مسيرة حب

الجزء الاول

(مسيرة حب)
[القاسي و البريئه 2]
"الجزء الاول"
بعد 25 سنه من زواج اروي وياسين
كانت اروي واقفه ورا ياسين بتلبسه الجاكت
ياسين:25 سنه وانت بتقلعيني الجاكت و تلبسيهولي يا ملاكي
اروي:وهفضل لاخر نفس فيا اعملها يا عمري
ياسين بحب:كل سنه وانت طيب يا حبيبتي النهارده بقالنا 25 سنه متجوزين
اروي:وانت طيب يا حبيبي
نزل ياسين واروي للفطار
دخل ياسين بهيبته المعتاده وهو ماسك ايد اروي
ياسين:صباح الخير
الجميع:صباح النور
شد ياسين الكرسي لاروي تقعد
رعد:ايه يا بوب كبرتوا بقا علي الحاجات دي
رعد ياسين الصادق 24 سنه نفس وسامة باباه وشكله في كل حاجه حتي طباعه القاسيه والهاديه ظابط شرطه جديد ومتعلق جدا برمزي
ياسين:دا انت اللي كبرة انما انا و مامتك لسه شباب واعيش وادلعها
تالا:بابي انا عايزه اتجوز واحد زيك
تالا ياسين الصادق 22 سنه طالبه في كلية الطب شعرها اسود و عنيها لون البحر و بيضا البشره
اروي:حبيبتي بابا مفيش ليه زي
فرح:طبعا بابي مفيش زيه
فرح 20 سنه طالبه في كلية الهندسه وشبه مامتها جدا
ياسين:حبيبتي انت
خبطت اروي ياسين في رجله
بص ليها ياسين و بهمس:بنتك هتغيري من بنتك
اروي بهمس:ما انت بتغير من ابنك
ياسين:احم اومال عز الدين فين
عز الدين:انا اهو يا بوب صباح الفل
عز الدين ياسين الصادق تؤام فرح في كلية اعلام يتميز بعيونه العسلي وبشرته الخمريه وجسده الرياضي
ياسين:انت كنت لسه نايم
عز الدين:قاعد طول الليل بذاكر بقا
سيف:بتذاكر بردو
سيف ياسين الصادق تؤام رعد دارس سياسه واقتصاد وايد باباه اليمين في كل حاجه شعر اسود وعنين بني  جسد رياضي متالق
ياسين:اومال كان بيعمل ايه يا سيف
سيف:لا يا بوب ان الله حليم ستار بقا ولا ايه يا قمر
قال سيف الاخيره وهو بيبص لاروي و يغمز ليها
ياسين بحده:ولد متبصش لامك كدا ومتقولهاش كدا
سيف :حاضر يا باشا
ضحك الجميع
عز الدين:لا احنا نتصور بقا في اليوم القمر دا
وقف الكل جنب ياسين واروي سيف ورعد جنب ياسين وتالا و فرح جنب اروي وعز الدين كالعاده هو البيصور
اتصوروا صورتهم المعتاده في سعاده
وانتبه الجميع لصوت رمزي من علي الباب
رمزي:خيانه انتم بتتصوروا من غيري
رعد:ابدا يا زوز دي حاجه كدا علي الماشي
ياسين:يا ابني عيب كدا اسمو عمو رمزي او بلاش عمو قولوا يا باشا زي
رمزي:عمو في عينك انت عايز الولاد يكبروني ولا اي يا توتو انت وفروحه تعالو هنا في حضني
مسك ياسين بناته واخدهم في حضنه
ياسين:بقولك ايه ملكش دعوه ببناتي انا بقول ليك اهو
رمزي:الله مش كنت من شويه عيب يا رعد دا اكبرمنك
منه من الخلف:و مزعلني كمان يا رعد
ياسين بحد وهو بيبص لرمزي:انت مزعل منون
رمزي وهو بيقرب من ياسين:هي مين اللي منون يا خويا ما تحضرينا يا رورو
قال رمزي الاخيره و هو بيغمز لاروي
ياسين:رمزي هضربك
سيف و رعد وهما واقفين في النص بين رمزي وياسين وبيضحكوا
-خلاص بقا يا بشوات مش كل مره كدا
تالا:الله انا عايزه حد يبقا زيكم كدا
فرح:تفتكري هنلاقي
ياسين:حبايب بابا اصلا لو متشالوش فوق الراس يفضلوا في حضني
اروي:لا انا بناتي مش هتسيبني اصلا
جاسر:لي بس يا خالتو دا انا لما صدقة ياسين بيه وافق
جاسر رمزي المرشدي 24 سنه يتميز بعنيه السوداء والحاده جدا وشعره الاسود الكثيف و لونه الخمري يمتلك جسم رياضي يجعله تحت انظار كل البنات حاد الطباع جدا خارج نطاق اسرته
اروي:ما انتم هتعيشوا معانا هنا
منه:لا ابني مش هيبعد عني يا اروي
اروي:ولا بنتي هتبعد عني
اتحرك سيف و رعد ل اروي ومنه و وقفوا في النص
رعد:يا رورو يا حبيبتي انت يعني شيفاها هتمشي الوقتي
سيف:وبعديد احنا لسه حتي مش اتفقنا ولا حطينا البيه تحت اختبارات
جاسر:اختبارات ايه
رعد:لي هو انت مفكر انك هتتجوزها بالساهل كدا دا انت هتاخد توتو
جاسر:رعد اوعي دا انا اخوك
رعد:بس هي اختي
جاسر:ليك يوم
رعد:هنشوف
ياسين:طب يلا عشان نسافر بقا ولا ناوين تفضلوا قاعدين هنا
فرح ببرائه :رعد هو انا لما اجي اتخطب انا كمان هتعمل معايا كدا
رعد:طبعا مش لازم اطمن ان اللي هياخدك دا يستحقق
فرح وهي سرحانه:ممم طيب
رعد:فرح انت مخبيه عليا حاجه
فرح بتوتر:هاا لا ابدا يا رعد مش يلا ولا ايه
رعد بشك:يلا
خرج الكل من القصر و كل واحد ركب العربيه بتاعته
كان سيف حاسس ان هو مخنوق وبيبص حواليه
جاسر:قالت عندها امتحان و هتقعد مع ساره صحبتها
سيف:وانت وافقت
جاسر:مش هينفع اضغط عليها وانا عارف ان هي بتهرب من ان هي تقابلك يا سيف
سيف:عندك حق
ركب سيف العربيه واتحرك بسرعه قبل الكل
بصت اروي ل ياسين
ياسين:متقالقيش عليه ابنك راجل
ركبت اروي واتحرك الكل للمطار
.........................
وصل سيف تحت عماره وطلع تلفونه ورن علي واحده
سيف:انا تحت بيتك انزلي
قالها سيف وقفل
نزلت ساره صاحبة زينه
ساره:خير يا سيف
سيف:خدي الحاجات دي لما زينه تيجي اديها ليها ومش لازم تعرف ان هي مني
خلص سيف كلامه ومشي قبل ما ساره تتكلم
ساره:يا غبي ضيعتها وضيعت نفسك
.........................
وصل الكل المطار وكانوا خلاص هيتحركوا للطياره
فرح:بابي مش هتقولي رايحين فين بقا
ياسين:خمني كدا كان نفسك تروحي فين انت وتالا وزينه
فرح:باريس يا بابي
ياسين:طبعا
تالا وفرح وهما بيحضونوا ياسين
-انت احلي اب في الدنيا
اروي:سيف فين يا ياسين
سيف:انا اهو يا رورو
اروي:انت كويس يا حبيبي
سيف:الحمدلله
رمزي:شوفتها
سيف:متقلقش انا وعدتك هبعد عنها
ياسين:احم يلا يا رمزي
جاسر:يلا يا تالا
رعد:لا يا بابا يلا يا تالا دي لما تبقا مراتك
جاسر:والله لردهالك في المعسكر يا رعد الزفت انت
اتحرك الكل للطياره وقبل ما يطلعوا
حسام:مش تستنوا شويه
ياسين:نفسي في مره توصل علي معادك
حسام:ابدا
فرح:انكل حسام
حسام:فرحتي
ركب الكل الطياره ومر ربع ساعه
رمزي:هو احنا مش بنتحرك لي
ياسين:لسه جلال
رعد:احم هو انكل جلال جاي
ياسين بخبث:اها جاي هو و بناته
عز الدين:الله
رعد:انت تخرس خالص يا عز
دخل جلال و معاه مايا و ملك بناته
مايا جلال23 سنه طالبه في كلية سياسه واقتصاد اخر سنه عنيها عسلي شعرها بني تتميز بطيبتها وشخصيتها القويه
ملك جلال19 سنه طالبه في كلية طب عنيها خضرا وشعرها اسود بتتميز بطيبتها وهدوئها
اروي:اهلا اهلا يا بنات تعالو
مايا:اذيك يا طنط
دخل الكل وقعد في مكانه وكان رعد قاعد و عنيه عليها فهي حوريته الجميله
قطع الكل صوت علي باب الطياره:انتم لو كنتوا رحتوا باريس و سيبتوني كنت هقتلكم يا فرح انت و تالا
منه في دهشه:زينه
زينه رمزي المرشدي 22 سنه طالبه في كلية سياسه واقتصاد عنيها لون البحر شعرها لون الذهب تتميز بطيبتها الكبيره و حنانها
زينه:نعم يا ماما
رمزي:انت مش قولتي هتروحي لساره
زينه:انكل ياسين كلمني وقالي ان الرحله لباريس مش دهب زي ما حضرتك قولتلي وانا الصراحه هموت واروح باريس
ياسين وهو يضمها في حضنه:بعد الشر عنك يا زوزو
سيف:احم هي الرحله هتتحرك امتا
ياسين بخبث:حالا يا سيف
حس سيف بالراحه لوجودها رغم ان هو عارف ان هي مش مرتاحه
كانت البنات قاعدين سوا بيتكلموا عن الموضه والاماكن اللي لازم يرحوا يزروها
تالا:كنت هزعل لو كنت مش اجيتي يا زينه
فرح:وانا كمان
زينه:مش عايزه اكون انا و هو في مكان واحد
مايا:زينه فكري تاني و فرصه احنا اهو مسافرين
تالا:طب قولي لنفسك انت
مايا:علي الاقل يا تالا سيف اتحرك هو اها اتحرك في الوقت الغلط بس اهو اتحرك لكن رعد مش بيتحرك
فرح:انت عارفه رعد يا مايا ديما بيحسب كل خطوه
زينه:الدور و الباقي علي القاعدين يسبلوا لبعض لحد ما لو انكل جلال شافهم او انكل ياسين هيقتلهم يا ملك هانم
ملك:عايزه ايه ما انا مش بشوفه غير كل فين و فين
فرح:بس هو بيشوفك
ملك:ما انا عارفه ودا اللي غايظني منه
مايا:المهم هتفكري تاني يا زينه
زينه:مش عارفه
قالتها زينه وهي بتقعد مكانها وبتسرح و تفتكر اللي حصل
................فلاش باك..................
كانت زينه من وهي صغيره متعلقه بسيف جدا رغم ان هو كان ديما بارد معاها لكن كان حمايتها وضهرها
كبرة علي حبه واهتمامه بيها وبكل تفاصيلها لحد ما دخل الكليه وبداء اهتمامه يقل ليها
دخلة زينه الكليه معاه رغم الفرق بس عشان تكون جنبه
قالت ممكن اهتمامه يرجع لما تقرب لكن لما دخلت شافت ان هو خرجها من حياته اصلا ودا نتيجة ان اجت واحده تانيه اخدته
اتفاجئت زينه ان هو يعرف واحده اسمها ميار والجامعه كلها عارفه بعلاقتهم وان هما بيحبوا بعض
انهارت زينه و كانت شايفه ان هي خلاص بتفقده لكن حسمت امرها ان هي هتعترف ليه بحبها وهو اكيد هيسيب البنت التانيه
في يوم كانت زينه في القصر هناك
زينه:خالتو سيف فين
اروي:في الجيم يا حبيبتي برا
سبيتها زينه وهي مش قادره تمشي من توترها وخرجة الجيم اللي في القصر
دخلة زينه وهي حسه ان هي هتفقد الوعي لشدة توترها شافت سيف بيتمرن
زينه:سيف
سيف:زوزو تعالي
دخلت زينه وهي بتترعش
زينه:عامل ايه
سيف:تمام مالك انت كويسه
زينه:اها انا بس كنت عايزه اتكلم معاك شويه
سيف:قول يا حبيبتي
فرحة زينه واتشجعت بعد كلمت حبيبتي
زينه:بجد حبيبتك
سيف بابتسامه:طبعا يا زوز دا انت اختي و زيك زي فرح و تالا من صغرك
زينه بصدمه:فرح وتالا
سيف:انت في ايه مالك
زينه بدموع:في ان بحبك ان كنت مستنيه رد تاني
سيف بصدمه:زينه انت بتقولي ايه
زينه:بقول ان بحبك ان عمري ما شوفت حد غيرك ان انت كنت كل احلامي دا انا دخلة الكليه عشانك وعشان اكون جنبك تقوم تقولي ان زي فرح و تالا
سيف بهدوء:زينه انا عمري ما شوفتك اكتر من اخت وانت عارفه ان بحب ميار
زينه ببكاء:انت كنت بتحبني قبل ما تقابلها انت كنت بتهتم بيا وبتحميني
سيف:بعمل كدا لان كنت بعمل كدا مع فرح و تالا كمان كنت بعتبرك زيهم
زينه بسخريه:زيهم بس تعرف انا اللي غلطانه ان فضلة اتعلق بيك يا سيف انا من دلوقتي بكرهك واياك تقرب مني او من حياتي تاني
سابت زينه سيف ومشت و وهي علي الباب
زينه:علي فكره ميار مش بتحبكو لو دورة وراها هتعرف الانا بقوله
خرجة زينه وهي منهاره وخرجة من القصر كله
.............نهاية الفلاش باك.....................
فاقت زينه من شرودها علي ايد بتمسح دموعها اللي نزلت وكان جاسر
جاسر:ليه اجيتي
زينه:مكنش ينفع ازعل انكل ياسين هو كلمني وطلب مني اجي كنت مفكره ان الموضوع هيكون عادي لكن انا تعبانه اوي يا جاسر اوي
جاسر:طيب يا حبيبتي اهدي
اخدها جاسر في حضنه وفضل يهدي فيها وهي بتعيط كانوا مش اخدين بالهم من اللي متابع الموقف من البدايه وهو في جواه نار ونفسه يروح يبعدها عنه لكن ما باليد حيله
في مكان اخر في الطائره
كانت اروي قاعده جنب ياسين
اروي:ياسين تفتكر السفريه دي هتفرق زي ما انت مخطط
ياسين:ان شاء الله كلهم ولادي يا ملاكي وانا عارفهم وانا اخترة باريس عشان باريس بلد العشاق والرومانسيه وبعيد عن مصر عشان مش فجاة الاقي حد رجع
اروي:يارب يا ياسين
وقف ياسين بصدمه لما سمع سيف و جاسر بيزعقوا لبعض
سيف:جاسر انا قولت سيبها
جاسر:وانا قولت مش هسيبها يا سيف دي اختي
كان سيف ماسك زينه من اديها وجاسر ماسك من الايد التانيه
وقف ياسين وراهم
ياسين:ممكن اعرف في ايه هنا
جرت زينه واستخبت في حضن ياسين
ياسين:اتكلموا يا بشوات
جاسر:كنا قاعدين بنتكلم انا وزينه وحضنها اجه سيف شدها مني ويقولي متحضنهاش وعايز ياخدها من جنبي يتكلم معاها
ابتسم ياسين علي ابنه فولاده اخدين طباعه في الغيره
ياسين:سيف احنا طالعين نغير جو مش عايز حد يكون زعلان طبعا انت فاهمني
وانت يا جاسر هو بس عايز يتكلم معاها مش هياكلها مش لازم تزعقوا بالشكل دا ويلا كل واحد يرجع مكانه
باس ياسين جبين زينه وقرب من ودنها وقال
ياسين:اجمدي لسه المشوار طويل شويه وتوصلي
ابتسمت زينه ورجعت مكانها تاني ورجع ياسين لاروي
ياسين:مالك بتبصيلي كدا لي
اروي:يعني مش عارف
ضحك ياسين بصوته كله لحد ما غمزاته بانت
اروي:كمان بتضحك
ياسين و هو بيتحكم في ضحكته:يا اروي يا حبيبتي دي قد بنتك وبنت اختك و بنت صحبي وزي بنتك يعني
اروي:بردو محدش يحضنك كدا غيري
ياسين وهو بيقرب منها:طب قربي كدا هقولك حاجه
قربت اروي :نعم
ياسين:مفيش حد يقدر ياخد مكانك ياحلوتي انت يا ملاكي
ابتسمت اروي :بحبك اوي
قرب ياسين ليها لكن بعد بعد ما سمع رمزي بيقول
رمزي:طب دا احنا حتي في طياره ومتشعلقين في الجو وبين ادين ربنا اتهد
ضحك حسام وقال
حسام: وهما دول بيفرق معاهم فاكر يا جلال لما كنا في ايطاليا
جلال:طبعا فاكر
كانت اروي تسمع ليهم و وشها بقا لونه احمر وياسين بيبص ليهم ببرود
ياسين:خلصتم بس بقا عشان احرجتوها وهقوم العب عليكم بوكس زي زمان
يتبع..........
بقلم الاء ابو العز