فزينته بالنجوم

الجزء الأول

( في الساعة الرابعة فجرا )

- : مالك في ايه انت كويسة يا بنتي
هذا ما اردف به مصطفى والد جيلان عندما استيقظ من النوم على سماع صوت بكائها من الأعلى وذهب مسرعا الى غرفتها

جيلان وهيا تمسح دموعها : مفيش يا بابا كان بس مجرد كابوس
ذهب مصطفى وجلس على طرف السرير واقترب منها ليحتضنها ويواسيها : معلش خلاص اهو حلم وراح متعيطيش وكملي نوم

جيلان ببكاء : لا انا خايفه اوي خليك جمبي
قال مصطفى وهو يربت على ظهرها كي يهدئها : منا جمبك مش رايح في حتة

لتقول جيلان بصوت منخفض وهيا تحتضنه : انت مش هتسيبني صح !
ليقول مصطفى : انا معاكي علطول وهفضل دايما جمبك

بعد ساعتين جلست جيلان على مائدة الأفطار مع أباها فهيا لم تستطع النوم بعد ذلك الكابوس الذي حلمت به ليلة أمس ظلت جالسه في شرفتها شارده حتى اقلع الصباح

والآن هيا شاردة أمام طاولة الأفطار تأكل فطورها ولا تفكر بشيء اخر فعقلها لا يزال يستوعب هذا الحلم المرعب
قاطع شرودها اهتزاز هاتفها الذي دائما تضعه بوضعية الصامت
لتجيب على صديقتها المقربه هنا وتقول : نعم!!
: جيلان محتاجاكي ضروري جدا جداا
خير في ايه : هذا ما قالته جيلان وهيا تقلب شوكتها بملل منتظره ماذا سوف تقول هنا
هنا : في ورق بابي قالي عليه ابقى اوديه لحبيبة انهارده ومحتاجة اعمل shopping بسرعه واجيبلي اي لبس

لتقول لها جيلان وهيا تضع الخبز بفمها : ها وبعدين
هنا بتوتر : ها وبعدين ايه بقولك هقابله! هشوفه!! انت متخيلة يعني لازم يكون شكلي حلو

بالطبع لم تستغرب من تصرفات صديقتها فهيا كل فترة تعجب بشاب جديد واسمته حبيبه لأن هنا لا تريد قول اسمه الحقيقي

flash back ...

جلست جيلان على سريرها وسألت هنا بقلة اهتمام : وهو مين بقا الجديد الي انتي بقيتي معجبه بيه؟

لتشرح لها هنا بحماس : بصي دا حاجة غيرهم خالص حاجة جديدة كدا وحلو اوي بجد عكس اي حد انا حبيته قبل كدا

وعرفتيه ازاي هذا ما قالته جيلان باهتمام وهيا تأكل رقائق الشيبسي الموضوعة على سريرها

لترد هنا : هو ابن صاحب بابي وبابي يعرف ابوه من زمان اوي بس ابوه كان مسافر برا وقت طويل ورجع من فترة وبس وعرفته

جيلان : اسمه ايه ؟

اخذت هنا كيس الشيبسي من جيلان لتضع يدها داخل الكيس وتسحب واحده وتأكلها وتقول لجيلان مع غمزة وابتسامه على : امممم خليه سر هبقى اقولك بعدين ايه رأيك نسميه اسم بنت ويكون بينا احنا الاتنين نناديه بيه؟

اردفت جيلان بحماس : ايه رأيك في حبيبة ؟؟؟
هنا : حلو حبيبة جميل
لتنظر جيلان لهنا بابتسامه مامرة وتقول لها حبيبة دي عاملة ازاي اوصفيلي شكلها
لتتنهد هنا وتضع يدها على قلبها بدرامية: مش هتصدقي حلو اوي لدرجة بس ما اشوفه من بعيد بحس قلبي هيتشال من مكانه ولما بشوف عيونه بحس اني سرحت فيها كدا وفلونها الازرق
جيلان : عينه زرقه يعني؟
هنا : بالظبط
لتصرخ هنا بحماس وتنط فوق السرير: مليش دعوة حلو اوي بجد لازم اتجوزه
لتحاول جيلان تهدئة صديقتها المجنونة التي كل فترة وبرهة تعجب بشاب جديد وتستمر بالقول انها سوف تتزوجه
end flash ...