360درجــه " الجزء الاول "
نـزار روحـت. !
رفعـت راسـي بعـد صـدمتـي بكلامهـا كـان خويـا نازل من الـدروج و فاتحلـي أيديـه. ! كنت حاس وقتهـا بـ أن جسمـي و ثقيـل هلبـا. بلعـت ريقـي بصعوبـه و هزيتـلا راسـي بـ أها.
جـاء هو و سلـم عليـا و انـا انتـحـرك و خـلاص مـشقادر ننطـق ولا انبـادل بـِ شـي " أعضائـي جـامـدات و صـدري يرقـا و ينــزل و أيديـا الوحيـدات لـ يرجفــو "
وليـد شـدلـي يـدي و ضغـط عليهـا و هـو عاقـد حواجبـه. : نــزار؟
انـا بحـثث فيـه و بصـوت راعـش. : امـي ويـن. ؟
وليـد استـك و قعـد أيبحـث فيــا و انـا عقـدت حواجبـي و بصـوت أعلـئ. : وليـد قتلـك أمـي وينهـا ، تكلــم. !
وليـد. : أمـي فـالداخـل برالهـا. و خيـرك تتكلـم هكـي!
انـا هزيت راسـي و خشـيت جـوا نحيـت السبيـدرو أبتـاعـي و بديت أنـادي عليهـا لين طلعلـي صوتهـا من دارهـا اتجهتلهـا طـول
فتحـت البـاب و جت عينـي فـ عينهـا و طـول دمعتـي سبقـت حـروفـي و كـلامـي و دمعتـي طـاحـت. صكـرت الباب و قدمتلهـا قعمـزت ع ركبيـا الـزوز قـدامهـا و أول كلمـه طلعت منـي. : عــلاش يـا امـي علاش. ! مـش انتِ عارفـه بالقصـه و ما فيها 💔
امـي حطـت أيديهـا وقتهـا ع وجـي و خــدودي. : مـرت خـوك ولت و انت انسيتهـا يا نـزار علاش تحـرم في روحـك من هالـزواج.
انـا شبحتـلهـا بـاستـغراب. : هـانك عارفـه يا أمي انـي كنت رايدهـا لكـن هـي رخـت الحبـل بيـا و مشـت لخويـا ع خـاطر رزقـه و نفـوذه. ! لكـن علاش أختهـا علاااااش. ! راهـي حريقـه و جمـره فـ قلبـي بالله عليـك
امـي شـدتلـي أيديـا الـزوز و تنـهدت من وسـط خاطرهـا. : امهـا ددللت بيهـا عليــا و انـي مـقدرتـش نردهـا. 💔
انـا انصـدمت و شبحتلهـا : ع حسـابـي انـي ! امهـا أتدلل بيهـا و انـي نـاخـد ع حسـاب نفسـي. !
امهـا: لا ولله ي أوليـذي البنيـه مريضـةة سرطان وأنت عالـم بحالهـم لا ليهـم ملـك يبيعـو ولا ليهـم دباره يدبروهـا و الام شكت حال بنتهـا ليـا و تزبط حالتك و تعالجهـا و هـي امها قالت كان تعالجت برا حتا طلقها بعدها
انـي راسـي وقتهـا دخـت مـعاش كلمـت سحبـت أيديهـا من أمـي و بستهـا ع راسهـا و نضـت طلعـت من الـدار لـ وسـط الحـوش لبسـت السبيـدرو عفاسـي وقتهـا و طلعـت رجليـا انجـر فيهـم جـر ورايـا فتحـت السيـاره رميـت روحـي فيهـا شغلتهـا و تحـركـت لـ وجـهه لـ مكـان منعلمـاش وقتهـا الـي كنت رايـده أن بنبعـد و نرتـاح !
فـي حوشنـا " فـي الـدور الثانـي "
أزدهار : ايوه مـاما اي شوره مـش رايدهـا راه. ! أي أي ماليـشي 5دقائق دخل لامـه وطلع. يلا بالله عليـك أن شاء الله ياخدهـا و يعالجـها. " ضحكـت. " أي ي كبدي الفلوس مكـدسات ع قلبـه حتئ هو كابتن من بلاد لبلاد اكيد قريشاته من جميع العمـلات .... باهـي هي وينهـا كنزي اعطيهالـي؟ راقده. ! باهي خلي انوض لوليـد و توا انجيكم. هي بالسلامـه.
"صكـرت الخـط و نـاضت جت عينهـا ع حبـوب وليـد بتـاع الضغـط "
ازدهـار : قاعده في بدايـه عمـري و انعاني في حبوبه و ضغطـه. ! فلوس ملـولي عيونـي و خديته اكبر مني بقداش عـام. " و خشـت عليـه كـان متمـدد عالسريـر و ع رجليـه حـاط اللابتـوب و أيتكلم بـالكاميـرا ينهي ف موضوع سيـارات أول ما شبحهـا ضحك من قلبـه 💚و انهئ المكالمـه "
وليـد. : مولـيه حلوه بزيـاده. راه
ازدهـار أبتسـمت و مشت جيهةة الـدولاب. : حبيبي ترفعني لهلي ماما مريضـه شويـا
وليـد استـغرب: لاباس خيرهـا. ! نرفعهـا لمصحـه ولا حاجـه
ازدهـار شبحتـلا. : قـداش مـره أنت تبي تعايرنـي و تعاير عيلتـي بالفقـر. ! كان حالهـا يستـاهل مصحه را رفعوهـا
وليـد: فقر شنـي حبيبتـي. انـي وياك واحـد راه و معليـش كانه زعلتـي من كلامـي نراضيك راه 💚
ازدهـار ابتسـمت و بدت تطلـب فـ الطلبـات. كانت متجاهلـه نعمـةة حُب وليـد ليهـا كـان حُب أعمـئ فيهـا تخلـق فالمشـاكل من لاشي بـاش توصـل لـ الـي تبيـه. " لكن لامتـئ. ! "
طارق بصددمـه. : نـزار. ! حـي ع جدك شن الي ف أيـدك. !
انـا ضحكـت و في يدي شيشـةة وسكـي لاول مـره ف حيـاتي نخش عليـه. : قلبـي يا صاحبـي يوجع فيـا بكل
طارق قرب منـي فك الشيشـه : من أمتـئ تشرب فالبـلا ينعن..... " ركـز ف اعيونـي كويـس " تبكـي انت. !
انـا حطيـت يدي ع قلبـي: ولله ما عـاد قادر ي اطروقـا لا قـادر انكمـل لا قادر نوقـف و الخاطـر عـاف هالدنيـا بطولهـا تعبـان للـنهايـه
طـارق قعمـز قدامي عالبحـر: ولله اتصلت بيـا عزقت الاستوديـو بـ اللي فيـه و جيت
انـا تنـهـدت و أعيونـي االبحــر و انـا حـاس هالمـوج يجـي عليـا و أيغـرق فيا عنـد قاع البحـر و مشقـادر نطلع حـاس روحـي مربـوط.
طـارق : فيهـا خيــره لـك حتئ لو النصيـب مجـربه من دمهـا
انـا. : اختـهـا ي طارق انت عـارف قداش عشت معاهـا و شن عشت معاهـا لا يوم لا ليله.
طـارق غمـض أعيونـه. : مالا انـي اليوم شبحتهـا و في أيدهـا جنينهـا شينـك دنيـا و شينـك غيـه
شبحتـلا و شبحلـي و ضحكنـا. " لنـا الله "
غمضـت اعيونـي بانـزعـاج من صـوت تليفونـي الـي له حوالي 5دقائق يرن بشكـل متواصـل.
جبدتـه كـان رقم غريب متصـل لـ حوالـي 7 مـرات و فـيه مسـج فتحـت ععليـه. "السـلام عليكــم اسفـه للاتصـال بس صدقنـي لازم ان نتكلـم معـاك انـي كنـزي "
انـي. : اخـت ازدهـار هـادي. ! عـلاش متصـله بيـا هه شورهـا بترمـي روحهـا عليا زي امهـا.
مكملتـش كلامـي الا وهـي متصلـه من جديـد وقتهـا تعفلقـت بزيـاده و رديـت بعصبيـه. ...........
يتبــع فالجـزء القـادم.
مُلاحظـه. " امـس منزلتـش بسبب انقطـاع الضـي و الجزء الجاي اعتمـادا عالتفـاعل بعون الله حينزل + تقدرو اديرولـي متابعـه باش اي شي ينـزل يوصلكم إشعـار "
