه والله مشتهين دولمه
اﻻم
يمه الدولمه رايدلهة هواي مواد اولهة لحم وخضره سلك وباذنجان وبصل وتمن ووو٠٠٠ هوايه مواد هاي امنين اجيبهن وابوج منطيني بس خمس ادنانير

ليلى
هاي اشوكت اتصير حياتنا زينه وناكل اﻻكل الي عباد الله ياكلوه ؟؟؟؟ من٠٠٠
اجي من المدرسه اشم ريحه شكل ابيت جوارينه
اليوم اشم ريحه٠٠٠٠ دولمه من بيتهم تطلع ٠٠شمي بودي  افوت البيتهم واكللهم فد ماعون
انتوا ماعدكم احساس؟؟؟ مو احنه جوارينكم
معليه اني اريد دولمه

( جان الوكت حصار على الشعب كله ماكو ذاك من ذاك الي حالته زينه ابمنطقتنه  و
٠٠ ٠٠٠
عددهم قليل وينعدون على اﻻصابع ومعروفين بﻻسم  يسموهم بيت ابو  (فلان )

اهل ليلى مأجرين مشتمل ابوهم موظف ٠٠٠٠

راتبه قليل٠٠٠
يروح نصه للايجار ما يبقالهم غير شكم
دينار لازم  يعيشهم شهر بكامله
  لكن امهم خديجه جانت شاطره تبيع
مﻻبس اجيبهة من اﻻورزدي النسوان منطقته واتجمل عليهن اشكم فلس وتعيش بيه عائلته وهيجي ادكول
اساعد رجلي واعيش بلحلال مو عيب٠٠٠
خطيه ليلى تظطر تسمع من هذا وذاك بت الدﻻله جتي وبت الدﻻله راحت
خديجه
هسه روحيلي على بيت ام نور بلكت تنطيني باقي الطلب وبيت مرت الشهيد ام احمد  حته اكدر اسويلكم غده يالله بسرعه ابوج على جيه

ليلى
هاي بعدح ممسويه غده مو ميته جوع اكولج راح اتخربط ٠٠٠٠٠وانتي هم
ﻻ تنطيني خرجيه للمدرسه اشوف البنات يشترن من الحانوت اشكال والوان لفات وحلويات بس اني اباوع
واظل٠٠٠ اتمطك خرب حظي على هل العائله ليش مسويتني ربي بت ام نور جوارينه
خديجه
اسكتي وانجبي احمدي الله واشكري انتي عايشه

احسن من غيرج تاكلين وتلبسين مو مثل عوائل ﻻ
ملاكين  الخبزه اليابسه بيوت ماعدهم  نايمين بلشوارع٠٠٠ هاي من هسه تبريتي منه ليلووو٠٠لو تزوجين اشلون يمكن ماتمرين من يم بابنه حته٠٠٠٠٠

ليلى
اتندمت
اعرفهة تنضال لجل العيشه ٠٠٠٠
امي٠٠٠ من ضمن النساء المناضلات بحياتهة لجل عائلتهة تعيش بهل الزمن الصعب

ركضت عليهة  وحضنته وبستهه من خدودهة٠٠٠
اتأسف منهه واخذ رضاهة
امووح اموت عليج شعندي غيرج انتي وبابه
هذا ياهو الي يخليني اتبره من اهلي علموده يخسه
اسفه٠٠٠ بس بطني٠٠٠تعرفيهه هي السبب من اتجوع اتصير ظالمه تفقد متشوف ياهو كدامهة
اﻻم
يله يله كافي لواكه ام ثرب هسه مثل ما كلتلج روحيلي على ام نور ومرت الشهيد ام احمد

صار يمه
اﻻم
ها ديري بالج ادخلين بيتهم خصوصا بيت ام نور عدهم ولد اخاف   هسه جايين من الشغل
وهذا احمد ابنهم  مو راحه اشوفه ٠٠ يبصبص على البنات

اهووو لعد مدزين ابنج الشفيه مهدي لو تخافين عليه دلوعه ماما
تخوصرت
ام ليلى
شالت النعال٠٠ وركعته بيه اله شويه تجي بيهة  لو ما هي سريعه فلتت منهة
ضحكت اﻻم على بته الي جنهه ولد مينخاف عليه هي ابميت رجال٠قطه شرسه٠٠٠تخرمششش الي يكربهة  ٠٠٠ لكن ٠٠٠داخله طفولي وبريئه
 
ليث
العمر 23 سنه
المهنه ضابط
البشره اسمر  الطول ١٨٠
لون الشعر اسود العيون عسليه
بحكم شغله بي طبع
شرس يحب٠٠٠
التسلط يكره الي يوكف بصفه ويﻻسنه
اعزب٠٠٠
يحب وينحب ع كولته
شعندي  متزوج

وماكو مره تعصي عليه

جان كاعد يتفرج على قناه اسمه (قناه الشباب)  معلي الصوت ٠٠٠٠
البطله تصرخ  عصابه خاطفيهة ٠٠الصوت عالي
  فلم اجنبي والوقت ٢ال ظهر  صیف شهر تموز

متمددع القنفه٠٠٠٠ كبال  المبرده٠٠٠ ﻻبس بس  فانيله بيضه وشورت ٠٠٠٠ الكل نايم شامر ملابسه على القنف