مسيرة حب

الجزء الثاني

الناس اللي مش عارفه الشخصيات تركز كدا يا جماعه دول حتي مش بيلخبطوني 😂
(اروي وياسين ولادهم رعد وسيف وتالا وفرح وعز الدين)
(رمزي و منه ولادهم جاسر وزينه)
(جلال ولاده مايا و ملك)
رعد بيحب مايا
عز الدين بيحب ملك
سيف بيحب زينه
جاسر بيحب تالا
كدا وضحت اهو😂
نبدأ بقا
بسم الله الرحمن الرحيم ❤️
{مسيرة حب}
[القاسي والبريئة 2]
(الجزء الثاني)
استمرة الرحله ما بين نظرات لعشاق وكلمات لعشاق آخرين وبكاء ووجع قلب آخرين
وصلت الطائره ارض باريس مدينة العشاق والمشهورة بالرومانسية والأزياء
ياسين:حمدالله على السلامه يا ولاد
فرح:بابي انا مبسوطه اوي اوي
ياسين:حبيبتي يارب ديما مبسوطه
تالا:بابي هو احنا هتنزل في اوتيل
رمزي:طبعا لا احنا هنروح القصر بتاع ياسين هنا
ياسين:لا طبعا مفيش حد بيدخل القصر دا غير اروي حتي ولادي مش هيدخلوا
رعد:اشمعنا يا باشا
ياسين:كدا
اروي:ياسين الولاد نفسهم يشوفوا القصر خلينا نروح هناك مره
قرب ياسين منها وهمس في ودنها:القصر دا كل ركن فيه شاهد علي حبنا انا مش عايز حد تاني يدخله
اروي بنفس الهمس:احنا نخدهم معانا بس منطلعش حد الدور بتاعنا بس منكسرش فرحة الاولاد
منه:نفسي اعرف بتوشوشوا بعض بتقولوا اي
ياسين:لما تكبري هقولك
منه:هو انا لسه مكبرتش يا ياسين انا عندي ولد وبنت قد ولادك
ياسين:خلاص هنروح القصر بس بشرط اللي هيطلع الدور الاخير فيه هيشوف حاجات مني مش هتعجبه
حسام:لي الاخير يا ياسين هاا لي
ياسين بص لاروي:اتفضلي مش هنخلص بقا
ابتسمت اروي واتحرك الكل للقصر
وصل الجميع امام بوابه كبيره اتفتحت اول ما أعطي ياسين الأمر
نزل الجميع بعد ما وصلوا أمام باب القصر الداخلي وكان الكل مبهور بجمال القصر فالكل كان لاول مره يشوفه معادا اروي وياسين وجلال
كان قصر أقل ما يقال عنه أن قصر ملك من ملوك كان كبير وعريق جدا ديكور بين الكلاسيكي والحديث متكون من 4 ادوار وجنينه كبيره فيها كل انواع الورود
فرح:وااااو يا بابي دا تحفه
زينه:تحفه بس دا اقل حاجه ممكن تتقال عليه
جاسر:هو انت بجد القصر دا بتاعك يا اونكل ولا بتاع رئيس فرنسا
ياسين وهو بيضحك:تفتكر قصر الرئيس هيتقارن بقصري
رعد:اكيد لا القصر دا ملوش مثيل
اروي وهي مبسوطه بفرحة اولادها:طب يلا ندخل
ياسين:قبل ما ندخل متنسوش الدور الاخير مفيش مخلوق يقرب منه
رمزي:عرفنا يا شقي خلاص
دخل الكل القصر ومن بداية دخولهم وبداء الكل باستكشاف  كل مكان معادا اخر دور
طلبت اروي من الكل اختيار اوضه عشان يرتاحوا فيها وهي طلعت مع ياسين الدور بتاعهم
دخلت اروي شافت ياسين بداء ينظم حاجاتهم
اروي:ياسين بيه بنفسه بينظم حاجاتي لالا كدا اتغر
ياسين وهو بيبتسم ويقرب منها:انا لقيتك مشغوله مع الأولاد قولت ابداء براحتي انا لحد ما تفضيلي
اروي:حبيبي انا بس محتاجه اطمن عليهم
ياسين و هو يضم اروي ليه:انا متاكد ان كل واحد فيهم هيرجع من الرحله دي وهو عارف هيعمل اي
اروي:ااتمني يا حبيبي
ياسين:انا بقول بعد حبيبي دي نعيد الذكريات اصل احنا مجناش هنا بقالنا فتره
ضحكت اروي علي جوزها اللي طول الوقت بيدلع فيها و يفرحها
....…..............................
كانت الشباب كل واحد فيهم اخد اوضه عشان ينام وكالعادة البنات متجمعين في اوضه واحده فهما بيحبوا يستمتعوا بكل لحظه ليهم سوا رغم أن ممكن كل واحده تاخد اوضه لوحدها
تالا:احنا هنام الوقتي و اول ما نصحي نقول لبابي ونخرج
فرح:يارب بس رعد وسيف يوافقوا
زينه:انا عن نفسي هخرج كدا كدا لأن هقابل احمد
مايا:مين احمد
زينه:احمد منصور يابنتي اللي كان معانا في المدرسه
تالا:اها افتكرته دا سيف مش بيحبه خالص
زينه:وسيف مالو انا عرفته وهو هيستناني يفرجني علي المدينه وطبعا انتو معايا
مايا:اكيد
ملك:طب ممكن تسكتوا بقا عايزه انام تعبانه
فرح:طبعا ما انت ولا علي بالك حاجه كدا كدا عز الدين مش بيتكلم
ملك:زيزو دا قلبي
زينه:طب نامي بدل ما حد يسمعك
نامت البنات وكل واحده مخططه لما تصحي هتعمل اي
..................................
كان في الوقت دا سيف اخد الحديقه بتاعت القصر جري عشان يهدي فهو كل ما في عقله أن هو عايز يتكلم معاها ويشرح ليها كل اللي حصل
سيف:وبعدين بقا مش قادر هي لازم تسمعني
جلال:انت اللي غلط ولازم تستحمل
سيف:اونكل جلال انت هنا من امتا
جلال:اولا انا مش اونكل انا اصغر منك يا بغل انت ثانيا انا متابعك من وقت ما جينا القصر بس كنت مستنيك تهدي لكن للاسف مفيش فايده نفس عصبيت وتسرع ابوك
سيف:هتجنن يا جلال مش قادر نفسي تسمعني والله هصلح كل اللي حصل
جلال:هيجي يوم وهتسمعك و لحد اليوم دا لازم انت تعوضها متستناش لحد ما تسمعك حسسها انك عايزها ومحتاج ليها و كل دا بافعالك مينفعش تتعصب وتزعق وتفرض عليها تسمعك بالحنيه يا حبيبي
سيف:طب و رمزي اللي رافض أن أقرب منها حتي
جلال:حقه انت عذبت بنته اتكلم معاه
سيف:مش بيسمعني
جلال:عارف وانت صغير كان ديما رمزي يقول أنا خلفت سيف من كتر ما كنت انت قاعد عندهم ومتعلق بيهم و يزينه وكان باباك يقول أنا بدلت سيف ب جاسر عشان كان جاسر قاعد طول الوقت جنب تالا وماشي في ضل ابوك هو و رعد
سيف:يعني اتكلم معاه تاني
جلال:طبعا بس بهدوء
سيف:شكرا يا جلال مفيش حد بيفهمني ويسمعني غيرك
ابتسم جلال وطبطب علي كتف سيف:انا كنت زيك كدا في يوم من الايام بس الفرق أن ملحقتش أصلح الأنا كسرته
سيف:ازاي
جلال :بعدين احكيلك المهم انت الوقتي هديت
سيف:احسن الحمدلله اطلع بقا اتكلم مع رمزي
جلال :الوقتي يبني استني لما الكل يصحي
سيف:لا مش هقدر لأن متاكد أن هي هتبدا تستفزني من اول ما تصحي ولازم اعرف اتعامل معاها
خلص سيف كلامه ومشي وساب جلال
.......................................
عند رمزي ومنه
رمزي:لا انا عايز نروح اوتيل
منه:لي بس يا حبيبي
رمزي:انت مش شايفه ياسين اخد الدور اللي فوق كله وسابني انا وسط الولاد وجلال وحسام
منه وهي بتضحك:يا حبيبي وفيها اي
رمزي:والله بضحكتك دي
منه:خلاص هسكت بس انت اهدي والانت عايزه اعمله
رمزي وهو بيقرب منها:احبك يا مطيع
ضحكت منه وكانت لسه هنتكلم لكن قطعهم خبط علي الباب
رمزي:ادخل
دخل سيف وهو باصص للأرض
منه:سيف تعاله يا حبيبي في حاجه
سيف:ممكن اتكلم معاكم شويه
رمزي:طبعا تعاله
دخل سيف وقعد قدامهم وهو. بردو باصص في الأرض استغربت منه و رمزي الموقف لأن سيف معروف أن هو مهما حصل رافع رأسه ومش بيهمه حد فهو ملقب ب الجوكر في السوق بتاعهم
قطع رمزي الصمت وهو ليحاول يخفف عنه:تعرف ياض انك رخم ديما بتيجي في أوقات متنفعش حتي وانت صغير كنت ديما تيجي وتدخل في أوقات زفت زيك
ابتسم سيف فهو عارف ان رمزي بيقول كدا عشان يتكلم
منه قربت من سيف :حبيبي مالك انت كويس
رفع سيف رأسه وبص ليهم:خالتو انا بحب زينه انا مش عارف امتا وازاي بس انا بحبها انا عارف ان غلطة بس والله غصب عني أنا مكنتش فاهم وقتها صدقيني والله هحافظ عليها بس اسمحولي اقرب منها والله طول ما هي بعيده كدا انا تعبان
رمزي:انا عارف انك بتحبها بس حبك ليها غلط انت بتوجعها
سيف:مكنتش فاهم كنت متخيل أن بحبها زي فرح وتالا ومايا وملك لحد يومها عرفة أن في اختلاف مقدرتش اشوفها مع حد غيري
منه:تقوم تكسر قلبها بالشكل دا
سيف:انا اسف انا عارف ان غلط بس اسمحولي اصلح غلطي مش عايز اتصرف واحس أن بخون وعدي ليك
رمزي:ماشي يا سيف هسيبك تقرب منها بس والله لو بنتي اتوجعت تاني
قاطعه سيف:ابقي أبعدها عني وقتها ومهما عملت مترجعهاش ليا وانا بوعدك أن دا مش هيحصل كمان
حضنت منه سيف:حبيبي انا عارفه انك هتحافظ عليها
رمزي بحده مصطنعه:ابعدي عنه وبطلي حبيبي دي انا بس اللي حبيبك وانت ياض امشي برا كفايه كدا
سيف:حقك ما هي قمر بردو اها لو مكنتيش خالتي
رمزي:اطلع برا يا حيوان
سيف وهو بيضحك:خلاص خارج
خرج سيف ومنه و رمزي بيضحكوا
منه:اخيرا يا رمزي بنتي هترتاح
رمزي:انا متاكد ان بنتك من هتسكت. هتطلع عينه شويه
منه:مين زينه لا مظنش
رمزي:دا قبل ما تتسند من ياسين الوقتي ياسين مقويها
.......................................
خرج سيف فرحان وراح اوضته عشان ينام ويصحي يحاول مع زينه ويكون معاها في كل خطوه
في نفس الوقت كان حسام خارج من اوضته ونازل وقابل جلال:علي فين يا حسام الوقتي
حسام:خارج شويه اتمشي
جلال:لسه فاكر الوقت والمكان اللي كانت بتحب تروحه
حسام:وعمري ما هقدر انسي يا جلال هي عايشه جوايه ومش هتخرج ابدا وعلي ايدك اتجوزت و حاولة اعيش بس مفيش فايده مش شايف ولا هشوف غيرها
جلال:الله يرحمها تحب اجي معاك
حسام:لا لا انا هتمشي بس شويه وهرجع تاني تصبح علي خير
جلال:وانت من اهل الخير
خرج حسام وهو سرحان فيها وقد ايه مش قادر يعيش من غيرها وبدأ يلف في المدينة زي ما كانت بتحب تمشي وتلف
قعد علي كرسي كان قعد عليه معاها وغمض عنيه وشافها قاعده جنبه
حسام:وحشتيني اوي
فرح:كنت عارف انك هتجيلي تاني
حسام:مقدرش مجيش ودا اخر مكان كنت فيه معايا
فرح:انا جنبك في كل مكان واي حته انا هنا
قالت الاخيره وهي بتحط أيدها علي قلبه
حسام:تعرفي فرح بنت ياسين شبهك اوي في الشكل والتصرفات حتي في الدلع انا اتعلقت بيها عشان بتفكرني بيكي
فرح:حبيبي عيش حياتك اتجوز تاني ابني اسره يا حسام انا مستنياك هنا وانت أسس حياتك هناك وخليك ديما عارف ان بحبك وان انا هنا
قالت الاخيره وهي بتشاور علي قلبه وتبعد عنه
حسام:فرح رايحه فين خليكي جنبي فرح
اختفت وهو فتح عينه ودموعه نزلت
حسام:وحشتيني اوي
وقف حسام ورجع القصر وهو تايهه
دخل القصر شاف ياسين واقف قدامه
ياسين:بردو رحت
حسام: دا اكتر مكان بحس بوجودها فيه يا ياسين
ياسين:انا مش هقول ليك انسي يا حسام لأن احنا مش بننسى بس عيش بقا احنا عدينا ال 50 سنه
حسام:خلاص بقا يا ياسين احنا قفلنا الموضوع دا من زمان
ياسين:مش معني أن جوازه فشلت يبقا كلو كدا جرب تاني
حسام:انا طالع انام تصبح علي خير
مشي حسام من غير ما يسيب فرصه ل ياسين يرد عليه
طلع ياسين أوضته شاف اروي قعده علي السرير
ياسين:حبيبتي صاحيه لي
اروي:حسيت بيك انك مش جنبي قلقة انت كويس
ياسين:كويس انا بس كنت بطمن علي حسام
اروي:ايه في حاجه
ياسين: كالعادة خرج راح المكان اللي فرح الله يرحمها كانت بتحب تروحه وكان اخر مكان موجودين فيه سوا
اروي:الله يرحمها يا حبيبي ويصبره
ياسين:انا بس نفسي يتجوز نفسي يخلف وقتها هينسي فرح
اروي:مفتكرش يا ياسين أن هو هينساها
ياسين:علي الاقل الذكريات والماضي اللي هو حابس نفسه فيه دا هيقل شويه انا اللي المفروض اكون كدا يا اروي هي ماتت معايا انا انا اللي كنت المفروض اكون مش هي ماتت قدامي انا
وقفت اروي وقربت من ياسين وحضنته
اروي:حبيبي اهدي واطلب ليها الرحمه وادعي ليها ربنا ليه حكمه في كدا اكيد وحسام ربنا أن شاء الله هيرزقه باللي يهون عليه
شدد ياسين من حضن اروي وهو عارف ان مفيش حاجه بتهديه غير حضنها
ياسين:يلا ننام بكرا هيكون يوم مليان احداث
اروي:ليه
ياسين :بكرا هتعرفي
وانقضي اليوم
.............................
في الصباح الباكر
بدأ الكل يصحي بسبب البنات لأن هما اول ناس صحوا ومشوا في القصر يغنوا من فرحتهم
بعد ساعه تقريبا كان الجميع علي سفرة الفطار والجو مليان ضحك وحب بسبب عز الدين ومشغبته في الكل
عز الدين:بابا
ياسين:نعم يا عز
عز:انا عايز اطلع الدور الاخير اتفرج علي انجازاتك
بدأت اروي تكح من كلام عز ابنها وياسين برق من صدمته
ياسين بحده:انت جبت الكلام دا منين وانجزات اي
عز:رمزي اللي قال لينا كدا امبارح واحنا جاين من المطار ومعرفش إنجازات اي عشان كدا عايز اتفرج
ياسين:عز يا حبيبي محدش يقرب من الدور بتاعي عشان مكسرش رجل حد تمام
عز:خلاص متزقش ماما القمر اكيد هتحكيلي صح يا حلوه انت
قال الاخيره وهو بيبص ل اروي
ياسين:متقولش كدا ليها يا حيوان
عز:حقك بردو ما هي قمر
اروي وهي بتضحك:عز بس لو مش عايز تتكسر الاجازه دي
ياسين:انا اقوم أعلمه الأدب الوقتي كدا هيسكت
عز:لا خلاص يا بوب الناس قاعده وبرستيجي هيضيع
ضحك الكل علي عز الدين
زينه:اونكل ممكن نخرج أنا والبنات
ياسين: أكيد يا حبيبتي انت مش جاين تتحبسوا هنا
البنات في صوت واحد ياعيش ياسين بيه ياعيش ياعيش
ياسين و هو بيضحك:شكرا شكرا بس هتروحوا فين
زينه وهي متعمده تستفز سيف:احمد منصور اللي كان معانا في المدرسه زمان عايش هنا هو اللي هياخدنا يفرحنا علي المدينه
ياسين:تمام مفيش مشكله
سيف:بعد اذنك يا باشا بس في مشكله
ياسين:خير يا سيف
سيف:اظن أن ال بنات كتير علي احمد لوحده فأنا هروح معاهم
ياسين:لا انا محتاجك في حاجه تانيه رعد اللي هيروح معاهم
سيف وهو مخنوق:تمام يا باشا
ياسين:لما تبقا تخلص الأنا عيزك فيه ابقا روح معاهم
عز الدين:طب وانا يا بوب
ياسين:عايز اي
عز:عايزني ولا اروح معاهم ولا ماليش في الليله دي اصلا
ياسين:هو انا مسكتك ما تعمل الأنت عايزه
عز:يبقا اروح معاهم بقا
قالها وهو بيبص لملك اللي ابتسمت
ابتسم ياسين جوله علي ابنه وفي نفس الوقت متغاظ من ابنه الكبيره اللي مشاعره بارده
ياسين:اي يا رعد مسمعتكش بتتكلم يعني
رعد:يا باشا الأنت تقوله يمشي لو علي رقبتي وبعدين فرصه اتمشي مع فرح وتالا شويه
كانت قاعده فرحانه أن هو يخرج معاهم وفي نفس الوقت حزينه كل اللي حواليها عارفين مشاعر اللي قدامهم الا هي فهو غامض
جاسر:وانا هروح معاهم يا باشا
ياسين:مفيش مشكله يا جاسر
سمعت البنات صوت عربيه برا وقفت زينه بسرعه
زينه:احمدجه يلا يا جماعه بسرعه
و خرجة تجري كل دا تحت نظر سيف اللي كان هيموت من الغضب
ياسين :خلوا بالكم من بعض اي حاجه كلموني
خرج البنات وعز الدين ورعد وجاسر  وفضل سيف
حسام:احم انا هطلع اوضتي ارتاح شويه قبل ما العصابه دي ترجع
جلال:انا هخرج اخلص شوية حاجات انا ورمزي
ياسين:تمام
اروي:حبيبي هقوم اجهز ليك القهوه
ياسين:ماشي يا حبيبتي
منه انا هاجي اساعدك
انسحب الجميع فالكل عارف المواجهه اللي هتحصل بين سيف و ياسين
سيف:لي حضرتك منعتني اروح معاهم
ياسين بهدوء:انا مش منعتك انا قولت ليك خلص الأنا عايزه منك وبعد كدا روح ليهم
سيف:وحضرتك عايزني في ايه بقا
ياسين:سيف اعدل كلامك في اي
سيف:انا اسف يا بابا بس انت عارف انا حاسس بايه الوقتي
ياسين:يا ابني اهدي شويه
سيف:حضرتك شوفت كانت ملهوفه ازاي تطلع ليه دي حتي مقالتش  سلام خرجت تجري
ياسين:سيف لازم تهدي وتفكر قبل ما تتصرف وتتكلم متعكش الدنيا تاني كفايه المره اللي فاتت انت لسه مصلحتهاش اصلا
سيف:حاضر يا بابا حاضر
ياسين: قوم خد دش واهدي ورتب افكارك وبعد كدا كلم اخواتك وروح ليهم يلا
سيف:تمام بعد اذنك
..........................................
كان الكل مع بعض في مول من اشهر مولات باريس وكالعادة البنات مقهوره بالموضه وكل شويه يدخلوا محل كان أحمد ماشي معاهم وبيتكلم مع الكل لكن بيقرب من مايا اكتر وبيوجه ليها كلام اكتر
كانت مايا في دنيا تانيه كل تفكيرها في اللي ماشي جنبها ومش عارفه هي في دماغه ولا لا
كان رعد اخد بالو من تصرفات احمد اتجاه مايا ويحاول مش يبين أن هو مضايق ونجح في دا
احمد:يلا يا جماعه ناكل بقا انا جعان جدا ولا اي يا مايا مجوعتيش
مايا بتلقائية: اها انا جعانه جدا
اتجه الكل لمطعم وقعدو وكان الترتيب كل الآتي
عز الدين جنب ملك وجنبها تالا وجاسر وجنبه رعد قدامهم فرح وجنبها مايا وأحمد و زينه
كان رعد حاسس ان قلبه فيه نار من مجرد ما هو شايف أن هو قاعد جنبها وبيتكلم معاها وكان خلاص هيقوم يقتل احمد لكن أنقذه وجود سيف
سيف:مساء الخير يا شباب اذيك يا احمد
احمد: الحمدلله يا سيف انت اخبارك اي
قعد سيف قريب من زينه وقرب منها وقال بهمس
سيف:هو القمر منين اصل الجمال دا واخد العين
ابتسمت زينه وبصت ليه وكانت اول مره تشوف النظره دي في عين سيف
لاحظ سيف شكل رعد قرب منه
سيف:مالك
رعد:هقوم اقتل حد
بص سيف ل احمد وشافه و هو بيتكلم مع مايا
سيف لاستفزاز:طب وانت مالك في اي يعني
رعد بحده:والله يا سيف هضربك كفايه النار اللي جوايا
قالها رعد و وقف ومشي من غير ما يتكلم
كانت مايا عينيها علي رعد وبصت لسيف واستاذنة أن هي هتروح الحمام وطلعت ورا رعد
كان رعد واقف بيدخن سيجاره وسرحان وفاق علي صوتها
مايا:انت بتشرب سجاير
رعد:وانت مالك
مايا:شكرا عموما انا كنت بس بطمن عليك لانك قومت فجاه بعد اذنك
مشت مايا ولف رعد يوقفها لكن شافها بتجري واختفت
رعد:انت غبي و هتغلط زي سيف وهتضيعها من ايدك
رجع رعد مكانه شاف الكل موجود الا هي
قرب رعد من سيف:مايا فين
سيف:قالت أن هي هتروح الحمام بعد ما انت مشيت ولما اتاخرة قولت هي معاك وقف رعد تاني ورجع يدور عليها لكن مش موجوده رجع رعد ليهم شاف سيف بيقفل تلفونه
رعد:في حاجه
سيف:بابا بيطمن علينا لقتها
رعد:لا هخرج ادور برا
خرج رعد من المطعم وقعد سيف مكانه وبث لزينه
زينه:بتبص ليا كدا لي
سيف:بتأمل في خلق الله وجمال خلق الله
اكتشفت زينه وبصت في الأرض
جاسر:ولا انت بتقول لاختي اي بيكسفها كدا
سيف:بلاش انت انا ساكت من الصبح
جاسر:بس خلاص اسكت تاني
فرح و عز و ملك وأحمد بيتكلموا سوا
جاسر :انا هستاذن أنا ساعه كدا
سيف:اخد اختي ورائحة فين
جاسر:هخطفها
خرج جاسر وتالا من المطعم
ملك:سيف هي مايا مع رعد
سيف:اها
وطلع سيف تلفونه يطمن علي مايا وكلم رعد
سيف:ايوا يا رعد اي الاخبار
رعد:مش موجوده يا سيف مايا اختفت
يتبع.........
بقلم الاء ابو العز ❤️