مسيرة حب

الجزء الخامس

القاسي والبريئة 2
مسيرة حب
الجزء الخامس
فتح الباب ودخل ياسين وكانت صدمه لمايا و رعد
ياسين بحده: انت بتعمل ايه هنا يا بني ادم
رعد: بابا انا.....
ياسين:انت اي يا باشا طب افرض حد غيري كان دخل و شافكوا  في الوضع دا كان اي اللي هيحصل ويتقال وقتها هااا.
رعد: يا بابا بس انا كنت بطمن عليها
دخل ياسين وقفل الباب
ياسين: تطمن عليها تقرب منها كده
كانت مايا تحت تاثير الصدمه مش بتتحرك
ياسين:مايا مايا
مايا بخوف:ايوا يا اونكل
ياسين:اهدي يا حبيبتي انت خايفه كدا لي
مايا:والله يا اونكل انا بس....
ياسين:اهدي يا مايا انا عارف ان هو كان بيطمن عليكي بس بردو مينفعش تقعدوا سوا كدا لأن انتم بتنسوا نفسكوا ولا اي يا رعد
هنا أيقن رعد أن هو مكشوف لوالده
رعد :انا اسف يا يابا هي غلطتي انا
ياسين محاولا تخفيف الجو
ياسين:اي مستعجلين اوي كلها شهر يعني.
خجلت مايا من تلميح ياسين
مايا:انا اسفه يا اونكل
ياسين:بس انتوا اشقيه اوي فكرتوني بنفسي
رعد:واضح أن حضرتك كنت شقي اوي انت وماما
ياسين:لا مش اوي انا مقربتش من اروي غير وهي مراتي بس كان في شوية شقاوه قبل اروي
مايا: طنط اروي لو سمعت
ضحك ياسين ضحكته الجذابه
ياسين:طنط اروي عارفه كل حاجه من يوم ما اتولدة لحد الان
رعد:طبعا اروي هانم بتكون عارفه كل حاجه وقبل اي حد
ياسين:المهم اللي حصل النهارده دا ميتكررش تاني
رعد :حاضر
قربت مايا من ياسين وحضنته
كان ياسين فاهم معني حضنها لكن عنيه اجت علي رعد اللي كان باين عليه هيموت من الغضب
بعد ياسين مايا بحنان وباس جبنها
ياسين:يلا يا رعد نشوف اللي ورانا
رعد:ثواني وهاجي
خرج ياسين وفضل واقف يسمع اللي كان متاكد ان رعد هيقوله
رعد بحده:تاني مره متتكررش
مايا باستفهام:هو اي دا اللي ما يتكررش
رعد:انك تحضني راجل غيري حتي لو ابويا ولا اقولك حتي ابوكي شخصيا
خرج رعد من غير ما يسمع رد مايا
.................................
في المكتب
كان رعد قاعد قدام ياسين
ياسين:رعد اظن مش محتاج اتكلم في اللي حصل دا تاني انت عارف ان غلط
رعد:اسف انا كنت بس بطمن عليها وفجاه لقيت نفسي كدا
ياسين:بص يا ابني حافظ عليها هتلاقيها معاك وفي بيتك مش هتحافظ عليها انساها لأن البدايه اللي مترضيش ربنا النهايه مش هترضيك
رعد:حاضر
ياسين:انا مش بقول انك تمسك مشاعرك لا اتكلموا وعيشوا وحبوا بعض مضيعش وقت لكن بحدود سيب نفسك يا رعد وعيش
رعد:بعد اذن حضرتك
خرج رعد وهو كل تفكيره في لي الكل شايف أن هو مش سايب مشاعره رغم أن هو سايب مشاعره بس بطريقته
رعد:انا مش بعرف اكون رومانسي بس بعبر بحمايتي ليها ديما مش بعرف اعبر عن مشاعري واتكلم
...............................
كانت مايا قاعده في السرير وكل اللي بتردد علي مسمعها"بحبك يا ملاكي"
مايا:يااااه يا رعد اخيرا بقالي سنين مستنيه اسمعها منك
خبط الباب واتفتح ودخل جلال
جلال:حبيبت بابا صاحيه
مايا:ايوا يا بابي
دخل جلال وقرب منها وقعد قدامها
جلال:مايا مش عايزك تكوني زعلانه مني انا بس بحاول اخليكي تتقبلي الموضوع
مايا:مش زعلانه ابدا يا بابي انا بس مش قادره اتقبلها مش حساها
جلال:اعطيها فرصه مش هتخسري حاجه يا حبيبتي
مايا:حاضر يا بابي
جلال:في حاجه كمان عايز رايك فيها
مايا:اي يا بابي
جلال:طبعا انت سمعتي رعد وهو بيتكلم عن جوزكوا
مايا:احم ايوا
جلال:انا عارف انك بتحبيه يا مايا انا مش صغير وفاهمك بس انا خايف عليكي
مايا:من اي بس يا بابي
جلال:رعد صعب دا اصعب من ياسين في شبابه وخائف يكون بيعمل كدا عشان يحميكي أو ياسين اللي طلب منه كدا
مايا:يحميني من اي يا بابي
جلال:ولا حاجه
مايا:بابي هو حضرتك مش موافق علي رعد
جلال:لا طبعا رعد دا انا اللي مربيه لكن خايف من طباعه
مايا:بابي رعد اتكلم معايا وقالي أن هو محتاج أن اساعده بس شويه وهو هيتغير
جلال:يعني انت موافقه
مايا:ايوا احم اقصد اللي تشوفه يا بابي
جلال بضحكه:تمام يا حبيبتي هروح لملك وارفض الاتنين بقا
مايا:لالا لي كدا انا موافقه
جلال:اها منك انت ماشي ياستي لما اروح لملك
خرج جلال ورجعت مايا لوضعها وهي مش مصدقه اللي بيحصل وافتكرة مقابلها مع ياسين قبل السفر باسبوع
................................فلاش باك..................................
كان ياسين قاعد في مكتبه في القصر وقدامه زينه و مايا
ياسين:طبعا انتم اللي اتنين مش فاهمين في اي
مايا وهي بتضحك:ومن امتا وحد بيفهمك يا ياسين باشا غير طبعا اروي هانم
ياسين: بس يا بكاشه واسمعوا كلامي الآخر لو عايزين تخلص ا من وجع القلب دا
زينه:خير يا اونكل
ياسين:انت مش نفسك تجنني سيف وتخليه يتمني رضاكي  وانت يا مايا نفسك رعد يتكلم.
مايا:ايوا
ياسين:استفذوهم
زينه:يقوم عامل حاجه غبيه زي المره الفاتت
ياسين:بالعكس المره دي هيحسبها عشان ميزعلكيش
مايا:طب دي هنعملها ازاي
ياسين:مش احمد زميلك يا زينه هناك في فرنسا
زينه:ايوا
ياسين:خلاص كلميه وقبلوه وأخرجوا سوا
مايا:طب افرض حضرتك عملوا حاجه
ياسين:وانا موجود مش هيحصل
مايا:انا متاكده أن زينه هتنجح وسيف هيتحرك وهتسامحوا لكن رعد مظنش
ياسين: و لو اتحرك
مايا:هعطي لحضرتك حضن
ياسين بضحكه:اها يا شقيه انت
................انتهي الفلاش باك.................
ابتسمت مايا :كنت صح يا اونكل وكل حاجه اتصلحت
....................................
كانت ملك وعز الدين في الحديقه بيقراوا كتاب أو كالعاده عز بيقرا و ملك بتسمع ليه
جلال:بتعملوا اي
عز:بقرالها كتاب يا جلجل
جلال:انا هكون حماك علي فكره
عز:اكبرك يعني واقولك يا حمايا
جلال:اوعي اقتلك
عز:طب ما تقنع البوب واتجوز مع رعد
جلال:عايز اعرف مستعجلين علي اي لسه العمر قدامكوا دا انا متجوز 35 سنه
عز:انا عايز الحق العمر من أوله
جلال:بس يا عز
عز:طب تمام خاف علي بنتك بقا
جلال:قرب منها بس وانا اقتلك ممكن بدل كتب الكتاب تبقي خطوبه
وقف عز بسرعه وقرب من جلال و حضنه
عز:ابوس ايدك لا كدا مش هقدر بجد
جلال وهو بيضحك:مش سامع صوتك يعني يا ملك
ملك:بحب اوي اتفرج عليكوا بحب علاقتكوا
جلال:انا هروح ارتاح شويه بقا
مشي جلال ومسك عز الكتاب تاني
عز:يلا نكمل
هزة ملك رأسها بلا
عز:لي
ملك:انا جعلته يا عز
عز:تصدقي وانا كمان تعالي نروح المطبخ نصرف نفسنا لحد العشاء
ملك:يلا
................................
عند رمزي و منه
كانت منه واقفه في ڤرندا بتطل علي برج ايڤيل اجهز رمزي من وراها وحضنها
رمزي:حبيبي سرحان في اي
منه بابتسامه:في أيام ما كنت بشوفك من غير ما اعرفك ولما عرفتك وقد ايه انت طلعت حنين معايا وحافظت عليا وخوفك عليا
رمزي:ياااه كانت ايام
منه:رمزي
رمزي:روحه
منه:انا خايفه علي زينه
رمزي:والله اللي واصلي لسه أن هي وسيف اتصالحوا.
منه:بجد
رمزي:جاسر لسه قافل معايا
منه:ربنا يهديهم
رمزي:بقولك اي انا سبت القصر عشان العيال سيبك بقا منهم وركزي معايا
منه:ما انا معاك اهو يا رمزي
رمزي:لا انا عايزك كلك معايا دا انا حتي بفكر اجيب العيال اخ يلعبوا بيه
منه وهي بتضحك:اكبر بقا ابنك خلاص هيتجوز
رمزي:ما يتجوز انا مالي انا لسه شباب صح
منه:لا مش صح
رمزي بخبث:طب تعالي وانا اقولك مش صح ازاي
.................................
كان حسام داخل القصر شاف سيف وزينه قاعدين سوا
سيف:يا حبيبتي وافقي بقا
زينه:لا يا سيف انا هيتعملي فرح لوحدي انت عايز تضحك عليا
سيف:طب علي الأقل خطوبه مع الواد عز
زينه:هفكر
حسام:خير اي اللي حصل في الدنيا
سيف:اي يا حي انت فين يا راجل محدش بيشوفك
حسام:بس يا خفيف اي يا زوزو رضيتي عنه ولا اي
سيف:ياااه انت فاتك كتير اوي
حسام: لي اي اللي حصل
سيف:تعالي احكيلك
بدأ سيف يحكي لحسام كل اللي حصل من اول اليوم عن ظهور مامت مايا و ملك لاتفاق رعد وعز علي الجواز
حسام:هو غبت كتير اوي كدا
سيف:يووووه كتير اوي
حسام:اخر حاجه فكرها و زوزو بتديك علي قفاك
ضحكت زينه
سيف:عجبتك اوي
زينه:اوي الصراحه
حسام:بس اي اللي رجع ساره ولي الوقتي
سيف:والله اللي واصلي أن كلوا مش مرتاح ومتوقعين الاسواء وكلها ساعه وياسين بيه هيعلن حالة الطوارئ
حسام:حصل حاجه
سيف:مش عارف بس اللي انا اعرفه ان اللي هناك دا مش هيعدي الموضوع
نظر حسام لمكان ما يشير سيف وكان رعد قاعد وسرحان
حسام:طب لما اروح اشوف في اي
سيف:ايوا يلا
حسام:انت بتوزعني يعني
سيف:انا ابدا
كانت زينه بتضحك
حسام:طب اي رايك اخد اللي بتضحك من وقت ما جيت دي معايا وامشي
سيف:ارتكب جنايه فيها دا انا لما صدقت
حسام:اتقل شويه يبني مش كدا
................................
كان رعد قاعد بيفكر فيها وفي إحساسه وهي بين اديه وإن مجرد كلمه طلعة منها كأنها قضت علي كل التعب اللي كان جواه
حسام:بتفكر في اي
رعد:انت قاعد من امتا
حسام:بقالي دقيقتين كدا
رعد:عامل اي
حسام:كويس مالك يا رعد في اي
رعد:بفكر بس في الخطوه الجايه والمفروض اعمل اي واتصرف ازاي وكدا
حسام:لي شايف أن ظهور ساره هيعطلك
رعد:والله حضرتك انا بس مش مرتاح ليها حاسس ان تصرفاتها غريبه
حسام:لي
رعد:بابا قال هنتناقش في الموضوع علي العشاء افضل تسمع منه
حسام:طيب هطلع ارتاح شويه
................................
في المساء
كان الجو متوتر والكل مش فاهم حاجه
رمزي:في اي يا اروي اي اللي وصل ياسين الحاله دي
اروي:مش عارفه اجت ليه مكالمه و من وقتها وهو كدا
رعد:متعرفيش من مين
اروي:لا هو اخد جلال ودخل من وقتها وبيزعق كدا
فرح:مامي انا خايفه
قرب عز من فرح
عز:متخافيش يا حبيبتي بابي الوقتي هيهدا
خرج جلال من المكتب
جلال:اجهزوا هنرجع مصر الصبح
فرح:لي
اروي:في اي يا جلال
جلال بهدوء:مفيش حاجه خير
خرج ياسين من المكتب ووسع احمر وعنيه لون الدم وطلع اوضته في صمت
اروي:بعد اذنكم
تالا :نفسي اعرف مامي ديما بتروح ورا بابي وهو مضايق لي مش ممكن محتاج يكون لوحدوا
رمزي:باباكي من يوم ما قابل مامتك وهو مش ليختار بيكون لوحده ديما بيختار تكون هي معاه
........................................
طلعت اروي الاوضه شافت ياسين قاعد في ظلام وهدوء دخلة وقاعدة جنبه بهدوء كالعاده والتزمة الصمت.
بعد وقت طويل
ياسين:اروي
اروي:نعم يا حبيبي
ياسين: زعلانه عشان هنقطع الاجازه
اروي:طبعا لا انا بس عيزاك تهدي شويه الاولاد كانوا مرعوبين منك حتي رعد
ياسين:وانت خوفتي.
اروي:عمري ما اخاف منك انت اماني.ياسين:شكرا انك ديما موجوده جنبي
اروي:وهو انا ليا مكان غير جنبك
....................................
انقضت الليله ومفيش حد فاهم اللي بيحصل
في الصباح اتحرك الكل للمطار استعدادا للرجوع لمصر
وهما في طريقهم الطياره اتفاجئ الجميع بوجود ظابط بيبلغهم بمنع مايا و ملك من السفر
يتبع...........
بقلم الاء ابو العز ❤️